唔係掛！原來真係有鬼！－現代捉鬼故事: 第十章 - 萬惡之夜 -4

「喂師傅？」我見到Message 後，為平息心中對師傅嘅擔心同不安， 
我立即回電師傅，。 

「喂，搞緊乜呀？」師傅問。師傅語氣與平時無乜大分別，很難想像佢message 內容指嘅大檸樂係乜野意思。可能係師傅夠經驗，夠冷靜；又或者係其他我想像唔到嘅原因。 

「無呀，同Smoky 食緊飯囉。」 

「咁無野喇。」 

「下？你Message 入面又話大檸樂？係唔係有乜事？」我追問道。 





「其實．．．」師傅吞吞吐吐地說。 

「其實？」 

「其實我Send 錯，我本身想send 比Jessie，因為我整爛左隻figure， 
上次都係佢幫我救番，但係我就錯手Send 左比你咁囉。」師傅笑說。 

「呀扯！咁即係冇野啦！」 





「都唔係架，如果你想有野都可以有。」 
師傅似笑非笑，似有甚麼陰謀似的。 

「即係點呀...？」 

「頭先你老豆話有單case，如果你得閒嘅我地聽日一齊去。」 
原來師傅嘅陰謀，就係又要捉我去做阿四。不過都好嘅，呢排占卜檔生意水靜鵝飛， 
出一出去話唔定都可以轉個靚運。 

「聽日？又好，反正呢排都靜到乜咁。」 





「拿！你話架，聽日見啦，你慢慢同你女女happy啦！」 

「咩呀～」 

「卡察。」師傅未有得我回應就已經cut左線。 

由我接到message 嘅一刻，Smoky見到我嘅神情亦知不妙。 
不過隨住講完電話後如放下心頭大石一樣的神情，Smoky 亦稍為放鬆了一點。 

「係唔係有咩事呀？頭先你個樣...」Smoky 問。 

「妖！死人師傅Send 錯message，嚇鬼死我呀～」 
雖然師傅平時份人係黑人憎，但係作為徒弟，佢有乜事，我都會第一時間去幫佢。 





Smoky 笑了一笑，說「無事咪好囉～聽日你係咪有野做呀？」 

「係呀～不過聽日事聽日先算啦！快ｄ食埋d野走人啦！」 

「好呀！我仲想食甜品！」 

「仲黎？！」 

「女人有兩個胃架嘛，你唔知咩？」 

Smoky 一直望住我送比佢嘅情侶戒指傻傻地自己笑， 
我將Smoky 所送比我嘅”護身符”放到銀包入面，希望呢一個”護身符”真係可以保佑到我。