《高登獵殺遊戲》(情景題變講故 ): 秋名八六 幽靈車神

「車，你地咪又係D男人歧視女人揸車喳嘛。」惠那。

原來班死佬歧視緊個司機係女人黎。

(嘰 ~！) 司機突然飄移。

「喂，靠害呀？」
「都話女人揸車唔得架啦！」
「屌你丫！」
「差D連J都飛埋出街呀！」




「新月斬斬斬！」

睇講野都知邊個打邊個啦，不過估唔到立花_宗茂驚起黎原來會亂咁斬。

而更估唔到既係…

「秋名86！」個女司機咁講。

「咩話！？秋名86？」百變怪問。





「坐穩！牛皮膠紙挑戰賽而家正式開始！」女司機再講。

「你黐線架！你架車有好多人架！」屎忽大叫。

「你有坐過一架當乘客係人既小巴咩？」女司機反問。

「係噃，係噃，講起黎我地都真係未坐過噃。」兩條日本佬搭口。

(嘟，嘟，嘟，嘟，嘟 ~) 小巴發出聲響。





「超速呀，姐！」賭撚大叫。

「小巴超速係常識！」小姬同惠那異口同聲。

原來女人揸車癲起上黎仲癲過男人，就連女乘客都癲埋一份。

黎到呢度，我知道我講咩都冇用，所以我反而係襯兩強錬緊車果陣…

去望一望下究竟邊個係秋名86既駕駛者…

我就唔信會係藤原拓海，更加唔信會係周杰倫…

結果…

我見到…





一條柒碌好認真咁鍊緊車…

不過唔夠兩秒，當佢逼緊我地之後，佢竟然…

對住我地，仲要懶醒咁隊起左兩條手指…

佢個樣成個柒版竹野內豐咁。

我從佢口形度估到，佢講左呢一句…

「我會以靈魂騷動你！」

「噏乜撚呀？」屎忽都有望住條友，仲問起呢個問題。





「佢話佢叫以靈魂騷動你呀！」百變怪回應佢。

( 「以靈魂騷動你」係一位高登巴打既名)

「冇錯，佢臭名遠播，本來叫臭名76，但係因為年紀大左，所以大家都叫佢做臭名86…」女司機突然插口。

「咩唔係秋名咩？」我地問。

「你地聽錯，係臭名86，佢就係我地呢D車手最想挑戰既人之一，幽靈車手，以靈魂騷動你！」女司機回應。

「你揸返實堂軚先啦！」百變怪大嗌。

「仆街！唔好以為女人我就唔敢鬧你呀！」屎忽嗌埋一份。

「幽靈車手？」我問。





「『見到車尾燈當你贏！』呢句就係佢既名句，同佢鬥過既人，暫時就只有我一人個係仲係生存緊！」女司機再講。

「咁…屌你丫！你都唔使用牛皮膠紙包住隻手同個軚丫，你自虐狂呀？」歸藏。

「我之所以生存到，係因為我上次同佢鬥贏左佢。」女司機回應。

「咁關牛皮膠紙咩事呀？哇丫！新月斬斬斬！」立花_宗茂又腎左。

「不斷對自我既挑戰，就係我既夢想！我既目標，就係要證明女人揸車係可以好過晒地上所有男人，我要做宇宙，第一，女車神！」

「嘩！好型呀！」惠那同小姬一齊大叫。

霎時間，我真係有一種好混亂既思想…





我有少少明白到點解有女人會攪基…

就好似呢個女車神咁，仲型過晒D濕鳩男人，有咩辦法唔引死女？

但係…

我地呢D濕鳩男人，又點可以淨係俾佢威呢？

不過…

而家我地俾架車揈來揈去，我真係諗唔到點樣可以唔失威兼唔使戴頭盔。

(仲講！？上高登問啦！)
(剪佢條J！)
(屌女車神個屎忽！)
(屌你丫！識屌梗係屌竹野內豐啦！)
(新月斬斬斬！)

呢鑊仆街！佢地呢五條打靶已經深入我腦海裡面，我竟然自製對答，不過算啦…

因為我當時仲有第二樣野諗緊…

我諗緊…

如果我用口裡劍隊爆幽靈車條車呔好唔好？

但係…

好似太勝之不武噃，點算好呢？

所以…

我最後決定…

就射爆佢個擋風玻璃啦！

(勝之威武！)

「契弟﹒螺旋﹒口裡劍！」

(又爭住做契弟。)

我一下就射中左幽靈車既擋風玻璃…

但係第一下似乎力量唔夠…

所以我再醞釀我既精華，準備再一次攻擊…

點知…

「你再攪住晒我地兩個比賽我就抄架車落山崖！」好勝既女司機竟然咁講。

「屌你丫！你脅持我地就得，我地出下手就發爛渣？」歸藏回應佢。

「鬼叫我係女人呀！你係女人你都可以咁橫蠻！」女司機再對答。

「咁佢又講得岩噃。」惠那同小姬又一齊講野。

「問題係我地就到站，就到方丈間寺院喇！」百變怪叫。

「等我鍊贏埋佢，你地去邊都得啦！」女司機回應我地。

「但係肯定會過站囉！」屎忽講。

「新月斬斬斬！」

「屌！你死撚開啦！睇黎我為左大家，更為左決定男人既前途…

我必須要好霸氣咁大嗌一次喇！」我講。

「即係咩啫？」大家一齊問我。

「女人雖然係感性既動物，但係往往會有一D你估佢唔到既責任感突然標出黎既…」

「咁即係咩啫？」大家再問。

「司機街口有落！」我終於大嗌左出黎。