唔係掛！原來真係有鬼！－現代捉鬼故事: 第十章 - 萬惡之夜 -23

軟軟既草地，鮮嫩綠草的氣味及四周的花香浸滿了我的鼻腔。
一個我廿幾年黎發過無數次既夢，但係沒有一次比今次更真實。
真實到，我可以用皮膚感受到陽光的暖和；
真實到，可以感受到腦門後雙腿的體溫。

我平躺在草地，頭枕在一個女生的雙腿上。
每次在夢中向上看，要望清楚這雙腿的主人時，陽光每次會阻礙著，
但不包括今次。

「醒喇你？」有一把女生的聲音問道。




女生聲音不過十零二十，不過掃視她的上身，卻穿著今時今日只有老人家才會穿著的舊式唐裝，或者我叫佢做婆仔衫。

「下...我喺邊呀？」我試著說，
但無論我內心想要說甚麼，身體卻不受自己的控制，彷如我正在以第一身的角度去觀看一套戲。

「嗯，醒喇～」”我”回覆道。

「你呀！去到亞美利加讀書，會唔會唔記得我架？」女生問。

「緊係會啦！到時同唔同國家嘅金髮美女相好，搵咪個番鬼婆做老婆，




唔番黎添架喇！」估唔到，原來另一個”我”把口可以咁賤。

兩點水珠由女孩子的面上滑落，準確的落在我的面上。
“我”沒有理會面上的水點，只是用手輕輕的擦掉女生眼角的淚痕。

「傻瓜！我唔娶你仲可以娶邊個呢，一妹？」”我”對著”一妹”說。

「你試下識第二個！我一定唔放過你！」女生回覆地說。
但淚眼依舊，眼淚在眼框中流連，在逞強的她面上像默默地向”我”示威。
 ”我”輕輕地拉著”她”的手。




「等我返到黎，我就同你屋企人提親，好唔好？」

「提親？乜讀完番書既人都唔係鍾意自由既咩？」

「我個人傳統嘛！」”我”回答說。「到時你仲要跟我姓架！」

「下....”柳一妹”咁難聽！」女生回覆說道。

「咁...」




「不如叫　柳如煙　？」