有個偽abc姐姐同我補習: Scarlett姐姐係你既好朋友

你而家同我只係朋友關係，Scarlett係邊個，關你咩事呢？ 

「行啦......」 

「你仲未答我喎，個女仔係邊個」 

「唔想講你知」

 Irene踩一踩我隻腳，橋住我隻手行......



 「你隻手......」 

「小器鬼，係咪唔橋得先」 

「唔係唔係...」

 老實講，Scarlett唔算高，同我差唔多啦，但我個樣同其他同學比較睇落成熟啲，所以我同Scarlett行埋一齊比人話係情侶都唔出奇 

而Irene同我係同一日生日，不過佢早我幾個鐘，所以佢係姐姐，當初鐘意佢既其中一個原因係佢大過我，我係姐姐控



 行行下電話震一震，原來係Scarlett whatsapp我 

Scarlett:你ex.？
Scarlett:都幾靚女呀 

我無覆佢住，因為Irene橋住我隻右手，左手單手打字好唔自然

 其實Irene真係好靚女，皮膚又白又滑，有樣有腰有pat有腳，又唔係飛機場，拍拖果陣成日幫我打點一切，好有老婆feel，可惜我到而家都仲係青頭仔

 而我地分手既原因係中四成日同班friend玩，佢又成日陪佢啲“姊妹”，大家相處少左無左個feel，最後搞到分手，呢個就係我頹左一年既原因…… 



雖然分左手，但係我係學校成日都手多多搞佢，不過佢都無嬲 睇戲果陣，Irene睇到喊（我都唔記得左inside out講乜），都唔明佢喊乜，還掂呢啲戲都最後一定happy ending架啦…… 

「唔好喊啦傻妹，最後咪happy ending囉」我試圖安慰Irene 

「嗚嗚嗚...嗚嗚嗚...」喊喊下佢伏左係我心口 我帶Irene去個公園坐底，費時係大街喊咁核突，坐左幾分鐘終於喊完， 

「我地啲記憶都好多藍色波波呀」 

「哈哈，係呀」

 「………我地去食糖水吖」

 「嗯…」



 食糖水果陣，Irene仲好似以前咁，餵我，要我餵...... 

「餵我食」「我又要試下你果啲」「張開口啦，呀...」

 唔通佢想...... 

食完野，佢又要我送番屋企… 

「吓…唔好啦，我好累啦」

 「你以前都唔係咁既，萬一人地有事點算呀，嗚嗚嗚...」

 「好啦好啦，再喊就揾人捉走你」我meet meet佢塊面

 「嘻嘻」



 送到佢去樓下，Irene突然一啖錫埋黎……跟住即刻跑番入樓…… 

我企係到呆左一陣，先行番屋企 行緊既時候，我覆番Scarlett，佢秒回番我

 我：Sorry,岩岩先得閒
 Scarlett：有女朋友唔覆我
 我：邊有女朋友
 Scarlett：哼！罰你寫writing，寫番今晚既事
 我：唉…我都唔知佢想點
 Scarlett：好似有事煩喎，同姐姐講啦
 我：唔好啦… 
Scarlett：你當唔當我係friend先
 Scarlett：我唔想當你係我學生，我教得你，我地就係friend 
我：嗯 


我：我覺得佢想復合 
Scarlett：咁你想唔想呀
 我：我唔肯定，我怕我諗多左… 
Scarlett：我係話，你鐘唔鐘意佢呀 
我：鐘意掛…個感覺同以前唔同左，我唔知點講…… 
Scarlett：一就一，二就二，邊有得“掛” 
我：我都唔知自己想點…
 Scarlett：我諗你而家都累啦，今晚訓一晚諗清楚自己想點
 Scarlett：記住唔好令自己後悔，好似你而家咁既愛情係最true最pure架
 Scarlett：記住有咩事諗唔通都好，Scarlett姐姐係你既好朋友 
我：多謝你呀Scarlett姐姐
 Scarlett：good night 
我：you too 

唉…而家咁眼訓真係唔想諗，Scarlett姐姐講得岩，訓醒先算啦！ 今晚之後，我同Scarlett既關係變得更進一步