唔係掛！原來真係有鬼！－現代捉鬼故事: 第十章 - 萬惡之夜 -25(完)
有人同我講過，
「就算發生更大件事，只要你一日唔死，你都要行落去。」
所以就算Smoky 已經離開，我亦要繼續生活。
Smoky 留低的小信封，我試過無數次將它打開。
但它總是似有一層保護套一樣，無論我用任何方法，都無法將它打開。
市集一役之後，我準備左封辭職信，
向師傅、同我老豆辭職。
始終入行之時，有太多太多無考慮過，
第時如果要再搵工，工作經驗寫『清潔員』又點會有人請？
而且更重要，係我留低喺呢度，
我每一日都會諗起Smoky。
或者我需要去另一個地方重新開始，過一段新嘅生活，
一段同依家生活180度唔同既生活。
我決定去澳洲wh一年。
（咪玩啦，依家邊有人wh 係真係做野。）
希望一年之後，我可以行落去，
用一個新嘅方式。
不過，我依然會將我同Smoky 嘅一對戒指扣左頸鏈上面戴住，
因為我應承過佢，我要同佢去唔同嘅地方，食到老，玩到老。
唔係掛！原來真係有鬼！－全文完