【特工】《虔誠者》: ──黎明騎士團篇──(179)

「喲‧‧‧？咁快就玩完。」墨龍呆呆一問，場面隨即更為轟動！！！

所有觀眾都不約而同地站起，面上浮露出欣喜若狂的神色，不斷地歡呼著墨龍的名字，聲音簡直可以傳透幾十條街的距離。


「啱‧‧‧啱啱收到消息！」主持人按住耳機，說：「由於墨龍選手突入會場阻止比賽結束！所以下場地區賽，比大會規定，只能用單手應戰！！」

「哈哈哈，咁先有啲意思。」墨龍大笑著，不把此舉當為一回事。

「到底有咩人可以強大到咁‧‧‧」背後的觀眾喃喃自語。





我也猜不著頭腦。

是呢‧‧‧

有什麼人可以強大如此。

「武術大會可能單論拳腳功夫你最勁‧‧‧‧‧‧但係廿一世紀個個都用槍嫁啦，嘿嘿嘿‧‧‧‧‧」我背後的男人突然站起身，落樓梯走近到會場中央處。

這傢伙‧‧‧






「喲？先生，你都想同我打番場？」墨龍望住跨過圍牆，走近自己的男人。

「唔好意思！觀眾係唔容許上決戰擂台嫁！」主持人上前阻攔。

那男人掏出手槍，便往主持人一射！

「砰！」槍聲過後，便是尖叫之聲。





「哇呀呀呀呀呀呀呀呀呀──！」貪生怕死的人紛紛大叫起來，但也有不少毫不在意的人繼續坐在原位，觀視發展。

墨龍以笑迎對不斷靠近自己的男人，那男人則恨之入骨地說：「你殺咗我阿哥‧‧‧我要報仇！！！」

「喲？你哥哥邊位。」墨龍問。

「馮春醜！」

「喲？邊個嚟，唔記得咗。」墨龍繼續微笑。

「你‧‧‧你知唔知‧‧‧都好！今日我要殺咗你！！！」男人舉槍指向。


「哇‧‧‧係‧‧‧係暗殺者啊！馮春醜細佬為佢報仇啊！！」主持人雖然中槍，但憑著專業精神還是繼續報導。





「喲～點都好，你係絕對唔會成功。」墨龍輕描淡寫地說。


「嘿！就睇下點！！！」


「睇下你隻手。」墨龍右腳突然向前一踢，把自己穿住的布鞋甩出激飛往對方的手。


「砰！」持槍男被布鞋擊中，在陰差陽錯下不小心又往一旁倒地的主持人開了一槍。

「哇呀呀呀！我又中槍喇‧‧‧‧‧‧」主持人慘叫得要命。

持槍男當下回神過來，立即轉面、舉槍向前！可是‧‧‧‧‧‧墨龍卻已經消失不見。





因為墨龍在其左面！一瞬間湧出的氣場，把持槍男嚇得也跌了槍在地。

「喲？」墨龍低聲冷語，令對方不寒而懼：「有槍不就好威威？」


緊接一記重拳！！！

墨龍把對方打得幾乎眼球也要溜出來的一樣‧‧‧‧‧‧


短暫的小插曲，亦隨暗殺者死去而結束。

「咁‧‧‧咁我正式宣佈‧‧‧‧‧‧分組賽事比賽‧‧‧正式結‧‧‧‧‧‧束。」主持人的生命，也隨之告終。

「點解冇人救走台上嘅人‧‧‧」我問。






「黎明兄，你有所不知。」白逸又開始解說：「暗黑地下格鬥會有一個不成文規定，就係所有選手‧‧‧除咗大會單位之外，如果受傷一律唔會救治，就係咁‧‧‧‧‧‧所以參加比賽先有風險。」

白逸說到一半的時候，我已經飛奔往擂台上。

「海鯊！」我赤灼之眼所見，他體內多處器官嚴重出血了。


「喲，黎明‧‧‧？」墨龍望住了我，不過我沒空閒理會他了。

「你‧‧‧你係‧‧嚟‧‧‧‧‧‧」海鯊一見到我，便瞳孔收縮，好像看到來收命的死神一樣。

「我係百毒！」





海鯊想了想，又說：「要殺‧‧‧要宰隨便‧‧‧‧‧‧反正，我都活得唔耐‧‧‧」說罷，他口中含著的血水就從嘴角兩邊溢出。

「我冇諗過嚟殺你，我嚟只係要問一樣嘢！」我在他身上幾個穴道點了一下，阻止黑血及血塊凝固，暫時為他廷命數十分鐘：「到底輓歌係咩位置！！」

「我‧‧‧我‧‧‧‧‧‧唔‧‧‧清‧‧‧楚。」

「咁其餘師團嘅人！？」

「唔知‧‧‧」

「點解你到死都要保留‧‧‧‧‧‧」

「我冇‧‧‧呃你‧‧‧百毒‧‧‧‧‧‧」海鯊一句一句說：「我一早‧‧‧已經離開赤兵隊。」

「咩‧‧‧咩意思‧‧‧你參加依場比賽嘅時候明明係用赤兵隊嘅名義‧‧‧」

「要參加暗黑地下格鬥會‧‧‧參賽資格之一‧‧‧係要該門派或者人物‧‧‧‧‧‧係廣為人知‧‧‧我逼不得已‧‧‧‧‧‧先用赤兵隊名義去參‧‧‧賽。」海鯊說。

「咁你點解要參賽‧‧‧又點解離開咗赤兵隊‧‧‧‧‧‧」

「輓歌‧‧‧管治手法我接‧‧‧‧‧‧受唔到，相比起赤曲‧‧‧佢實在太高壓‧‧‧好多任務我都唔‧‧‧‧‧‧想‧‧‧再送自己隊員去死，加上之前因為鬼匠佢提出某件事嘅反對意見‧‧佢就被輓歌監禁住‧‧‧‧‧‧無奈之下‧‧‧我只可以離開赤兵隊‧‧‧我唔想再有自己‧‧‧‧‧‧師團嘅成員為我而死‧‧‧」海鯊說出此話的同時，水鬼的面容彷彿有一瞬間如他重疊。

