唔係掛！原來真係有鬼！－現代捉鬼故事: 第四章－達德行－27

「呀！」我再次拉弓，右拳描準中女MISS 既左邊面。

「你都仲係學唔精！上次你咪...」
 「踫！」右拳擊中　中女MISS，
Miss 成個人往後移左幾步，撞左落其中一張學生檯上面，
葛萊芬多得一分！

可惜沒有觀眾掌聲。

「點解會咁架！」中女Miss 大為不解。





「係囉！點解會咁架？」我面上掛住一絲冷笑，
唔係因為我知原因恥笑佢既無知，
而係－我真係小氣過方丈。

中女Miss，今次到你乃野喇。

我再次使出右勾拳向Miss 來襲，
miss 輕輕向左一移閃過左我既突擊。





「有無咁好身手呀？！」我認唔住要讚嘆miss 既閃避技巧，
因為以我所知，以前只有學生閃避粉刷先可以練到呢招凌波微步，
估唔到今日可以o係miss 身上見識到呢一招。

Miss 閃開左呢拳之後，立即借勢向我一巴煎埋黎。
以全身之力出完右拳，唔好話要我避，要我企得穩都難！

「啪！」Miss 兜巴就車左落黎。
一巴都咁痛，我唔明點解有男人可以連食14巴。





「啪！」話口未完我又比人星多一巴。
連食兩巴，我亦都失平衡向後一倒。

「你居然打我兩次！？連我阿爸都冇打過我架！」

「依家ｄ學生都九唔搭八。」
我以經典既對白嚇一嚇對手，等佢無所適從。

細看之下，miss 身體四圍再次出現淡紅既光芒。

「快d啦！無時間喇！」Smoky o係後面大叫。