五分鐘後的7-11 便利店,兩個孩子一邊享受著免費的汽水,
一邊傾談著自己的未來。

「喂,你諗好讀邊間中學未呀?」Owen 對少年問。
「是旦啦,中學咪間間都一樣!」少年笑著說。
「唔係啦,有d學校會特別著重運動又或者係藝術訓練架!」

「你想入體藝呀?」少年問。

「係呀!你運動神經咁好,我諗你都可以架!」Owen回答道。





「我d 運動神經都係同學校d同學打交打番黎架,邊同你o個d一樣,你又籃球隊,又羽毛球隊咁,我唔似你,我人生冇乜目標,都冇乜野想做。」少年一面嘲諷,一面向身邊好友作出男生最致命既攻擊-偷桃。

Owen 下手一擋,將此記可引致絕子絕孫的陰招格開。
「但係體藝....」Owen 刻意賣賣關子。

「體藝...?」

「好多....」





「好多...?」

「靚女架喎!」Owen 瞇起雙眼說。

「冇相你話入面個個都好似TWINS都得架啦!」那年,Twins 仍紅透半邊天,未有閃卡事件,亦未有其他醜聞。

「咁一係搵日我同你去睇下先喇!」Owen 用盡一切方法想令身邊既好朋友一起報讀同一間學校。

「點解你咁想我同你讀同一間中學呢?其實你係唔係gay既呢?」少年一面不解向Owen 問。





「Gay你個頭!」

「咁你比個原因我喇!」少年追問。

「因為我有個夢想,我想努力去追,我想成為一個職業運動員。但係你知我一個人好易放棄,我想你一路o係我附近支持我,又或者我地一齊行一條充滿冒險,外人唔敢行既路!」

「冒險?你估你係卡通片主角咩!」少年聽完Owen 的說話後,背對Owen 走出7-11。

「不過!」少年站於7-11 門前。

「不過?」Owen 本來帶著失望的面容上出現了一點疑惑。

「學你話齋,唔冒險又點似人生呢!人生呢家野!」少年轉身對著好友說。
「最緊要型!」少年跟Owen 同時說出這句說話。
兩人面上展示出開朗的笑容,有人說過,如果兩個人會同一時間說出某句說話,




要不,他們就是一對天造地設的戀人;要不,他們就是一對可以出生入死的摯友。