唔係掛！原來真係有鬼！－現代捉鬼故事: 第四章－達德行－5

「喂～你會唔會唔要我架？」
「傻瓜，我讀完書返黎就會娶你架喇。」
「你話架！」一對年輕男女o係草地上面享受獨處既時光。
男生盤膝而坐，女生就輕輕訓到男生的大腿之上。
女既身穿民初衣服，及膝長裙。男既身穿學生唐裝。
呢對情侶既相貌好模糊，我就算點集中都留意唔到佢地個樣。
「到我帶左你走，我地改過個名，之後好好生活啦！」男生堅定對女仔說。
「咁叫咩名好呀？」
「不如就叫....」





我張開眼，望到既唔係咩草地，
而係屋企既天花板。

呢個夢我發過好多次，每次到呢個位都會醒。
個劇情十足十以前tbb d 民初膠劇，
或者我真係太恨拍拖。

時間應該上午11點幾，因為我聽到隔離屋小朋友大叫 『變身！』，
仲不時自己配埋打鬥既聲效，
唔駛問都知做緊蝗虫超人。





我訓o係床到，望一望月曆，星期六，今晚去 『探險』。
一諗到呢度，認唔住要打多個呵欠。

「呼。」點解唔比我訓耐少少，難得今日18號請左假，
唔駛上堂，突然多左一日下午既時間，我真係唔知有乜野好做。

食左兩個平靚正既營多，加一隻濃邊蛋。
幾時都話食麵要跟番包裝上面既建議配料係最好食。





我打個browser，諗住做定功課。
今次嚇下Smoky，再用幻術等佢覺得周身唔舒服，之後我就即刻黎一招英雄救美！

「好驚呀～」
「唔駛怕！有我o係度保護你！」
一諗起自己既英姿，我真係忍唔住大笑左出聲。
過埋今晚！MK妹征服計畫就完成喇！
我深信Smoky 一定會比我既魅力深深吸引o者。

「yq達...hp德.....」當我輸入達德之後，
第一個彈出黎既關鍵字，亦即係全球最多人搜尋既係...
「達德小學。」

達德小學，原名達德學校。
1931年開始辦學。去到1961年，學校都係以祠廟為辦學場所。一直到1974年，學校搬到當時新校舍，學校呈「U」字形 ，大樓中間係禮堂，兩邊係課堂。兩u字中間既空位，就正正係操場。如果你仲係唔明大約係點，你可以參考下日本電影大師北野武有份主演既大逃殺，第一集入面既學校就正正呢呢類。





建校前傳說係亂葬崗，有兩個相關傳說；有傳當年日軍分三路入香港，其中一路經過達德學校原址，並將附近大批村民於該處集體處死；亦有傳說1899年，英軍強迫租借新界，村民抵抗不力，被英軍屠殺。兩個傳說都係話村民既屍首被人埋葬於達德學校附近，所以成日有鬧鬼傳說。

不過講真，事隔咁耐，加上佢地係原住民，
我地上去望下都應該唔會有乜事啦。
如果成百年前既鬼到今日都仲可以橫行無忌，我諗班牛頭馬面都應該全部炒曬佢。