校園愛情治療師: 治療師

「好，今日啲試考曬，食唔食飯啊?」
「今次份通識卷好簡單。」
「嘩，你就話遮，我完全睇唔明啊。」
「頂，我仲有地理未考，點算先?」

「喂喂喂，出面咩料!?
樓下嗰班女神上曬黎。」
「吊啊，仲要七個齊曬，
仲唔係同我開兩枱麻雀打天光!」
「打飛機打天光就有你份。」



「出去望啦，講。」
「唔撚係路啊!佢地行緊過黎。」

小小事就拆曬天，厹不愧為厹，比八哥更強。

我抬起頭，直直望向門口，
對着這次的目標一笑。




許小姐一路行近我，周圍議論紛紛，
難怪，女神同普通人嘅接觸係不被社會接受，
佢地嘅眼神同望住異類無分別。


我擺出招牌笑容，
「咦，璐琳，一唔一齊食飯，
聽講新開嗰間日本野幾好食wo。」




其中一個女神話
「咩食唔食飯啊!琴日璐琳佢wts左你成日，
仲要一個藍剔都無，
你到底係唔係佢男朋友啊!」

一陣嘩然

無視，同佢拗無好結果。

我直接走到許小姐跟前，

「璐琳，無事呀嘛，同我講發生咩野，
不如一路食飯一路講。好冇。」

我正想順手拉走許小姐，


但被人以迅雷之勢拍走。

「唔好帶走佢，有咩三口六面講清楚，
反正有大把人證。」

歡呼聲一浪接一浪，
你班hihi食花生食咁開心，
小心食到喉嚨痛。

但係一句就有咁多和應...
唔好理，目標係許璐琳。

我轉向許小姐，我同佢保持兩步之遙，
佢亦木然抬起頭，回應我的問題。




「你琴日...嗰句...係...咩...咩...意思，
咩...叫就咁.......」

放心，佢唔係漏口，只係緊張，
死啦，
二個幾禮拜仲係唔敢係人多嘅地方講野。




好彩無售後服務遮。





「哦，你話琴日，你無睇錯，係就咁分#&@」

許小姐一個衝刺，按着我的口，臉紅着說，

「你話過唔會比我一個人，
你同嗰個衰人有咩分別，你答我，答我啊!」

「之前嗰個咪幾好，又識接放學，
生日又會彈歌。」

「係囉，上次聖……」

我的天空　為何掛滿濕的淚
我的天空　為何總灰的臉



可能提及舊愛，可能回想起呢兩個禮拜嘅事，

許小姐已經哭成淚人。

哪一個比你好 比你差 緊要嗎
說一句放下了 心裡邊 更牽掛
幾多場痛哭 其實值得哭嗎
躲不了重頭來過 別望那消散煙花


可唔可以唔好咁單純，兩個禮拜就死心塌地，
好易比人呃㗎。

我伸出手，抹走佢面上一滴一滴淚珠，

「對唔住，今次係最後一次。」






之後就交比舊愛，後果自負啊舊愛。


最後，公主同王子就幸福快樂咁生活落去。
而壞人亦得到相應嘅懲罰。