【江湖故】《響朵砵籣街》: 第十章

華仔帶著她們走到各大小場所報到、交易，期間華仔想跟睇場保持良好關係，所以都會主動打招呼，但大家都沒有理會華仔。
態度好的還會禮貌回兩句話，之後裝作沒空，有的直接就無視華仔。
 
經歷過其他場所的態度後，華仔很清楚碎料良絕對是異數。一個會跟不同公司的行家真心交朋友的異數。
 
忙過一整晚以後，終於到收市時間。
華仔帶著記錄了囡囡開工鐘數的小筆記簿，到各個場所收取應得的肉金。
收取後就回私竇準備分發。當時大概凌晨五點，天漸光。
 
回到私竇樓下撞見了睡眼惺忪的大哥雄，華仔立即走上前。




「大哥雄，做咩咁早過嚟嘅？」
 
「收數丫嗎，今日生意點啊？」
 
「有咁多囉，唔知算唔算OK啊。我第一日做，真係唔知幾多先叫好。」
華仔翻著筆記簿，大哥雄認真地看著。
 
「算係咁啦，我拿返公司果份錢先。」
然後大哥雄就從華仔手中抽走了一份錢，之後準備轉身離去。
 




「大哥雄，嚟到你唔上去睇吓啲女？」
 
「雞有乜撚好睇？我拿完錢走啦。」
 
「你特登起身過嚟拿錢？下次唔洗咁辛苦啦，我第日拿去畀你咪得囉。」
 
「唔好嘅，自己錢緊係有得拿就拿咗先啦。」
說罷，大哥雄就轉身離去。
 
大哥雄走了，華仔就獨自回到私竇，向囡囡們出糧。




囡囡出完糧就趕緊離去，華仔最後點數時發現自己的人工少了一百元，相信是大哥雄不小心多拿了。
 
一整天的工作讓華仔累壞了，本來想躺下來休息一下，怎麼不知不覺就在私竇睡著了。
 
「華哥，華哥。」蘋果搖著華仔的身體叫醒他。
 
「哦…蘋果？你做咩返嚟嘅？」
 
「返工吖嗎。」
 
「返工？」
 
華仔看一看手錶，驚覺自己居然睡了一整天，果然是累壞了。
 
「嘩，原來我訓咗咁耐啊…」




 
「你由今朝收工訓到而家啊？」
 
「係啊，琴日我一早就開工，所以有啲攰。」
 
蘋果站了起來，走到房間中的櫃子前拿了一個煮食電爐出來。
「你一定未食野啦，你去廁所刷個牙洗個臉先啦。廁所有好多即棄牙刷架啦，等你刷完牙食好野啦！」
 
華仔向蘋果點頭笑笑就站起來走進廁所，經過昨天聽幾位囡囡傾是非過後，大家的陌生感已經漸漸減退，相處起來時已經沒有那麼尷尬。