《高登獵殺遊戲》(情景題變講故 ): 新月斬斬 奄割刀刀

我地見到咁，立即就行左過去…

「哈哈，惠那你好。」我尷尷尬尬摸住頭咁行埋去打招呼。

其實個心入面就仲諗緊我同佢既果個初吻。

「喂，小姬嬲喇。」百變怪響我耳邊講。

「哼。」小姬咁既樣。





「喂，你地睇緊咩呀？」屎忽問歸藏。

佢冇出聲，淨係指住張賭檯果邊…

「呢舖開大我就切Cut Jer！」賭檯果邊有條友咁大嗌。

(叮！叮！叮！開呀！)

「大！四五六！十五點大！」荷官講。





響呢個時候，賭檯邊既群眾都顯得異常清靜…

但係唔夠兩秒…

「切Jer！切 Jer！切 Jer！切 Jer！ …」就變得眾志成城。

「哈哈哈，我全職賭撚二世，乃大內切J第一高手，邊個夠膽再響我面前講廢話，我就連J都切埋佢。」

「我冇J架！睇你點切？」





有條多事既八婆突然行左出黎做炸兩…

佢仲挺起晒個巨胸，懶醒咁款…

肥婆黎，大家唔使恨。

「切西仲容易，好似切蘋果個芯咁，打個V字就cut左出黎。」

「吓！？賭場唔會俾你亂黎架！死人猥瑣佬！」 肥婆淆底。

「你估呢度真係娛樂場呀？黑店黎架，八婆！我殺左你先慢慢走都仲得呀！」

結果個八婆嚇到走左去，因為佢諗到賭撚所講既情況。

而響呢個時候立花_宗茂行左埋去搭左賭撚一下膊頭，不過…





賭撚既反應異常地大，仲一下跳躍就準備出手咁款。

立花_宗茂佢都唔知攪乜，竟然真係抆刀，準備認戰咁款…

「喂，佢地攪咩呀？」我問。

「賭撚以為立花_宗茂想挑戰佢，所以起晒鋼，立花_宗茂佢見到人地起鋼，所以身體裡面既戰鬥意識亦自動啟動，準備接受挑戰，真係好一對痴男怨女！」百變怪講。

「屌你！邊忽女呀？」我講。

「根本就係黐孖B！」屎忽講。

雖然我地講緊D廢話，但係認真對立緊既兩位人兄就一於少理，已經出左手…





佢地既對打真係唔係講笑，真係一D都唔似有D人咁，淨係識得隊屎眼…

(屌你啦！你咪又係淨係識得吐口水！)

立花_宗茂首先起手，一個弓字腳前躍，就橫腰直腳，一個神龍擺尾式掃埋賭撚度…

而賭撚亦都不甘示弱，立即一下跳起身，就避過左，而且仲立即反守為攻…

黎一個空中翻騰一周半…

順勢再一個腳踭鋤落去立花_宗茂度…

立花_宗茂見狀危險，冇辦法底下，終於出刀喇！

「新月斬！」我都係第一次見咁靚既新月型刀光。





刀光斬出，但係賭撚唔係懵撚，佢亦都立即還以顏色…

「奄割刀！」

賭撚既刀法亦都唔差，精妙之處在於佢用既只係一把只有手掌咁長既短刀。

之後佢地一輪對打，真係打得難分難解，相信冇番三五七百個回合根本冇可能會完…

「新月斬！」「奄割刀！」
「新月斬！」「奄割刀！」
「新月斬！」「奄割刀！」
…
一百…
二百…




三百個回合之後…
真係好Q悶呀！

兩條友冇D新意，只係不停咁出同一招…

「喂！俾D新意丫唔該！」我大嗌。

「好，新月新月斬！」「好，奄割奄割刀！」
「好，新月新月斬！」「好，奄割奄割刀！」
「好，新月新月斬！」「好，奄割奄割刀！」
…
又一百…
二百個回合之後…

「喂！漏口唔緊要，唔好下下都響前面加個好字丫唔該！好銀耳呀！」屎忽大叫。

「新月斬斬斬！」「奄割刀刀刀！」
「新月斬斬斬！」「奄割刀刀刀！」
「新月斬斬斬！」「奄割刀刀刀！」
又兩百個回合之後…

「你兩條撚樣！出下第二招得唔得呀？仆街啦你地！」百變怪踢檯鬧鬼。

之後對打緊既果兩條友立即有新既招式出現呀！

立花_宗茂同賭撚同心協力，同仇敵愾，同舟共濟，同病相憐…

仲合二為一，化成絕刀…

「新月奄割絕子絕孫刀刀刀刀刀！」

而家佢地兩個一齊追緊百變怪。