《第一次 我說我會記得妳 第二次 我說我會約定妳》: 善良溫柔與歉疚
這幾天，我對小S仍然是念念不忘！隨著這一個月，Ashley, Katherine亦相繼離開，只剩下Janice。作為Janice的好知己，我亦願意陪她走最後一程，但今天的事卻亂了我的思緒。
Janice：我地食下午茶吖！
我：好啊！係邊度等啊？
Janice：你黎一黎琴行吖？順便還野比你！
我：還野比我？
Janice：係啊！
我：阿Jan，我黎咗啦！
Janice：嗯！你坐低吖！
我：嗯！
Janice：上次我仲差你一首歌，依加還比你啊！
我：咁我靜心咁聽啦！
Janice：唱得唔好，唔準笑人嫁！
我：Ok！
http://www.youtube.com/watch?v=6xGRSu6yYY8 《 太陽之歌----澤尻英龍華 》
阿Jan將這首歌演繹得有原唱者的影子，想不到她也有看過這部劇集，這劇集是使人傷感的，與《一公升眼淚》差不多。我也聽得如癡如醉，她的歌聲使人十分舒暢，就像破曉而出的太陽般溫柔。
我：好好聽啊！(我呆了幾秒！)
Janice：多謝！
我：你有睇《太陽之歌》？
Janice：係啊！
我：幾有品味！
Janice：個時聽到首歌決定學彈！
我：首歌幾襯你！
Janice：Thank you！肚餓啦，去食野囉！
在餐廳裡，我們面對而坐......
Janice：我幫你加糖吖！(兩茶匙糖唔攪)
我：哦！唔該你！(這個畫面實在似曾相識！)
回到家中，我收到阿Jan的短訊，當時已是深夜，月色朦朧且帶迷茫。
Janice：識咗就黎三年啦可？
我：啲陳年舊事提黎做咩啊！
Janice：仲記唔記得第一次相識既時候？
我：記得既！當時你有啲Cool，幾靚，小S話你係佢最好既姊妹！
Janice：嗯嗯！年底我就會走，我有個問題好想問你？
我：做咩咁嚴肅，你問啦！
Janice：我走咗你會唔會好傷心吖？
我：當然會啦！你地JASK個個都係我既好朋友，邊個走我都傷心！
Janice：其實我意思係會唔會好似小S走個振咁傷心？
我：阿Jan，係咪發生咩事啊？
Janice：會唔會啊？你會喊嗎？
我：唔知啊......
Janice：當日去送機，我喊唔只係因為小S，一部分係因為你啊！
我：阿Jan......你......
Janice：我知你地一齊過，但你地若即若離，我好痛！
我：都過咗去啦，唔好提啦......
Janice：自從除夕夜個一次，我就好喜歡你啦，加上係圖書館......
我：阿Jan，依啲事唔駛掛係心度......
Janice：我知道小S好喜歡你，你地好似黑幕情侶咁，我......
我：好多野整定，所以......你做番原先阿Jan，我好難面對你......
Janice：嗯嗯......我想約你，約你幾年後係圖書館見你......
我：雖然唔知到時係點，但係我會應約的！Keep Your Cool Smile！
Janice：約定你！
當晚，我失眠了，久久不能入睡，因為我猜不透我跟阿Jan的距離。我們有共同嗜好、性格、口味，一直當她是一位好知己，沒有半點聯想到愛情。
我不得不承認，有一位跟自己相似的戀人，是一種幸福。只可惜，時間不對。或許早些遇到阿Jan，我們會有幸福，成為一對戀人。
我左思右想，都解不清答案，我對她不是零感覺，但時間出錯，關係錯雜，就形成這個問題。最終，整晚沒睡，就捱病了。
足足一星期了，病亦未痊癒，今天吃飯時，我見到阿Jan一臉擔心的臉容，不斷詢問我的病情。我知道她很想跟我說清楚，但無奈是我的精神很差，她很溫柔體貼，沒有向我說什麼，很理解別人的感受。在車上，我太累了，我倚靠她的肩膀睡著了......晚上，她打來問候我了，她對我愈關心，我就愈難堪......
Janice：你有冇事啊？
我：我Ok啊！
Janice：對唔住啊！我不知道你病咗......
我：冇緊要！應該係我講唔好意思，頭先係車上面.....
Janice：無所謂啊！我知你好攰，先唔叫你！
我：去演唱會個日，我好似唔係太得閒，所以我可能陪唔到你啊！
Janice：下，你係唔係討厭我啊？
我：唔係呀，唔係呀！係你太好啦......其實你人又好，又靚，唱歌又好聽，你一定搵到好男仔......
