《高登獵殺遊戲》(情景題變講故 ): 八婆淫婦 雪花神針

「果邊打到火紅火綠，我地呢邊真係難得可以冷靜思考噃。」屎忽講。

「係噃，個死者點死架？」我突然諗到呢個問題。

「未死。」堡主回應。

「味係個動詞黎架咩？」我問。

「最新消息係死者未死。」堡主僕人回應我。





「屌你丫！未死叫咩死者呀？」歸藏鬧柒佢。

「唔該你，歸藏。」我搭佢膊頭，多謝佢幫我講左我想講既一句。

「唔好意思，頭先真係錯報左，不過死者…丫，唔係，傷者受左重創，而家受保護下休息緊。」個僕人再講。

我望一望後面，再同佢講︰

「你地呢度可以保護幾多人呀？班客人傷晒喇喎。」





雖然我講得好似好輕佻，但係其實我意識到一樣野…

就係呢班有成過百人既客人…

響混亂之中，已經俾丁原佢地三個人打傷晒…

而且佢地三個仲絲毫無損咁，睇黎呢三個人…

真係唔小野，睇黎頭先仲錯過左場精彩既打鬥添。





「小僕，你幫我睇住D客人先。我帶一帶小兄弟佢地去探探唉我屌咩。」堡主。

之後我地一行七人(小羊兒返左屋企好耐)，加上丁原三人…

就同堡主一齊去探下唉我屌咩。

到左診療室…

「死得未呀？」堡主既呢句問候好直接。

「未，不過就喇…」唉我屌咩回應。

呢度係一個好正常咁既診療室，設備都好齊全。

「哈哈，你都唔係善男舜女丫，邊個出手咁重呀？」堡主再問。





「係條八婆…」

「Bingo！都話係淫婦啦！」惠那佢好似好開心咁。

「八婆唔等於淫婦囉，唔該。」個護士都唔抵得惠那佢。

「屌你丫！冇理由！你咪就係八婆加淫婦囉！」厹歸藏幫惠那護航。

「雖然佢係，但係唔好攪事住，歸藏。」立花_宗茂加多句。

護士好無癮咁行開左。

「你講埋先丫，屌咩先生。」百變怪都問候下傷者。





「佢蒙住面，但係我認得佢，佢係老虎城第一女刺客，雪花神針雪花糕。」

呢個時候，我Post左《雪花神劍》既楊恭如出黎。

「我讀得書少，唔好呃我，呢套明明就係雪花神劍。」

「將就吓啦，咪當住雪花糕成個楊恭如樣咁先囉。」

「睇錯做楊恭如成舊雪花糕咁。」(高登總係會有呢類白痴回應)

「老虎城響邊架？」
「咁你點認得佢呀？」
「雪花神針有幾厲害呀？」

我地班人聽到佢提到雪花神針之後，一連有三個問題彈出黎。





「老虎城響賭城對出十公里左右。」賭撚回應。

「不過老虎城係出名賣老虎機，人口好少，所以好難講佢有幾犀利。」惠那幫口。

「至於我認得佢，主要係應該佢個蹬蹬吓好似啫喱咁既蘿友。」唉我屌咩回應。

(…) 我地鄙視佢既時間。

「睇黎你係因為偷窺而俾人追殺。」百變怪講。

「兩個字，抵撚死！」屎忽加句。

「或者…會唔會係誤會呢？」堡主問。





「唔係呀，我…我有理由相信佢係專登架…」唉我屌咩再講。

「咁…講你就講啦，唔係我火火地就到我殺你架喇！」堡主發脾四。

「係，係，我本來係個靠搵資料搵食既人，近排我做野做到去左老虎城果邊，仲發現左佢地一個驚人既秘密。」

「又玩咪咪呀？」百變怪問。

「唔係咪咪，係秘密。」唉我屌咩回應。

「我講緊屎忽佢玩緊自己個咪咪呀。」百變怪回應。

「我仲以為係惠那既添。」我講。

惠那一面尷尬，而我亦知道自己講多左。

「最多唔玩囉。」屎忽放低佢咪咪上既雙手回應。

「咁我可以講個秘密出黎未呀？！」唉我屌咩發脾氣。

「嗱，我地冇逼你架，你自己話講個秘密出黎架，唔講正衰仔。」賭撚佢地幾個一齊講。

「講左呢句之後，唔講既話會點既話？」
「聽講衰仔會好慘…」
「點慘法呀？」
「要俾街坊用A4紙黎界J。」
「嘩！又真係幾慘噃…張A4紙。」

睇黎我地班衰野又幾有默契，你一言我一語咁，咁就嚇到條友唔講唔得。