上山既路除左起段路段有偶爾有兩盞街燈外,
山路基本上都是沒燈光可言。
加上路兩旁茂密的樹木,
在枝葉互相交織下,基本看不到半點天月光。

雖然話就話係山路,但係路面明顯有作日常修輯,
行起上黎亦唔係特別吃力,不過就窄左少少,
如果勉強的話都可以比3到4人平排而行。

我地一行7人,三小花行頭,肥榮bella 就o係中間,而我同Smoky 就行尾。




前後分為3組。每組有一人手持電話作照明。

當晚幾度我就真係唔記得,
不過無可否認既就係上左山真係特別凍。

「覺唔覺得好寒呀?」平時少說話既Phoebe 開聲,打破左我地上山以黎十幾分鐘既沉默。

「少少啦。」Hebe 唔知幾時開始雙手交叉放於胸前,一邊原地跑暖身。
「不如走啦,It's seems something gonna to happen~」上山前係威係勢既Bella,亦o係呢個時候打起退堂鼓。





「都行到一半喇!上去啦!」帶隊既yan 不甘行到一半就放寬,鼓勵大家咁講。

「係囉,有我陪你嘛。Tru時 me okay?」肥榮呢個時候用地道口音講左句英文,我笑而不語。

「你唔驚咩?」我問問身旁既Smoky。

「唔啦,你都知依度都冇 『野』。」我一時醒唔起Smoky 同我一樣,
有時可以睇到黎自唔同地方既”朋友”。

「咁繼續行喇!」Yan 話口未完就開始繼續行。





之後既幾分鐘,大家仍然冇乜講野。
明明11月,o係陰涼既山路上面,竟然仲可以聽到蟬既叫聲。
加上由唔知幾時開始,我地身邊就開始愈黎愈大霧,能見範圍也不過十個身位。
我冇問大家有冇人留意到其他唔合乎邏輯既問題,
因為我知道如果我再嚇佢地,班人入面真係有可能會有人賴屎,
我唔想執,亦唔想同一個賴左屎既人一齊落山。

「點解會咁既?」
「咪玩啦!」
「我冇玩呀!唔知點解佢壞壞地。」

我分唔到3小花扮聲,因為現今既港女10個有7個都係咁。
三小花停左腳步,我地7人亦都圍圈圈咁聚集起黎。





「咩....咩事呀?」肥榮問。

「唔知呀,頭先部電話燈自己閃下閃下...」Yan 一面回答,一邊用最原始既維修電器方法對待手上面既三叔手提-暴力拍打。

「得唔得架,一陣你連個mon都打爆埋呀。」我望一望我既iphone5s,
感謝蘋果出機前既qc做得都唔差。

「唔知呀,一係用我部機啦。」Hidy 拎出佢部iphone。

「好啦,你開番個電筒啦。」Yan提醒Hidy 。

「咦.....?」

「做咩事呀?你又壞呀?」
「唔知點解...我部機唔著呀。」





「咁點呀,咁黑點行呀?一係你地行最頭喇」Yan 望住服榮咁講。

「痴線啦,你壞左電話就要我行頭?」

「你係咪男人黎架!咁細膽既?」

「男人就一定要行頭呀?一陣有乜事點算呀?你抬我呀?」

兩人o係寧靜既山邊大吵大鬧。
Hidy 同Phoebe 拉住左Yan,肥榮就一路鬧,一路向後移。

「你地收聲!」Smoky 大喝左一句。
我地在場6個人都嚇左一跳。





Smoky 行前左幾步。
大家注意力都集中於Smoky身上。

「我諗我地到喇。」

我亦行近Smoky,每行一步,就愈睇得清楚一度久久無修輯既生鏽鐵閘。
半開既鐵閘彷彿等待我地入去一樣。

而鐵閘兩邊石柱支撐會最頂既一個牌匾,
雖然路旁既樹已經將其中最左既兩個字遮住,
但係仍唔難估到上面寫住d咩。

牌匾由右至左、工工整整地寫住四個字。
亦都係我地一行七人今晚既目的地。





達德學校。