生存: 悲劇

天光後，我醒左過左去同睇緊水嘅強叔講

尋晚嘅事希望你唔好同佢地講，唔想佢地

擔心. 強叔：得咖啦 放心唔會。

然後，我入左E室 2間房門都打開左

一間係聰叔，一間係 Kathy 同 Katie





眼見Kathy原來都幾靚 ， 突然我見到佢

地2人張床有血 ，跟住 Kathy比我嘅聲音

整醒左，Kathy：做咩事，咁早就叫我起身 。

我：你睇下你個朋友 ，件衫有D血。。。

Kathy：唔係吖.... 可能整到姐。。





我：Check下安全D，我唔想你有事。。。

心入面開始有小小鐘意左佢。。

Kathy ：好啦，你出去 我自己睇下

不久,：Katie 你冷靜D 唔好吖

心知不妙我即刻沖入房 推開左Kathy





除之而來係被屍變嘅Katie襲擊

我：頂! 快D攞我把刀 插落佢個頭

Kathy：我唔得吖 我朋友黎咖

眼見Kathy無能為力，我只可以靠自己

我用最大力推開Katie出房門 順手再閂左門

門外拍拍聲就係咁放鬧，Kathy:係我衰 我冇用

我：點可以怪你 反正我冇事

門外嘅拍拍聲減少 , 呢間屋係米得我地2個





Kathy問到 我：唔係仲有你老豆。。。

仆街! 聰叔.