「我想問係唔係只要有特定既元素,就可以令鬼現形?就算長期都得?」
我見到眼前既景象,認唔住追問金仔。

「冇錯,不過如果要無色無味既話,相對現形時間同埋效果就差少少。我之前都幫其他朋友整過一種用品,佢可以將靈體現形,仲可以長期用,時候限制亦比較長。可惜好大陣味,唔係人人鍾意。冇計啦,呢d野要取捨。」金仔搖搖頭,睇黎佢對呢一件作品唔太滿意。

「咁大眼仔同眼鏡呢?」我拎起盒入面既粗框眼鏡,問金仔。

「你戴上去FEEL 下先~」
我將自己既眼鏡除下,換上金仔提供既眼鏡。





眼鏡應該係冇度數,有500度近視既我就如隔住磨砂玻璃紙睇野一樣,
就算連眼前幾十CM 既野,我亦未能清楚睇到。

「我有近視,乜都睇唔到呀。」我抬頭向金仔抱怨。

「比D耐性啦後生仔!」金仔將止汗劑整齊放回盒子入面。如同每一個Sales 向客人推介完產品,將產品重新放好一樣。

神奇的事情發生了!眼鏡好似識檢查我眼睛既近視一樣,
慢慢自行調節,變成合適自己度數既眼鏡。師傅,金仔,亦再次清楚出現o係我眼前。但係每個人身邊都有少少白色既光芒,如煙霧浸透湲出黎。
我就如平時拎到新眼鏡後一樣,四周望望,睇清楚身邊既每個位置。就連之前一入黎睇唔清楚既黑色暗角位,依家亦見得層次分明。




我下意識向後一望。

「嘩!!」 唔知幾時開始有三數個中年男人企於我後面,
彷彿我o係先達買最新款既電子產品,身邊既行人行埋黎睇一樣。

「你地幾時入黎架?做乜鬼你地行路冇聲既!」我對中年男人講,
同時由上到下審視呢幾個男人。

最後我都發現左點解佢地行路冇聲,因為佢地原來真係冇腳。





「呢一副係靈視眼鏡,」金仔從我面上將眼鏡摘下。
「可以幫你呢d未集慣用靈視力既人睇到 『你需要睇到既野』。你自己都應該有定時冥想修練架啦,因為之前聽你師傅仔講你都係d占卜學校學過下野。假以時日你就唔需要呢副超架喇。不過以依家你既情況,都係戴埋就夠穩陣啦。而呢對con作用都一樣,不過有人鍾意戴眼鏡,有人鍾意戴con,依家仲有增大款同十幾隻色,要寫輪眼呀又或者其他款都可以拎埋圖黎幫你造架,不過另外加錢o者!」

我望住金仔,輕輕拍左幾下手掌,
因為我真不得不配服佢既生意頭腦。