唔係掛！原來真係有鬼！－現代捉鬼故事: 第八章 - 石澳之旅 -16

“Jager” 舉起雙手，伸伸懶腰，打了個呵欠。

我唔敢想像同判斷，到底佢係唔係真係睇到我，
由我同佢有眼神接觸嘅一剎，我身體已經反射地作出了反應。
就如感覺到即將有危險事情發生於自己身上一樣，
毛孔被潛意識地收縮，每一根表露於空氣中的毛髮都被刺激得豎起。

我立即將自己縮低，希望一切一切只是自己多心，
而非Jager 發現了自己。





一個殺得眼紅嘅人，我唔知佢已經回復理志未，
更唔知佢下一步會做d咩。
先唔計靈力，單單係”Jager”　頭先一戰所表現出黎嘅運動神經，
都足以嬴我幾條街。

我稟承住由師傳身上面學到嘅mk絕學:
「見毒撚就郁，見大隻就縮。」
人地高我個幾頭，睇佢頭先直頭可以一拳打死老虎，
如果我咁都唔縮，我諗真係有辱師門。





我所自己縮低，以身前嘅矮樹遮蔽住自己。
不過如果你有玩過恐怖game都知，呢招一定唔會work。
敗北之處唔係因為自己遮得唔夠好，而比人地發現；
比人發現，全因為人類嘅一種本性－好奇。

咁當然，我只係講緊打機，以前我成日都想打機嘅情節可以發生喺自己身上；
但係今次，我真係求神拜佛，千其唔好。

我將自己遮左我諗只係十幾秒，
就已經忍唔住想伸個頭出黎，睇下到底Jager係唔係真係見到自己。




再者，如果佢真係發現左，我再遮都冇用啦。

「呼，死就死啦。」我心入面對自己講，
冒求可以鼓起100%嘅勇氣。

我慢慢將頭伸出樹叢，望向頭先”大戰”嘅位置。
我緊緊閉住呼吸，務求將呢一下嘅氣息降到最低，
亦唔希望因為任務野令”Jeger”發現到我。


巴士站上空無一人，車站嘅鐵皮上蓋凹左一個人型大洞，
地上亦慢慢流著由街井而來嘅清水。

“Jager” 原來已經離開左車站。





「呼....嚇得我...」我呼出一口緊閉左幾十秒嘅氣。
雙肩亦如放下沉重書包嘅孩子，突然有一種釋懷嘅感覺。

突然間，我感覺到有人出現左喺我身後，
正確黎講，係直頭感覺到有人貼住左我背脊。
我左面搏頭傳黎一個唔算輕嘅重量。

我唔敢望過去，亦唔知係乜野貼住左自己。

「有咩睇呀，等我睇過？」

我就好似被發現偷竊嘅小偷一樣，
心臟不停加速跳動，汗慢慢由額角流下。

「點呀？花生好唔好食呀？」一個剛剛將一隻野獸送左落地獄嘅獵人喺我耳邊低聲說。