「等陣…我去拎啲嘢食俾我朋友先!」我聽到在外面的蜘蛛小子如此說著。

「咪傻啦,佢傷成咁點食嘢啊!」一把不明的女聲

「蜘蛛仔,就等佢好返啲先都唔遲。」第二把不明的女聲。

「我入去睇下佢點。」這次到張立青的聲音……

外面好像很熱鬧,一堆女生。





張立青輕力開門進來之後,就小心翼翼地把頭靠過來查看我,看來是試著不要把我弄醒。

「我已經醒…咗…」虛弱的我答。

就算看不到,我都感覺到自己血氣極少,需要一段時間休息,斷然地回去赤兵隊總部肯定是撐不住。

這間躺著的小房雖然細小又無窗,不過正正給了我長久以來沒有的安全感,有時候能躲在一個小角落裡,其實也是種幸福吧。

「我哋已經知道你身體嘅事。」她說。





「蜘蛛小子…同你哋講…?」

「唔係,風叔叔單係感應就感覺到。」張立青走過來床旁,緩慢地打量住我全身:「佢話你渾身充滿毒素……好奇怪,亦都好危險。」

「所…以諗住我一醒咗…之後就趕……我走…?」

「佢冇你想像中咁冷酷。」張立青坐到旁邊的椅上,抿嘴而笑:「只係基於長久以嚟建立嘅形象問題……先擺出依副姿態。」

「……」





「你先諗下…你最尊敬嘅人,突然伸條俐出嚟…!舉起勝利手勢……兼喺到傻笑!係咪好怪!?」張立青打個比喻。

然後我腦袋中…不知道為何會出現了赤曲如此做的畫面,太恐怖了,所以我在床上搖搖頭就把畫面驅散。

「蜘蛛仔幫過我哋一次,避開敵人嘅埋伏…雖然風叔叔始終會提前感應得到危險,不過都多謝佢,而依一次……就當還人情啦。」張立青說。

「你總係提起……」

「風叔叔?」張立青又再提起這個名字了,之後便會心一笑:「你都有一個尊敬嘅人呱?我咪同你講過…我最尊敬嘅就係佢。」

「嗯…」我認同,這種人…就酷如把我們世界點亮了的人,引導我們前進:「我…暫時會…留喺到…?」

「咁就當然,未好返之前都唔好亂走。」張立青又站起來,抱住自己雙手:「不過我想問……點解你之前燒傷嘅傷疤…會唔見哂。」

「植皮技術好…」





「你唔洗呃我。」張立青搖頭地淺笑,走出房之前回眸側望我一眼:「想講個陣就分享下嚟聽,我驚自己遲啲做任務都會整到自己有條疤,哈哈。」

房子無窗,但我還是能透過外面的聲音來分辦早晚。有蟬在叫或是海浪聲較大的時候,是夜晚;有鳥在鳴的則是早上。

我好想知道最新情況,所以找來了蜘蛛小子在一旁給我讀些新聞,主要都是講述香港為何會發生此次大型襲擊事件,為什麼會有那麼多的軍火,還有香港政府是否存在特工部的討論。

另一方面,三名城中富豪亦被赤兵隊綁架,三個都被人割了耳朵寄去該家庭要求拿取贖金。

「你哋嘅行動真係好癲…連國外媒題都爭相報導,股市即刻波動…」蜘蛛小子說。

「我只係有一點唔明白……」

「咩嘢?」





「點解…傲家第七代繼承人…唔立即將我殺死……」我正在回想當晚地盤大戰一事,說下去:「按照特工同佢家族殺人方式…幾乎每一招都奪人性命……唔會拖爛帶水講廢話…做多餘動作……不過…唯獨佢捏住我條頸…又將我擲嚟擲去…好奇怪……」

「點知咁多~」蜘蛛小子無奈地嘆氣:「啲高手最鐘意就係折磨比佢哋弱小嘅人!望住佢哋痛苦嘅樣嚟獲取快感……好彩師傅及時嚟到救你。」

真的是這樣嗎…。

「師傅…頭號特工收咗你為徒…?」我問。

「冇啊,不過應該就快收。」這個不要臉的傢伙……

「你真係大命…」

「哈哈,都要我走佬技術了不起先得嫁,做死亡速遞幫黑市佬運貨幾咁恐怖呀!咁辛苦先搵到嚟依頭家…真係唔想走~」蜘蛛小子苦惱地按一按額頭。

「塵歸塵,土歸土…總有一日你要返去赤兵隊……你唔記咗自己要搵張立青嘅目地…?」我反問。





「同頭號特工傾…睇下有冇可能同赤兵隊合作。」蜘蛛小子望住了地板。

「你有冇傾…」

「冇…」蜘蛛小子搖搖頭,說:「好難出口,因為佢哋…好似都有要事做緊。」

「的確…」張立青和頭號特工經常四處遊走…

到底是什麼原因。

目的又是為何。

「咁…依段日子我問下佢…哋,睇下佢哋會唔會…透露少少嘢出嚟…」





「咁做好咩…」

「又唔係要殺死佢哋…」我說。

「咁又係……」

「佢哋好似仲有其餘成員…?」

「要同你逐一介紹?」蜘蛛小子說。

「好…」因為我都沒有看過《背叛者》。

「第一個!立青咁有活力同朝氣嘅青春少女,其實並唔係天生!!佢依家咁灑脫又無拘無束、鐘意出面冒險嘅性格可以話俾佢感染,依一位成員我會叫匡喬姐姐,佢份人幾任性又野蠻,永遠第一個郁手,不過其實心地幾善良,有時仲會教立青化妝打扮。」

「你解釋到好似…仲清楚過佢哋本人咁……」

「立青同我講過啊嘛,每一位家人對佢嚟講都係好重要好重要!第二個!有活力就當然唔夠啦,都要有腦嫁!而立青嘅內在智慧就係傳自一位叫喬恩姐姐嘅手中,佢脾氣幾好乜都講道理,所以就造就咁善解人意嘅立青BB啦~!!」

「…多餘嘅形容詞唔洗講……」

「第三位就係嘉輝叔叔~佢好鐘意照顧立青啊~做下家務啊~裝修下啊~搞下啲新意思嫁啦~?成日痴住立青……」說到這裡,蜘蛛小子太陽穴位置好像生了條青筋:「不過佢細心照顧每一位家庭成員,同立青關心到同我一樣狂熱嘅地步,成日讚立青『女大十八變』之類,不過生活都算有品味,得閒會教立青彈琴、打英國喬牌、騎馬、品酒咁,對我都好好,所以都係好人嚟。」

「咳…之後。」

「最後,我嘅偶像……師傅,關於佢我都形容唔到太多…只係知佢將立青當作係個女咁,如果有犯罪集團將立青綁架嘅話……師傅佢應該會用一日時間血洗佢成個組織。」

我說:「即係佢集萬千寵愛在一身…一句話就講得哂。」這樣說的話…合作的事能說服張立青不就行了嗎。

「又唔係嘅…聽立青講番…話細個嗰陣師傅對佢訓練好嚴苛,要佢識多種武術搏鬥暗殺技巧、又要精通至少八國語言、物理啊化學啊生物啊依啲知識基本要滿分啦……總有好多好多,聽落都慘。」
已有 0 人追稿