唔係掛！原來真係有鬼！－現代捉鬼故事: 第二章－爸爸－11

「俊，你覺得你怕唔怕鬼？」老豆突然塊面由689 式笑容，變到好似王維基知道自己冇牌時候記招咁既樣。 

「唔怕掛。」我點答你o者，咁耐以黎既鬼我剩係見過我老母。 

「咁你打開佢，我想睇下你有冇資格。」 老豆繼續版起塊面， 
將佢個盒移到我面前，盒既開關將正正對住我。 

一個盒可以嚇到我？頂多咪又係ｄ咩咩古書，最多咪成盒小強！ 
可以嚇到作為全能高登仔既我咩？ 





「啪！」 

o係我正想打開之際，老豆一手就拍落個木箱上面， 
原來都真係嚇到。 

「如果你真係想了解更多既先好打開，我唔會迫你。當你一打開個盒，就代表住你將會見到一個同你一直以黎所認識完全唔同既世界。如果你隱藏得唔好，分分鐘所有人都以為你痴線，到時如果你入左精神病院我係絕對唔會黎睇你架。」 

聽完呢段說話我個心情同第一次打算同女神表白既心情一樣， 
我清楚感受到自己既心跳。 





「卜卜，卜卜。」 

我唔知下一秒會發生咩事，不過我同一般打工仔一樣，我已經開始厭倦日常既工作， 
而最重要既係，我想要一份返工可以上youporn 既工同有索女Reception 姐姐既公司。