接近12點的晚上,旺角街上依然繁忙。
但作為旺角動漫中心的信和,店鋪早已打烊。
或者是小毒撚唔適合夜晚既旺角,更可能係大家老早已經返屋企搵左套動漫黎煲。

只有小貓三兩隻既信和大堂,對我黎講都真係有少少唔慣。
除左坐正O係門口,釣緊魚既看更大叔外,信和內既都係D 鋪頭既工作人員。
零零散散地離開呢個小毒男、小腐女既天地。

電梯旁棟左個牌:”營業時間上午10時到晚上11時”。
電梯已經停止服務,大堂內既中央冷氣亦早已關機。




我同師傅亦冇打擾兼職緊漁夫既看更先生清夢,
一步一步走上呢個合埋眼都識行既地方。

上電梯既步伐比行上平時樓梯大得多,
師傅兩級兩級咁跳上去,好快就將同我既距離拉開,
我真係有少少想見到佢仆低個樣。

隨住每上一層,寒氣就比下一層厲害。
唔怕老實講,如果阿媽到今時今日都未走的話,我諗我同老豆夏天都應該唔駛開冷氣。不過呢種寒,同平時冷氣既涼有明顯分別,
涼,係出面有凍風吹埋黎,呢d係涼。




如果有一股凍風由身體內走出黎,呢個係寒。

一口氣跑左上三樓,亦即係平時商店既頂層,亦終於追到師傅。
師傅企左o係一間店舖門外細看每一層display架既商品。

玻璃既反光令我睇唔清楚display架上面既野到底係乜,
不過就憑佢收左工門口都掛住一道布廉,我自己都心中有數。

我慢步行埋師傅身邊。
「師傅!又話黎做野?!睇咁多av因住比封殺殺左你呀!」




我既大叫似乎引起左走廊末端另一個肥哥哥既注意。

「o殊。」彎底左身既師傅將食指放於唇上,背對肥仔。
雙眼向肥仔方向望左一下。

自從戴左con之後,我都好少再用靈視眼鏡。
不過今日始終係第一次做野,最好所有野都有備無患。
我拎出放o係袋入面既眼鏡。
 戴上眼鏡之後四圍環境變得灰暗,
我立即望向我人生中既第一個目標。

咦!點解個肥仔一d 紅色靈氣都冇?!
眼前既景象不禁令我嚇左一嚇。
因為師傅話過,高級既鬼係可以避過靈視眼鏡既審查。





我面上帶住疑惑,我收起我無比既恐懼,o住咀咁望一望師傅。
指一指個肥仔,問:「真係呢個?」

師傅充滿自信,面帶猙獰笑容,對我點左一下頭。
之後雙手交叉放於胸前,後退兩步。身靠一旁既玻璃窗,如果佢依家手上面多一包花生,佢就真係一個十足既花生友。