幾個鐘之後,我同師傅踏出戲院門口。
商場之內燈光已經局部變得暈昏暗,人流亦比之前變得稀少。
這樣的情境,不禁令我想起當日第一次捉鬼,
無人嘅信和,仲有o個個好假的肥仔。
唔覺唔覺就過左差唔多兩年嘅時間,如果今時今日比我再次對番當日嘅肥仔,
我諗唔駛5分鐘就收得工。

諗到呢度,我心入面一直抱住嘅不安亦慢慢開始消失。

「師傅,我地喺度等?」我問。




 師傅搖了搖頭,「唔係呀,我地今晚目標都唔係喺呢度,我見有幾個鐘冇野做先睇戲咋,
唔通兩條麻甩仔唱K咩。」

「咁我地今日去...?」

「你跟住黎咪知囉。」師傅故作神秘。
只是帶我走向裕民坊的方向。

裕民坊這個名字像是甚麼商場的名字,但其實裕民坊是一條街道。裕民坊是觀塘其中一個人煙最多的地方,可能是因為近住宅區的關係,
商店也是區內較集中的地域。而且附近連k都有得唱,




十點幾十一點你都唔駛旨意冇人。
裕民坊的一邊是商廈林立的商業區,另一邊則是個依地型而建的住宅舊區,
住宅區就像圍繞一座矮山而建,建築亦似建於斜路之上,於香港罕見。

隨住黎到裕民坊,被跟蹤的感覺又再次出現。
我開始時說服自己只是錯覺,但愈走得久,感覺亦愈強烈。

我轉身一望,人群入面彷彿每對眼都在看著自己。
或者被跟隨依然是我的錯覺吧?





依著上山的斜路一直走,我們終於走到一個,我認為最似今晚目的地嘅地方。
一個舊式小販市集。

市集給我第一個感覺就似是漫畫入面嘅油麻地果欄。
小販市集以鐵皮搭建而成,或者從外表更直接地形容,
就是一堆天台屋放在一起。小販檔跟檔之間有著通往市集中心的通道,通道之中沒有半點燈光。部份檔口門前亦堆積了一堆二堆的垃圾,就此來看,市集都應該半荒廢了吧?
或者我自己都唔知道原來香港仲有咁舊式嘅市集

一陣陣寒風好似包圍住市集一樣,怪風將市集嘅鐵皮吹得互相撞擊,
發出一陣陣令人心寒嘅冰冷金屬聲。而市集嘅漆漈黑通道之中,彷彿傳黎追逐的腳步聲。
我集中一望,終於搵到今日跟蹤左我成日嘅犯人。

我隨即跑進通道之中,不理師傅的喝止,追蹤一直跟著我的人影。