《高登獵殺遊戲》(情景題變講故 ): 九掃神功 少林武功

傾掂數之後，我就疊埋心水，諗住用呢十日時間...

好好練埋跣九掃既九式神功，當中有時間既話…

我梗係仲會不忘練下我既口裡劍同無字天書淫穴神功啦。

我練完一日既第二式之後，又返左去Pantry...

仲好興奮咁直接同百變怪講我既奇遇...





「百變怪，你估我響呢度發現左咩秘密？」

「你老母係男人？」佢回應我。

「你老母係甲由添呀！唔講呢D喇！我發現掃地僧真係高人黎，佢仲教左我佢既掃地神功...」

之後我仲一輪嘴講晒每個細節出黎...

(…) 細節 細節 同 細節 …





「佢咁都俾你坤到，你真係信？」百變怪問我。

「或者...佢老，冇記性啫。」我回應佢。

「仲有，你真係相信佢呢套係武功？唔俾佢真係只係掃地用架咩？

「Eee...之不過...我練完之後真係興合合架喎。」

「你條毒撚幾耐冇做運動呀？掃完一日街，你唔興合合就出奇啦。」





「唔係呢，真係好唔同架，不如...你都試下練丫。」

「多謝夾盛惠喇！你係想練既，我支持你，但係你練你既功，我再搵下野好過。」

「好，但係...你有搵到野咩？搵完兩日仲想搵？」我連問兩個問題。

「我發現D膠Post好好笑，我追緊幾個。」

「哦。」我一線眼啤住佢回應。

之後既幾日，百變怪有百變怪既戇膠...

我有我準時跟掃地僧學野。

不知不覺間，我已經學晒九式既要訣...





第一式，掃理老墓
第二式，掃溝里興
第三式，掃三度四，呢式係一連三四下既橫掃攻擊
第四式，掃月雷霆，係一招向天掃，可以格擋用
第五式，掃女心驚，呢招乸乸地，唔係幾明點用
第六式，掃背餩風，呢招有D似回馬槍
第七式，掃鶴零分，將凌空既物件化整為零
第八式，掃蝕恐聾，呢招恐怖，可致人七孔流血
第九式，掃膠無形，同無影腳一樣，以超高速掃擊對手。

D招式名係有D難頂，但係老人家冇咩學識，冇計啦...

不過最起碼，呢D名我都仲接受到丫，而且...





我可以肯定左一樣野...

就係呢九式真係武功黎，因為...

第八式直頭係用黎殺人用既...

我試過用佢，將一罐汽水...

只係打一下啫，就分左屍。

之後幾日既時候都平常化左...

響呢度，我足足用左九日黎學跣九掃...

而家距離鬼域既比賽仲有一日。





（啪啪啪～)

係百變怪佢響遠處拍住手咁行到黎我同師父面前...

無錯，經過幾日既苦練，我已經稱呼左掃地僧做師父。

「做乜你響度既？」我問。

「精彩，的確係幾精彩。」百變怪回應。

「哼。」師父。

「第一代少林十八銅人之一，九掃扇雲手。」百變怪仲咁講。





「你都幾眼厲架喎，無錯，我就係九掃扇雲手余小欣。」

「余小欣！？」我問。

「有咩問題？」師父問返我轉頭。

「冇，個名太美妙喇，就咁聽個名，相信人世間唔會有人相信係一個光頭老僧既名。」

「恭喜你呀契弟，竟然真係響度學到好野。」百變怪個衰款有少少似屹緊我。

「唔通方丈就係想我跟師父學野？」我問。

「邊撚個方丈呀？」師父問。

「呢，柒撚懵懵，食緊甜筒果個呢。」百變怪插口。

「哦，你講早洩呀？佢係我後輩，佢根本唔知我既存在。」

「我都知架喇，佢筆帳，我遲D先同佢計，契弟，我地都係時候出發喇。」百變怪咁講。

「OK，出發！」

我地終於輕輕鬆鬆，準備好武功...

去迎接呢次響鬼域既競技喇！

唔知到時會遇到咩呢？