Janice：我知我有追求者，但係我掛住既係你......
我：阿Jan......
Janice：係我臨走前陪我多啲吖！求下你！求下你！小小就夠啦！
我：嗯！
Janice：咁我唔阻你啦，早啲休息啦！
緊接下來的二十分鐘，我收到一個沒有來電顯示的電話。
我：喂？
小S：小Den！(她親切依然......)
我：你到咗拿，Stephanie！
小S：係啊！我到咗就即刻打比你啦，好掛住你啊！
我：一切安好就夠啦！
小S：個檸檬批好唔好食啊？有冇當年既味道？
我：有啊！仲係當時既味道！
小S：你睇咗張紙條？
我：嗯嗯！
小S：好多謝你依幾年陪我！每次諗起我都好窩心！
我：我都係咁覺得！
(由頭說起)
小S：應該剩番阿Jan渣，可唔可以代我陪下佢啊？
我：佢......嗯嗯......可以啊！
小S：拜託你啦，我最愛既男人！時候唔早啦，唔知幾時可以再見，我......！
我：唔好講啦！我記得你，一位甜品女孩！
小S：我都記得你，一位溫柔體貼既男人！
經過短短二十分鐘的對話，我的確釋懷了許多，心裡又突然想起阿Jan，因為我答應了小S？
一個月後，我跟阿Jan通電話，由於我實在難以去將整段對話發佈出來，所以大概地節錄。
Janice：自從除夕個次，我已經喜歡你，但我知小S都好喜歡，所以我冇講。我唔想小S唔開心啊，因為佢經常都係自己一個，無人會知佢幾難受！係中五個振，我終於係佢地面前喊咗出黎......你同我講個句，我好記得......小S避你，你二話不說搵佢，你攬住佢個一幕，我望到啊！好令人心碎！
我： 好多謝你既錯愛，係我唔好！
Janice：唔係錯愛，我願意......痛一個人就夠，唔需要三個人......
我：對唔住，阿Jan！
Janice：唔緊要嫁！唔緊要嫁！我知自己冇小S咁叻，又唔識整甜品......你唔鍾意我都係應份......
我：唔係啊！你真係我見過最善良既女仔，係天使，好討人喜歡......仲處處為人設想......好感動......
Janice：嗯嗯！
我：咁不如我地......一齊......
Janice：唔好啊！你唔一定比任何野我嫁！被我同你相處下，撒下你嬌，我就滿足嫁啦！
我：你係唔係介意我同小S既關係啊？
Janice：冇啊......我......冇資......格去介......意......我唔想......令佢難做......
我：對唔住......我彌補唔到你創傷......
Janice：你唔好咁講啦！我講咗我心聲就夠啦......無論做咩，我都唔介意嫁......
我：好多謝你諒解我啊，阿Jan你令我好舒服！
Janice：Dennis......
我：嗯......
Janice：你......真係好......好吖！
我：我......
Janice：多謝你......
輾輾轉轉，我們終於解決所有問題。我沒有避她，最後跟她去演唱會，因為有一位情深似海的人成全了我！就是一位對阿Jan情深似海男孩的成人之美......你們猜猜是那一位吧......
我：搵我有事？
男孩：係！(他遞上演唱會飛！)
我：你......
男孩：我係好鍾意Janice，鍾意咗佢五年啦！我可以同佢單獨睇演唱會，係好開心！但係佢想陪佢睇既人唔係我，係你......
我：我......
男孩：你去啦！我唔想Janice唔開心，只要係佢鍾意，我放棄完全唔介意，幫我比幸福佢......
我：(接完，他轉身離開)
當她在演唱會中看到我，她笑得很甜，臥蠶包著眼睛上的笑顏......
Janice：係你！真係你！
我：......(這情況實在有口難言......)
Janice：依一刻係我最快樂既時光......
(她的喜悅表露無遺，但我的滋味卻是苦澀中帶哀傷！)
我：(最偉大最情深似海的男人，你真的好好！)
我只能說阿Jan是一個既心地善良，又體貼的女孩，若果娶到她，必定是男人的福氣......希望她遇到好人......
(Whatsapp 對話)
Janice：Dennis！
我：係係係！
Janice：我叫人買咗啲野比你食啊！
我：咩野黎？
Janice：你實好鍾意嫁！
我：係鳳梨酥？
Janice：係啊！你實錫晒我呢？
我：嗯嗯！咁你呢？
Janice：我食唔食都得啦！
我：我地都係一齊食啦！
Janice：好吖！
阿Jan做每一次事情都很窩心，但我無法掩飾內心歉疚，我在做什麼......
在最後一星期，我卻知道了一個不應該知道的事實......