之後班藍精靈將睡彭變成…

「該煨囉。」我身邊既女性生物都咁講。

而家,睡彭佢滿身都係藍精液,真係嘔心…

當我地作嘔之際,紅色小矮人突然…

衝左出去,仲大嗌︰…





「狼婆婆變身!」

我地一直以為佢係小紅帽,原來佢係狼婆婆!?

紅色小矮人變成左狼婆婆之後…

大弒殺戮,一手一隻藍精靈咁隊入口…

場面很是恐怖。





「我…我地…係咪有咩做錯左呀?」侍女佢當場嚇到喊左出黎。

「而家…一隻熊一隻狼咁,藍精靈想唔被食晒都唔得。野獸,始終都係野獸。」

「或者呢D係大自然既定律。」我咁講。

結果,最後…

狼婆婆變返做紅色小矮人,而且仲…





好似食到好飽咁攤左響度…

至於睡彭,就繼續亂衝亂撞緊。

我身邊既句號反而好冷靜,仲第一個踏出一步,行左落去…

佢質問紅色小矮人︰

「你利用我地呀?」語氣好重。

「係呀!唔該晒。」紅色小矮人回應得好爽。

「討厭!我好少咁嬲人架!」侍女鬧紅色小矮人。

「哈哈哈,你梗係以為你地見到就係所有野既事實呢?」





紅色小矮人好冷靜咁反問返我地。

「乜意思呀?」我問。

「你地知唔知班藍精靈係咩黎架?」紅色小矮人再問。

「你自己講啦,講得唔岩聽既,我對你唔客氣添呀,最憎人利用我,又唔俾返D回報我噃。」句號講。

「車,你都係貪回報啫。」我屹佢。

而紅色小矮人就咁解釋:

「佢地係我身體裡面既惡細胞,我練既小紅帽秘笈內功心法,會將身體入面隱藏既邪惡力量實體化同分裂,所以我食返佢地對世界黎講係一件好事,唔係佢地就會越黎越多。」





「原來係咁,我仲驚我地好心做壞事,累到人添。」我咁講,侍女及頭。

「俾一個反思既機會你地都幾好丫,唔好成日以為幫人就一定岩,要諗下幫緊既係咩人呀。」紅色小矮人講。

呢件事就總算完左,而句號佢就…

「喂!你癲完未呀?」喝止睡彭。

「解鈴還須係鈴人,等我黎啦。」我講。

「三上悠亞唔從良喇!佢決定再下海!呢次係賤熊鹹濕系列!岩晒你呀呀呀!」

「岩味,拍拍,岩晒你!」

睡彭瞬間冷靜返落黎,仲好好唱口,好開心咁拍晒手咁。





「攞返間屋你開心啦,咁我地係時候都出發喇。」句號拍左一下睡彭博頭再講。

點知突然…

(嘰 ~ ~ ~ ~ !)

一架熟悉既飛車飄移埋黎我地面前…

佢停定左,但係我地成班人驚魂未定…

因為當時佢既車身距離我地只係0.03mm…

(安全套咩?)





「你朋友有事呀!」車上面一把熟悉既聲音大嗌出黎。

「我…我朋…我朋友呀?」我呆呆地咁回應佢。

原來佢係女車神司機街口有落。

「係呀!快D上車啦!」女車神回應。

「邊個朋友有事呀?」我問。

「你朋友Seafood有事呀!」

「你朋友PatPat有事點解唔直接去睇醫生呀?」侍女問。

「Seafood係我朋友個花名,佢原名係屎忽。」

「OIC。」侍女及頭,句號咁講。

「咁,紅色小矮人同睡彭,我地有機會再見啦,BYEBYE!」我咁同佢地講。

「再見,希望下次再見唔係我利用你地啦,哈哈哈!」紅色小矮人。
「再見,希望下次再見你地繼續利用我啦,哈哈哈!」睡彭。

我講完呢句就同侍女句號佢地上左女車神架車。

而女車神一見我地坐定就踩行油去喇…

「究究究竟竟竟發發發生生生咩咩咩事事事呀呀呀?」

森林D路崎嶇到畸形,架車櫈到我講野講成咁樣。

「佢俾人打。」女車神回應。

女車神口中既「佢」,應係係屎忽,雖然屎忽唔算係我見過最好打既…

但係佢都應該唔弱丫,究竟邊個可以打到佢呢?
已有 0 人追稿