比我發下夢都好啊: 一

一起身，張床除左我自己仲有條稱得上為女神嘅女訓左係隔離，望住佢我諗起尋晚同佢個場水乳交容嘅場面，好似曼聯大戰車路士咁。唔明? 咪世紀大戰囉。雙方有攻有守，一場打到加時完場，咁當然最後我入左決勝一球，證明我呢兩年係U食盡無數女所練番黎嘅床上功夫真係唔講得笑.......

突然，叮叮叮叮.....咩事?鬧鐘響囉，起身一睇7點3。番學啦，柒頭! 食咩撚樣盡數女啊 挑! 仲話係U苦練兩年床上功夫，咪仲係青頭毒撚一個，講經咩你。不禁心中咁屌醒自己。冇錯，我只係一個中六生，同唔少人一樣係中學上六年堂訓足六年，hea足六年，睇到呢到都應該有唔少人笑鳩我on9仔或者「屌你，條友ff夠味?」不過睇埋先唔好走住.....

作為一個中六學生，學校已經唔會再理你，你自己亦會簡堂黎上，我都唔例外，番到就係班主任堂，D miss就好似定時炸彈咁係咁幫你計dse仲有幾耐，但我都不嬲都懶理，通常佢有佢生活，我有我快樂，食完個早餐就直接訓教。直到兩日之後出現左個人，改變曬我個中學生涯......