《高登獵殺遊戲》(情景題變講故 ): 救熊熊家 啤藍精靈

「攪咩呀？」我向睡彭大嗌，順便雙手幽返好條褲，當冇事發生過。

而睡彭佢就…

竟然喊左出黎。

「嗚嗚嗚…救我呀…」

一個巨大身形既生物攬住我咁講，當時真係好尷尬。





「究竟發生咩事呀？」侍女幫我口問。

「我…我俾小矮人蝦呀…嗚嗚嗚…」睡彭咁回應。

「小矮人！？蝦大舊衰！？」我大嗌到走音。

「係呀，佢地拆左我屋企，而家我冇家可歸。」

「咁你唔打走佢地？」





「我唔識打人。」

「聽講佢唔發神經果陣真係好溫馴。」句號佢響後面講。

「咁…你做乜唔發神經呀？」我再問睡彭。

「我都係第一次聽有人咁樣問我，平時D人淨係會問我做乜發神經。」

「我特別囉。」





「哦。其實係咁既…發神經呢樣野，我視為自己既病態，幾時發神經我控制唔到，小矮人佢地知道我既弱點，所以成日蝦我，而家佢地仲趕我扯。」

「咁…我都幫你唔到架，我泥菩薩探肛，丫唔係，過江，自身難保噃。」

「得架！我見過你一棍打爆成個台！」

「一棍打爆成個台！？」句號佢驚訝。

「猥瑣哥哥，你邊度黎支棍呀？」侍女咁問。

「侍女呀，講個秘密俾你聽丫，係男人都有碌棍。」我細細聲響侍女耳邊講。

「我發覺我真係冇叫錯你名，猥瑣哥哥。」而侍女就有咁既回應。

「哈哈哈，支棍係朋友架。」我回應返侍女。





「咦，咁肉酸。」侍女既反應。

「唔係呀，木棍黎架咋。」我再解釋。

「哦。」

「係呢，睡彭巨人，你話你當時在場？點解我冇印象既？」我轉去問睡彭。

「我地呢D small potato，你點會記得丫。」睡彭回應我。

「唔係丫，薯仔黎講，你都唔small啦，而且，當日我都幾肯定冇你咁既樣同身型既人出現噃。」我講。

「哦，當時我有D裝扮，成個黎明咁，你唔認得啫。」睡彭回應。





「黎明！？」

「乜我唔似咩？」睡彭再問。

「似，似十二個黎明，攪爛，再揸汁，倒模落個巨型黑熊模度瓊乾之後囉。」

「係囉，我都話似啦，我D朋友仲話我唔似喎。」睡彭既反應。

「講返正經先啦，你想我地幫你重返家園定係跟我地流離浪漡呀？」句號問。

「我想返屋企攞返我D寶貝先。」睡彭回覆。

「寶貝！？你俾人閹左架？」我問。

「唔係呀，我有隻晚晚攬住先訓得著既熊寶寶，冇左佢，我已經兩晚冇訓。」





「妖，男人老犬，攬…」

我未講完，侍女就…

「我表示好認同呀，我每晚唔攬住我隻熊寶寶都係訓唔著架。」

佢一對炯炯有神帶有些微淚光既眼望住睡彭咁講，我當然都要識做啦。

「男人老犬，攬野訓都係必須既，不過我prefer攬女。」我講。

「哼，猥瑣。」侍女。

「咁…出發啦，白老鼠OK我都OK，就去睇下班小矮人攪邊科啦。」句號講。





「乜你一直當我係白老鼠咩？」我問。

「你想做黑老鼠咩？」句號反問。

「算喇，出發！」我大嗌。

就先幫睡彭睇睇佢屋企果頭發生咩事先…

… (途中雖然有好多野講，但係我唔想講)

之後…

佢屋企原來離呢度只係大約十五分鐘距離…

我地好快就去到佢屋企後面既一個斜坡度…

佢屋企係一個低陷既地區，而家我地可以向下望晒佢屋企既環境…

「你連生活都成隻熊咁既？」我問。

「係呀，唔係點會俾人話似熊啫。」睡彭回應。

我地而家見到佢屋企果度真係好多好似藍精靈咁既小矮人…

藍精靈 ~ 射精勁 ~ 楂住碌J亂咁揈 ~ 做愛永沒停…

無啦啦背景黎左隻咁既歌，唔係我想架囉。