喪失人性的校園喪屍遊戲: 生存的意欲

環顧周圍，俊熙看到附近的喪屍都被他們毀滅了，躺在地上，一動不動。

地上的深藍色血液開始凝固，反射著月光。


大家笑了起來，原來喪屍的生命力如此渺小，不堪一擊的嗎？

喇叭這時響了起來：「哇，各位同學的團結力真是可喜可賀，勇氣可嘉啊！把第一輪的喪屍都順利擊殺。。。」

這時一陣雜亂的雜音從喇叭傳來。





大家的手機同時響起，是收到短訊的鈴聲。



格頓時靈機一動，拿出電話輸入了他醫院裡某一個姨媽的電話。

等了一會兒，喇叭的雜音還是沒有停止，而格的電話也打通了。

格轉向俊熙，並且把電話換成揚聲模式：「喂，請問係唔係芬姨媽？」






另一邊的女人激動地說：「格！係咪你？！你依家點？」

格安靜地回答：「屋企人冇咩事掛？其實依家究竟發生緊咩事？」

芬姨媽也平靜下來：「屋企人冇事，唔洗擔心。據我從上頭打聽返來嘅情報就係呢場殺戮遊戲係政府操作，我地大眾市民都無能為力。」

喇叭的雜音開始慢下來，格的電話也開始出現雜音。





格不敢怠慢，立刻回答：「同阿爸講返聲，我可能返唔到來，依家係二百幾殺剩二十個，我盡力啦拜拜」

剛好說完，喇叭的雜音也消失了，格的電話也離奇地掛斷了。


凱文輕笑了兩聲：「原來如此。」

喇叭也開了聲：「唔好意思，啱啱有班傻仔衝擊我地總部，同學校呢邊失聯左一陣。大家加油啊！二十人其實都好多架！喪屍會越來越強大，放心！」

李記這時向格伸出右手並說：「要唔要合作？」

格尷尬地望向俊熙，並且指著俊熙說：「其實他先係領隊，呢隊係佢組成嘅。」


俊熙搖搖頭說：「呢隊係大家共同創作出來嘅，唔係一個人嘅成就。如果我地多數人認為應該同你地合作，咁樣咪合作囉！」





凱文，格，俊熙，還有炎，四人走到一旁商討

凱文舉起右手說：「贊成嘅請舉手。」

大家都舉起了手，唯獨炎沒有。


格不解地望向炎，問道：「點解唔贊成？」

炎低下頭說：「唔係我唔想合作，佢地又咁強，只不過我地已經好多人啦，我地依家食物方面重未有著落，點樣合作？」

眼看大家陷入尷尬的場面，俊熙走出來打圓場：「偉業，李記，我認識偉業差唔多五年，由小學識到依家，我都想同你地合作。一係咁樣，我地雖然合作，唔作出任何傷害對方嘅行為，但係分開行動，咁樣我地就唔洗擔心食物呢方面。呢度係一部對講機，隨時開聲，我地盡力到。好唔好？」







李記對偉業打了個眼色，偉業點點頭說：「好，我地接受你嘅提議。暫時比我地跟住你先，況且你都要搵紫寧係咪？」


俊熙笑了笑，向格等人說：「嗯，一齊上返去先啦。」


一行八個人回到教室裡，凱文提出一個問題：「其實呢個情況好唔合理，明明有差唔多二百人係學校，我地竟然一個人都未見過。」


俊熙搖搖頭說：「你地錯了，佢地全部都參加左物質戰，今日咪係武器戰嘅？佢地只派一個人參加，其他人埋伏在 Main Hall 周圍，當勝利者一出來時便威脅他們把武器交出來。」

李記聽到頓時回應：「咁你嘅武器呢？」






眾人聽到也紛紛點頭期待地望著俊熙。


俊熙苦笑著：「我一樣武器都拿唔到，今日進行嘅武器戰係分開兩隊人，互相以漆彈槍射擊，被擊中身體的話就出局，剩下最後一隊時就算勝利。限時半個小時。」

俊熙停頓了一下，喝了一口水再繼續：「其實如果我地唔開槍嘅話就有可能一起勝利嘅... 但係人嘅本性就是自私，害怕別人會背叛自己。所以漆彈戰一觸即發。

到了最後，咪又係淨返班玩過槍械嘅同學仔囉。咁我地順利贏左場比賽，其實我一槍都冇開過，都係我隊友贏嘅。咁跟住喇叭仔咪發通告話係遊戲中受到嘅槍傷如果係致命嘅話，會死亡，唔致命就變成喪屍。所以咪死左兩個同學，四個變喪屍。」

一時之間有這麼多資訊傳來，大家都反應不及。

只有凱文和格提出大家最關心的問題：「咁點解你一樣武器都拿唔到？同埋有咩武器拿？」


一聽到，俊熙臉色沉了下去：「原本就一人一支點三八 （1）左輪手槍，點知師尚條仆街話我對於遊戲冇貢獻所以唔值得擁有一支槍。」







大家低下頭，這場遊戲已經引用了簡單的槍械，雖然是殺傷力比較低的武器，但是落到不同的人手中就會衍生出不同的後果。

偉業剛好想提出這一點：「咁之後呢？」

俊熙開懷地笑了出來：「我拿曬所有手槍的子彈」

邊說邊把子彈從背包裡拿出來。

「每把槍裏面有六粒子彈，再加上六粒後備，總共有八十四粒子彈。」

炎好奇地問：「你係點拿曬佢地嘅子彈架？」

俊熙托著頭說：「冇，只不過佢地玩緊漆彈戰嘅時候我搵到批手槍，順手拿曬裡面嘅子彈姐。」


李記望向俊熙：「咁到我問啦，點解你個背包會係度嘅？」


俊熙拍了一下自己的大腿說：「屌，你地重好講...」


炎則在一邊偷笑。


澤田這時抽出瑞士軍刀插向李記的心臟，瘋狂的眼神背叛了他殺人的動機。


偉業是第一個反應過來的人，他先一腳踢走澤田手中的軍刀。

當軍刀被踢走了，澤田退後一步，再赤手空拳衝到李記面前。

這時大家都反應過來，把澤田制服在地上。


澤田憤怒地說：「點解要阻止我殺佢？佢羞辱左我，呢個係佢應得嘅下場！」

凱文咕噥了一聲：「係唔係所有游泳選手都咁好勝架...」


格站到澤田面前，並且單膝跪在地上冷靜地說：「就算係咁，你都唔洗殺人掛，人命一條...」


澤田吐了一口口水在地上：「我呸，人命，人命，頭先你地一齊殺個幾隻喪屍夠係我地同學啦，你咪又係照殺？道德撚！」


這一下可令到大家頓然說不出話。

昨天才是同學，現在以另外一種身份出現，我們便可以狠下殺手嗎？

但是他們是喪屍，會殺我地。

錯。


這只不過是我們自我催眠的一種，也是人性黑暗的一面。

生存的意欲。

生存的意欲會令到我們自私。因為我們害怕死亡。






註一：史密斯威森軍警型左輪手槍