唔係掛！原來真係有鬼！－現代捉鬼故事: 第二章－爸爸－6

公司以白色為主調，間格同一般offlice 大同少異。
最大既分別，我諗絕對係佢地部電腦睇緊既野。

我由公司門口一路跟住老豆行，
每一個人個mon 都係做緊d 同公司完全無關....又或者我覺得無關既野。
Facebook既facebook,Youtube 既youtube。
可能你會話，話唔定佢上facebook cold call 緊客，上youtube 係學緊外國最新技術呢！
呢堆藉口我都識作，特別係每次射波既時候我就作得仲勁tim。

「閂門。」老豆入左公司最入既房之後同我講。





本身我都仲諗緊老豆其實係唔係剩係黎打工架咋,
話曬呢個地段租都應該唔野少。

一個落地大玻璃，見到曬向住女人街方向既旺角全景....
每個o係街上面行既mk 妹都可以坐o係老細櫈上面一覽無遺...


傻豬黎既，香港黎架，咪FF啦！
一望出去全部都係唔同大廈同唐樓既天台。




頂多都係見到Ｄ阿姐o係度曬衫。

「我初初租呢度ｏ個時諗住可以睇到依家ｄ後生女架，
點知原來得Ｄ中女曬衫睇。」　我同老豆果然係兩父子。 「頭先眼甘甘咁望住我個女同事，即係你阿媽既擔心係多餘架啦，坐啦。」

如果唔係老豆有著褲，我絕對會懷疑我老豆隻C眼係唔係都睇到野。
突然比老豆咁講一講，我都唔知可以講Ｄ乜，
唔通真係要講 『老豆你真識食』咩。