《男人多情而長情，女人專情而絕情》: 第二章

=16px果陣時，我16歲，那年我中四，果一年我留班，如果我果陣時冇留班，呢一切都會唔同曬。 

=16px我永遠唔會忘記開學既果一日，果日係我地第一次相遇。 

=16px身為留班生既我，第一日翻學緊係戰戰競競既，唔多唔少點都會後悔，點解當初唔好好讀書，呢句野我小學就已經講到依家，次次話努力讀書，結果都係俾惰性征服，最後搞到如斯田地。 

=16px我係班上面第一個到既人，留班咩人都唔識，緊係神咁早翻到黎啦，諗住簡翻個靚位，坐定定等人黎，再識翻啲朋友仔嫁啦。 

=16px我hi呀，點知有人仲早過我翻黎，仲要坐第一排，讀書精最唔岩我，因為我唔讀書。我更加唔會似「那些年」咁，為溝一條女去努力讀書。溝女不如打機啦，唔洗咁麻煩。 





=16px因為佢坐得較門口，所以點都會同佢打個照面，行近啲望真啲，又幾靚女喔，清純得黎而增添幾分秀麗，係就係有讀書樣，但咁樣反而有種另類既吸引。 

=16px雖然我真係俾佢吸引住，但唔可以無左度霸氣，唔可以「目及」佢。扮咩事都無咁經過佢既坐位，搵個最角落既位就坐左落黎。 

=16px班上面既人陸陸續續咁黎，個個見到面都say hi，有講有笑咁，自己就孤伶伶一個。 

=16px班主任都黎埋啦，班房都坐滿曬人，而我隔離由始至終都係無人坐落黎，而果位清秀既讀書精都同佢啲朋友玩埋一份，毒向左走向右走去到邊都係毒向左走向右走=16px 

=16px係我絕望之跡，班主住走左出班房，然後叫左個女仔入黎。 





=16px「呢位係我地既轉學生，唔該你地好好照顧人。」班主任睇落5,60歲咁，仲好好中氣。 

=16px「我叫阮康僑，請大家多多指教。」佢輕輕點一點頭，怕怕羞羞咁，十足十啲電視情節。 

=16px「咁你坐係果個男同學隔離啦」 

=16px其實班主任就有名既，啊伯黎既，姓陳，所以就叫陳伯。 

=16px而果位男同學，就係我啦。 =16px總有D女仔睇落普普通通咁，但卻有一道氣質貫徹全身，康僑就係D咁既女仔，佢連行埋黎坐都有陣香氣，動作亦好優雅。





=16px佢見到我，微微咁一笑，就已經令人難忘，再加上佢動人既雙眸，實在叫人難以抗拒佢既魅力。

=16px「嗨，我叫阮康僑，多多指教。」佢好熱情咁同我打招呼。

=16px「嗨，我叫沈澱華，我係留班生，都要多多指教。」第一次見面點都要留番個好印象既。

=16px就係咁我就一路同佢坐啦，本身陳伯話要安排調位，但最後都無左回事。

=16px中學時期，最容易產生感情就係同隔離果個，正所謂近水樓台先得月，我同佢既經歷就係由呢一日開始發生。
 =16px無無聊聊既開學日話咁快就完左，但好就好在隔離果個會陪我。

=16px雖然康僑樣普通，但勝在好有氣質，試問聲香港地仲有幾多女仔會有氣質呀？

=16px不知幾多靚女粗魯又無禮，真係想一巴巴車落佢塊面度。





=16px唔洗一日，我同康僑已經熟左，有講有笑咁，可能我地係班上面都冇咩朋友啦。

=16px我地就咁樣相依為命啦。

=16px「華仔，你lunch同唔同我食呀？」康僑小息既時候問我

=16px第一日黎到人生路不熟，本身我每日lunch都會同班兄弟出去食，但依家有囡主動約你食飯喔。

=16px唔洗諗，即刻衝出班房，搵隔離班既文西。 =16px「文西，我今日lunch唔同你食啦！」我留低左呢句，打算頭也不回瀟灑咁走。

=16px文西一野捉住我個膊頭，「走咁快做咩姐？你條毒向左走向右走平時邊會話唔同我地食嫁？」其實文西都幾挑通眼眉。

=16px「咩姐，依家毒向左走向右走係咪唔可以自己一個人食飯呀？」

=16px「你唔洗講咁多，男定女呀？」文西佢一語道破。





=16px「......」

=16px「唔出聲姐係囡啦，得！明曬！好好地陪女食啦。」反而係文西頭也不回咁翻去......

=16px人生得一知己真係死而無憾，其實可能只係我太易俾人睇穿姐。

=16px身為毒向左走向右走既我，第一次同女仔食飯，真係幾期待得黎，又緊張，即刻上堂諗下食咩，錢已經唔再緊要，最緊要好食！

=16px我已經諗定好食間高級D既野。

=16px「不如一陣食平?呀？食面之類既就得啦。」佢溫和咁講。

=16px心諗：Hi囉，仲諗住可以豪氣咁請佢食飯，話曬毒向左走向右走平時冇咩點洗錢，請佢一餐都仲有凸既。





=16px「好呀，難得你咁貼心。」我誇獎下佢。

=16px「我又唔係有錢，唔洗食咁貴啦，平平淡淡就得啦」佢講得好平常，但句句直插我心入面。

=16px依家呢個社會競爭大，想平淡係無可能，尤其女仔緊係想搵個好既靠山，好等佢地下半世唔洗辛苦。

=16px幾難得先遇到個唔怕捱既女仔，真係世間少有。

=16px呢餐飯食得好愉快，依舊同康僑聊話家常。