《男人多情而長情，女人專情而絕情》: 第六章
=16px第二朝，專登早0的出門口，為既就係可以早0的見到康僑。
=16px雖然我地仲係無名無份，但係當時既我認為，兩個人互相鐘意就得啦，唔需要0的咩名份。
=16px我翻到學校，好興奮咁諗住可以見到佢，但點知一入到班房，空無一人。
=16px我有諗過佢唔會咁早翻，但心入面始終存在住呢個希望。
=16px咁唔緊要啦，我就等佢翻黎啦。
=16px班上面越黎越多人翻黎，每次有人入黎，我都以為係佢，心情仲慘過坐過山車。
=16px但當我等到佢入黎既時候，佢同方子龍一齊行入黎。
=16px我瞬間諗起文西既說話，自己邊有咁既福份，毒向左走向右走就應該安守自己本份，孤獨一人。 =16px佢見到我就即刻唔同方子龍講野，小興奮咁行黎我隔離。
=16px我心入面幾想同方子龍講：「Stop la啦死狗公，抵你有今日！我唔會俾你搶走佢。」
=16px康僑問我：「咁早既點解你？」
=16px「無呀，早0的翻黎做功課咁嘛。」我嘗試扮曬野。
=16px「係咩？平時唔見你咁早翻？次次都係我早翻過你。」佢駁我。
=16px「咁功課緊要呀嘛。」
=16px「係咩？功課呢？張台吉既？」
=16px「做曬啦，收埋左啦。」我攤一攤隻手。
=16px佢帶住半信半疑既眼神望住我。
=16px「做喵姐，呃你有金執咩？」
=16px「有時同女仔講下真話會甜蜜0的既。」佢股起兩頰，真係好得意，學人扮嬲。
=16px佢講既又幾有道理。
=16px「係啦，今日朝登想早0的翻黎見你呀嘛。」我都係選擇坦白。
=16px佢笑得好燦爛。
=16px我想守護既就係你既笑容。 =16px我好享受我地呢一種微妙既關係，可以享受戀愛既甜蜜之餘，又可以享受單身既自由，呢一種狀態我地叫做「曖昧」。
=16px但「曖昧」存在住一種危險性，就係雙方都可以享有曖昧既自由。
=16px換言之，姐係可以擁有同其他人「曖昧」既自由。
=16px我就處於呢一種患得患失既狀態，想快0的一齊，但又怕一齊左會唔知點／唔知點開口。
=16px我地每日一齊lunch，一齊放學，假日約出黎溫書，同普通中學情侶無咩分別。
=16px呢一種平淡既生活係好好，好幸福美滿，但人就係咁唔滿足，一直想要更多。
=16px我開始想捉住佢隻手，但呢一份責任，係咪我可以承受？
=16px加上佢有咁既經歷，我更加唔想去傷害好。
=16px我係真心好想用盡所有野去保護佢。
=16px但我係咪真係有能力保護佢？
=16px我送完佢翻屋企，今次既佢，未能擦覺到我既隱憂。
=16px佢仲好笑容咁同我講ByeBye，我諗佢真係覺得自己搵到岩既人，所以我更加唔想佢失望。
=16px回家路上，我一直思考呢個問題，咁一開始無失望咪無失望囉？ =16px係我一路低頭行緊翻去既同時，我係度深思緊點樣佢康僑開始一段關係。
=16px係我前面突然有人阻住我條路，我抬頭一望，竟然係方子龍！
=16px我要抬到好高先望到佢，近睇原來佢真係好高大陽光。
=16px佢既魅力真係無得擋，佢問我：「你得唔得閒同我飲杯野？」
=16px「依家？」我一問就知我輸左，輸左道霸氣。
=16px「依家問你唔通係約你聽日飲咩？」佢毫無保留咁串勁我，完全唔俾面下師兄。
=16px我同佢就去左間士多，買左兩支樽裝維他命，坐係釣園既樹蔭下。
=16px如果唔係同佢係情敵，呢一個畫面係真係幾寫意。
=16px「你又會係果度出現既？」我盡力保持友善，其實內心：「你條Hi Hi實係跟蹤我地啦Hi！」
=16px「我追蹤你地囉。」佢又真係咩都唔隱瞞，面對住佢咁既真男人，我真係咩都輸曬。
=16px如果今日我既對手既偽君子，我都仲有藉口，而佢真係一個硬漢子。
=16px狗唔狗公見人見智，企係人地立場，人地只係追求自己幸福。
=16px「咁你做咩跟蹤我地？」
=16px「我地不如打開天窗說亮話啦，我鐘意康僑，係真心既。」佢毫不忌諱。
=16px「之前我既底咁花係因為我遇唔到真正鐘意既野，加上係0的狂風浪碟引埋黎，依家我真係遇到個好鐘意既人，我唔會咁易就放手。」佢好瀟灑咁拎起支維他奶飲，又飲得幾型，可惜唔係酒。 =16px「我點證明你係咪講真話？」
=16px「時間會證明一切，我知你地依家仲未係男女朋友，所以我都仲有機會。」佢好堅定咁講。
=16px「你又知我地唔係男女朋友？邊個話俾你知我地唔係？」我唔想輸俾佢。
=16px「你地岩岩沿路送佢翻去又冇拖手又冇錫，一齊左邊會咁嫁？」
=16px「如果俾著我，我就會好好錫住佢。」
=16px「希望你知道我決心有幾大，佢要既唔係你呢一種人。」
=16px「Bye，多謝你既猶豫不決。」
=16px我望住佢離去既身影，我一句話都講唔出口。
=16px接下黎既先係真正既龍爭虎鬥。
=16px我果一晚就即刻約左康僑去溫書，順便可以借住個勢表白，等方子龍無得搶走康僑。
=16px我打電話俾康僑，佢忌到我打俾佢，佢好似忙緊咁。
=16px「我依家做緊家務，我一陣call翻你。」
=16px10分鐘後。
=16px「喂？做咩事呀？呢次係你第一次打俾我喔。」佢掩飾緊自己既開心。
=16px「無呀，想聽日約你去圖書館溫書炸嘛。」
=16px「咁岩既，方子龍今朝都有約我喔，不如一齊啦？」
=16px我聽到真係0左，條Hi Hi真係黎真......
=16px咁我無理由咁唔大方，緊係話好嫁，但無人知聽日會發生咩事......