我同佢一直咁打game,但無論701,CR定小遊戲都輸曬比佢。其實個下我覺得自己柒到核爆好想搵個掘個窿埋左自己算,因為我覺得自己鍾意左佢,但係第一次已經比左一個廢嘅形象比佢,正當我頹緊個陣,佢竟然一句車埋黎話輸左姐下次贏番咪得囉。呢句係人地眼中可能當吹水咁吹,但我個下簡直開心過娘娘派軍糧嘅心情。最後我地hea左陣我諗住走個陣唔知食左咩春藥咁,走左去問佢拎電話,我拎住電話走過去問佢唔知你電話係咩呢? 佢呆左下我就心諗瞬間變柒頭,點知佢反而係笑一笑同我講。嗱,呢個咪我電話囉,傻~~仔! 我叫Yuki(我改)啊set低啦。個下聽到我真係覺得我係一個傻仔。係嫁啦,毒撚係咁易吔嫁啦。走個陣佢同我講拜拜,番去wts我啦,個下我呆左淨係同佢講左句拜拜就走左.......

第二朝因為係星期六所以我1點幾先起身跟手煮左個面食。拎起手機個下醒起,屌 ! 尋日唔記得wts比yuki,霎時爆發左我個小宇宙9秒9沖去wts佢,打左一句好柒嘅
我:hello,認唔認得我啊。
點知佢秒回我:知啊戴眼鏡個個啊ma。
我問:你又知 (奸笑
Yuki:得你問我拎wts咋ma. (笑喊
個下令我又愛又恨,愛係因為我冇咁多競爭對手,恨係因為覺得得我一個問佢拎電話成件事變到好on9。佢又打多句
Yuki:其實我唔知你叫咩名?
天啊,打鳩我吧! 我唔記得左比番我個電話佢又唔記得同佢講番我叫咩名。


我:其實....你可以叫我啊軒或者Paul嘅....
Yuki:明白了...做咩尋晚唔wts我啊,搞到人地等左咁耐.... (唔開心
個下佢wts唔開心但我就好開心,因為我係佢心目中係有一席位係到,而我同佢嘅wts之旅就係呢到開始....
已有 0 人追稿