《高登獵殺遊戲》(情景題變講故 ): 進入鬼域 虛弱惠那
「一講到女就黐晒線,我點知呀?!」百變怪鬧我。
「俾著係你成世都冇女,入到黎呢度先有條咁標青既索女俾到你見到一絲曙光丫!」我咁回應佢。
之後百變怪好似係見我好可憐咁,所以用個鼻索一索隻碟…
再索一索周圍既味道…
「點呀?」我問。
「屌!有人賴左屎!」百變怪大叫。
「屌你啦!屙架!」係歸藏。
之後百變怪忍唔住撥D泥落去埋左佢。
「呢個時候先黎屙丫嗱!」仲一邊咁樣大叫。
「我冇呀!我冇呀!你埋左佢好喇!」立花_宗茂大嗌。
「嗱,呢D咪好兄弟囉!危急關頭時候推你去死。」百變怪講。
「認同+1,咁你諗到點搵惠那未呀?」我問。
「得啦,惠那身上有陣花香,唔係屎味可以輕易蓋過既,跟我黎啦!」
之後我都算係咁喇,臨走都仲記得兩條日本佬,我扯左立花_宗茂返上黎…
再叫佢幫我拉開歸藏,離我地遠一D。
我地四個人總算係再次集合,行埋同一個方向…
跟住百變怪佢行行下,我地落左個山坡,終於正式踏入鬼域。
「惠那佢俾MRS.帶左入鬼域做乜呀?」我問。
「黎得鬼域,當然係…」百變怪。
「鬼畜輪姦啦!」兩條日本佬搶住講。
「嗱,佢地講咋,唔關我事呀。陣味黎到呢度就停左喇。」百變怪補返句。
「你兩條友再講廢話,我就切左你地條J黎餵狗!」
「你好!不過我唔識你噃。」突然有把聲插埋黎,我地都唔知發生咩事。
我望向聲音方向,見到一隻人型小羊。
「你…你係?」我問。
「我叫小羊兒。」
「但係頭先我…好似冇講過小羊兒三個字噃。」
「我叫小羊兒啫,但係我係隻狗女,你頭先有講過切J餵狗。」
「哦,你…係狗乸?」
「你想聽下我講粗口嘛?我係狗女,唔係狗乸,係隻好得意既狗女。」
「唔好意思,咁…請問…你有冇見過有三個人捉左個女仔過黎呢度呀?」
「冇,不過你有冇佢既物件丫?我聞一聞就知。」
「咁神!?…喂!你地兩個係惠那同伴,你地有冇呀?」我問兩條日本佬。
「我有佢條底褲!」「我有佢個胸圍!」
「一陣先要你地解釋點解會有呢D野!」我咁回應佢地。
我響佢地手上攞左呢兩件物品就遞向小羊兒。
「你係變態定當我係變態呀?」小羊兒問。
「吓!?Eee…就當我係變態啦,麻煩你幫幫手,我地淨係得呢兩件物品咋。」
「幫下鼻呀!」(索 ~ 索 ~)
「點呀?」
「響我屋企!?!?!?」小羊兒自己都好驚訝,仲大嗌出黎。
「吓!?響你屋企!?」我都跟住疑惑。
之後小羊兒佢好似變左身咁,變返做四隻腳落地跑,仲跑得好似隻馬咁快…
我諗都冇諗,立即就跟住佢飛奔,佢地三條友仔都盡力跟上…
…
好快咁,小羊兒就黎到一間好童話式既草菇屋,仲開門衝左入去。
我即使覺得幾唔好意思都好,因為擔心惠那佢,亦都立即跟左入去…
小羊兒衝左上上層,而我亦都跟上…
「爸!呢個女仔係?」小羊兒問隻大羊兒。
我見到一隻個樣好似小羊兒大版既羊先生。
「我岩岩救左佢。而家佢好虛弱。」大羊兒回應。
而我就見到…
惠那佢衫褲都爛晒,只係勉強可以遮到重要部位。
究竟發生咩事呀?