校園愛情治療師: 長夜（下）

「返黎嗱。」

家姐望住手提電腦冇抬起頭，

「唔洗搵，訓咗。」


喺我經過佢身邊嘅時候，
我聽到佢漫不經心咁講，
「佢性格係咁嫁啦，唔洗咁上心。」



我冇出聲，直接入房攞衫沖涼。

去到我訓落牀，家姐都仲喺出面煲劇。

訓喺張牀度，又諗起家姐琴日講嘅野，



「其實聽到你地喺度講話地位差距，


真係好想笑，
可能係你地先會睇到咁重要。」

「去到黎讀大學同做野你先真正
知道咩叫地位差距，
中學嘅差距最多咪一個科科唔合格，
日日遲到早退嘅學生，
同一個品學兼優嘅學生會會長，
你覺得分別真係好大咩？」



「你知唔知點解咁多人都鍾意
中學嘅戀愛故事?
除咗多人嘅初戀都係喺中學時期之外，
就係因為中學嘅戀愛係最純粹，
最冇掩飾，就係嗰種懵懵懂懂，
咩都唔識，又冇野顧慮，
跌跌撞撞嘅單純感覺令人覺得可愛。」

「你好少會理佢咩身世，有冇家底，
但係鍾意佢咩都可以拋諸腦後，
就係為咗呢一種感覺，毫無雜質，全心全意。」

「但係呢隻純粹，
會隨住你成長而加入好多唔同嘅雜質，
你會變到唔敢踏前一步，


你會後悔以前做過嘅決擇，
你就會發現原來鍾意一個人原來好難，
已經冇咗當初嗰種衝勁，
去到嗰個時候，先係你要諗身份地位差距嘅時候。
因為去到嗰個時候，鍾意就變成愛，
而愛一個人係需要負起責任。」

「不過我始終覺得鍾意呢種感覺更好，
我就係鍾意嗰種唔成熟同無拘無束，
所以……唔好俾嗰呢你自認為嘅野束縛住自己，
我知你仲鍾意嗰個女仔㗎。」
家姐嗰晚講完呢句之後就笑住咁爬返上去，
淨返我一個坐係張牀度。




為何才十八歲要計較八十幾歲回望

要報答世界大多數期望

襯托你我這極少數 活得猖狂

能痛快釐定對錯要儘早變大人那樣

別人便肯鬆綁

前路一早綻放 我們獨有的風光







「啊，我講到有啲肚餓，
你順便煮個麵我食。」
















「啊，唔記得咗要搵Emily 。」

我喺牀上面擘大眼，
但係放學又約咗佢地傾去長洲。
「唉，唔理喇。」
我轉身用被冚過頭。