校園愛情治療師: 選科

「呃，兩位講句野好冇?」
呀輝坐低咗之後，目光一直冇離開過本筆記，
而個女仔似乎只對碗桂花糕有興趣。

「你想講咩？」呀輝冇抬頭咁問。
「聽講你地好耐冇見。」隔離匙羹嘅動作停止咗。

「你係咪誤會咗啲咩?」

「聽講你同佢以前好friend。」


我開始按捺唔住我嘅好奇心。

「其實佢只係耐冇黎呢度，唔係你諗嘅咁。」
「你唔好將你嘅諗法代入我身上。」

「其實我地係同班同學黎。」
有一把女聲打斷我地。
「所以日日都見架。」

「……」我好似諗多咗。



「只係平時冇講過野遮。」呀輝淡淡咁講。


「唔通因為以前太熟所以
大個咗唔知點解會有種疏離感。」
我心諗。

「你今日黎係做咩架?」
「啊！係呀James件事應該點。」




「你想點咪點，
其實你知唔知聽日考中文final架？」

「你覺得我會溫書架咩？」

「唔會。」


我地呢張枱再度沉默。



「係呢，你又唔洗溫書咩？」


我諗起另一個係考試前都仲係無所事事嘅人。

呀輝嘆咗口氣。「佢唔溫書都會高分過你。」

「你呢句係咪有啲過分。」

「講事實遮。」



個女仔見到我地咁樣忍唔住開口。
「不如我地講吓揀科啦，你地想揀咩科？」

「phy chem bio」呀輝諗都冇諗。



「我諗住讀physics，chemistry同bafs。」
個女仔似乎唔想氣氛再靜落去，即刻講出口。


而我諗咗幾秒，
「即係得我未諗好讀咩啦。」我苦笑住咁講。
「除咗體育想讀之外都唔知揀咩。」


個女仔問「咁你有冇邊科成績係好啲?」


「chem同bio都過得去嘅，二選一。」
「不過chem好似好玩啲。」



「你唔揀曬兩科?」


呀輝呢時加咗把口埋黎。
「因為佢個成績只可以揀兩個elective。」

「啊，sorry呀。」個女仔有啲驚訝咁講。
你唔係覺得咁樣會hurt到我吓話。

「我冇野，因為你俾三科我都讀唔到。」


「咁你知唔知你鍾意嗰個女仔讀咩?」

「鍾意嘅女仔?」個女仔即刻反應過黎，


好有興趣咁追問。「邊個，咩班架。」

我同呀輝對望一眼，決定唔同佢講，
總係覺得會好麻煩。


「佢應該會揀bio。」

「咁冇野好諗啦，bio，體育。」
「日日都可以望到佢，開心啦。」


「揀chem啦，興趣緊係重要啲！」
個女仔近乎係嗌出黎 ，
我都有啲意外點解佢咁激動。

但係呀輝完全冇驚訝，
仲好理解咁話。
「都係嘅，俾人逼去讀都唔會開心。」

佢地終於對望咗一眼。

「一係等到出成績再諗啦，
可能兩個都讀唔到呢。」



呢個時候，Auntie走咗過黎，
我都唔好意思再啤住呀輝。
「呀女，我幫你打咗電話返去，
好彩你地屋企電話咁多年都冇變。
我話俾佢地聽你喺呢度，
你洗唔洗過去講兩句?」

佢搖咗搖頭，「我返到去會講架啦。」

「好啦好啦。」Auntie返返收銀嗰邊。


「啪」呀輝合埋咗本筆記，
「襯仲有啲時間，我地傾埋James單野。」