《第一次 我說我會記得妳 第二次 我說我會約定妳》: 弄不清愛與可憐(下)
一大清早，我已經外出，留下了一張字條。大約四時，正當我入屋之際......
小S：你返黎拿？(她果然笑顏無敵！)
我：嗯，我一振煮晚餐......依幾位係？
小S：依幾位係我好朋友兼好姊妹啊！介紹你識吖！依位係Janice, Ashley, Katherine.
我：Hello！你地好！
Ashley, Katherine：Hi！
Janice：(她冷冷地點一點頭，臉上只有冰冷表情，並沒有一絲的笑容！)
小S：佢地個個都好靚，全部都係女神黎啊！
Ashley：邊係呢小S？你未又係咁靚！我一見到你就想溝你啦！
Katherine：Ash，你好百厭啊！
Ashley：(伸舌！)
Janice：(掩口笑一笑！)
她們應該是小S最好姊妹了，大概地介紹一下。Ashley，一個活潑可愛的女孩，臉蛋可愛，個子很小，在她們中最矮，應該很受男孩歡迎。
Katherine，屬於大姐姐型女孩，聲線滋性，挺吸引，不遜色於Ashley。
Janice，可以怎麼說呢！她是一個九頭身美女，有一把略帶啡黃的長髮，眼睛大大水汪汪，兩眉細緻如畫，稍比小S矮些少，冷冷的笑容使人有觸不及的感覺。她是小S的最好朋友，稱她是「宅男女神」，她愛看動漫，聲線冷艷，聽說嗜好與我挺相似，Janice的樣子很耐看和灑脫。
在我來說，她們JASK四位都是美女呢！ 都會是普通男孩會喜歡的類型！
我：我叫Dennis，多多指教，我入去整野先啦，你地慢慢傾啦！
介紹完畢，我就到廚房弄晚餐。她們四姊妹就繼續有傾有講，在廚房隱約地聽到她們的對話，我就偷望一眼。
Ashley：小S姐姐，Dennis係咪你男朋友啊？
Katherine：(她向小S掩嘴微笑！)
Janice：(她平常地夾頭髮。)
小S：......唔(嗯)......係！(她垂下頭，面上泛起了紅暈。)
Ashley：聽唔到啊，係唔係啊？
Katherine：小Ash，你成日都係咁啦！又麻煩又跳皮！
小S：......(紅暈已散到整張臉上，久久也散不去。)
Janice：Ashley妹妹黎Janice姐姐度，唔好為難小S啦！(她終於開口，感覺好溫柔......)
Ashley：我要攬攬嫁！
Janice：係啦！係啦！
Ashley：好野，我攬到「宅男女神」，好多人都"恨"都"恨"唔到啊！
Katherine：我都好想要啊！
小S：啫係冇人攬我啦，唔開心啊！
Ashley：你咁受歡迎都唔駛我地啦！(小妹妹的稚氣盡現！)
Katherine：不如我地跳舞唱歌啦！
小S, Janice, Ashley：嗯嗯！
她們應該是少女時代迷，又唱又跳演繹幾首名曲。她們真的唱得不錯，Janice聲線挺舒服，跳舞也不俗，畢竟是個美人胚子。小S有完美身型，跳舞絕對姿態盡現吧！Katherine唱歌都很迷人，繞樑三日。Ashley經常做古怪表情，活力過人。在她們的言語之間，我知道她們感情好深厚，亦知道她們很受歡迎，還有很多追求者。
我：唔好跳啦，靚女食飯啦！
Ashley：係係係！我黎啦！
我, Janice：咁可愛既你！(我倆同時地說出口！)
Ashley：你地咁樣讚我，我好怕醜嫁！
Katherine：係唔知醜先啱！
今天本來煮兩個人份量，幸好我買了應付多天的材料，剛剛足夠，畢竟她們只是四位女孩，但使我驚訝的是Ashley個子矮矮細細，食量竟然不下於我。我煮的Spaghetti, Risotto，她竟然吃了不少，更加想不到的是，本來我想獨吞的螃蟹，Janice竟然喜歡吃。
Ashley：啲Risotto好好食啊！
Katherine：你又食咁多啦，知唔知飽嫁！
小S：由得佢啦！
Ashley：食埋你都仲得啊！唔知Katherine依位音樂小姐係咩味呢？
Janice：佢又黎啦......(她笑現臥蠶！)
我：噢！仲有一碟蟹啊！我知小S就麻麻地，你地呢？
Ashley：要剝殼好麻煩啊！
Katherine：哈，夠你麻煩！我對蟹有敏感，唔食得啊！你同阿Jan食吖，佢好鍾意食蟹嫁！
我：哦！
Janice：嗯嗯！(她不經意地眨了一眼。)
我：咁我同阿Jan慢慢食啦！
經過這天，我就認識了三位朋友，陽光活潑Ashley，成熟迷人的Katherine，嫵媚冷豔的Janice。認識了她們，比起認識班內的「港女」好了一大截啊！她們又沒有架子，的確是一班知心好友呢！
其實我已經住了十二天有多了，但是我仍未清楚自己的心意，究竟我對小S的愛，是出自對她遭遇的可憐，還是真誠的戀愛呢？我沒返回家中多日，總需要回家，有必要彌清這段親密關係。終於到了第十五天......
我：小S，我要走......啦！
小S：嗯......！
我：相處咁多日，我想話你知，你真係好靚，你同高跟鞋真係好夾，你修長身型令我好心動同欣賞，不過你唔好喊啦，你成面淚痕唔靚嫁！
小S：係......(淚水準備流出來！)
我：條鎖匙還比你啦！
她突然給我一個充滿信任的擁抱，我亦抱緊她！
小S：唔好啊！條鎖匙永遠屬於你嫁！你Keep住佢，等閒黎搵我，我等你啊！我好鍾意你！希望你心裡面會掛住我！你真係好暖啊！
我：傻瓜，做咩喊啊，我都鍾意你啊！你好叻，好堅強，又溫柔又體貼，又識整我最鍾意既蛋糕！應承你，我會再搵你，只要你諗起我，我就係你身邊。你喊我幫你抹眼淚，你整蛋糕我幫你食晒佢，你寂寞我攬你！
小S：嗯......多謝你......
經過十五天的相處，我們成為一對若隱若現的男女。在別人眼中，我們是一對情侶。在別人口中，我們沒有承認亦沒有否認情侶關係，潛於黑幕之中，若即若離。