「嗯‧‧‧我‧‧‧明白。」

「咳‧‧‧！」海鯊又噴出一口血，說：「原本逃離赤兵隊之後‧‧‧仲諗‧‧‧住落嚟九龍寨長居逃避追殺‧‧‧‧‧‧順便參加比賽賺少少生活費‧‧‧估唔‧‧‧到‧‧‧‧‧‧我始終有咁嘅一日，做特工‧‧‧大概預咗。」

「冇一個特工‧‧‧可以安詳咁死去。」我黯然地說。

「你明白就好‧‧‧明白就殺咗我，我知道你係受輓歌命令嚟追殺我‧‧‧‧‧‧」海鯊說：「寧願好似頭獅子咁痛快戰死，我都唔想好似隻綿羊咁等死‧‧‧‧‧‧！」

「你誤會‧‧‧我一早被脫離咗赤兵隊。」海鯊問。


「即係‧‧‧你‧‧‧‧‧‧你一早‧‧‧已經唔係‧‧‧赤兵隊嘅人‧‧‧？」

我點頭。

「咁請你‧‧‧要救走鬼匠。」

「佢比輓歌監禁喺邊？」

「喺‧‧‧東‧‧‧龍洲。」


赤曲戰死的地方。

「我會去，我會救走佢。」我對海鯊承諾。

「係咁‧‧‧‧‧‧我就安息。」海鯊合上雙眼，說：「世上‧‧‧果然一山，還有一山高‧‧‧。」


‧‧‧

兩秒後，海鯊就突然抱緊住我‧‧‧！

「就俾我‧‧‧激烈咁死‧‧‧‧‧‧喺你嘅毒下。」他把我抱緊，我再一次感受到戰友短暫的溫暖。

但換來的代價，便是對方永遠的離去。

海鯊手指微微抽搐，胸口有些少起伏，不過一會就吐出一大口黑血死去。


「嗄‧‧‧」我腦內一片空白。

我會完成你的遺願。

「喲？黎明同志，你認識佢？」墨龍問。


我橫抱起海鯊的屍首，沒有回答墨龍的提問，就離開會場，直到去我之前為水鬼挖下的一墓下，一同把他葬於此地。


「海鯊與水鬼一起共玩的地方。」我在墓碑上刻著，然後躬身：「好好安息。」

「已經問到啲咩？」忍蛋陪同我離開墓碑。

「係，喺搵到輓歌之前‧‧‧有一件更加重要嘅事，就係去東龍洲救番我以前赤兵隊一位老朋友。」我望住忍蛋，問：「你會幫忙？」

忍蛋做了個OK手勢、點頭：「就請我食一餐飯，象徵式幫你。」


因此，我們便前去了南部的「大富豪飯店」，反正我很快就要離開九龍寨了，就不介意花光餘下的那些錢。

「你有咁多錢？」忍蛋好奇一問。

「之前搞掂咗一班人肉販子‧‧‧喺佢哋藏身處拎咗啲錢。」我們一同步進裝潢華麗的大飯店。

我跟忍蛋被招呼到一檯二人桌坐下，然後就點了一，兩道菜，包括金乳燒豬和紅炒生骨。因為食店是位於九龍寨富人區域，又小有名氣，所以食材都應該是貨真價實。

我們在飯店中大概呆坐了半個小時，還未有一道菜上檯，於是忍蛋便禁不住問，

「侍應，我哋等咗好耐！」

「呃‧‧‧唔好意思！」一位侍應走過來致歉，說：「因為我哋飯店忙緊招呼卡多先生，所以比較忙！」

往走廊通道一看，果然有不少侍應正忙著捧一碟、二碟的菜式往最盡頭處的一間廂相送去。

「卡多好巴閉？十分鐘之內，啲嘢要上檯」忍蛋吩咐。

「但係‧‧‧卡多先生‧‧‧的‧‧‧確好巴閉‧‧‧」侍應面有難色。

「講嚟聽聽，有幾巴閉。」忍蛋招一下手，叫他靠近耳邊。

「佢掌控成個九龍寨南部嘅賭業！擁有數之不盡嘅家產‧‧‧‧‧‧」

「即係用錢做武器？依啲人我見唔少。」忍蛋哄笑：「如果佢一陣對我有不滿，叫佢出嚟同我講，總之上咗我哋嘅嘢先～」

「下‧‧‧咁啊‧‧‧」

「照辦。」我盯了侍應一眼。

他望過我的眼神之後，便立即點頭，回到廚房之中為我們作好準備。不久，兩道小菜亦都上桌了。

但見傳去給那位卡多先生的菜餚還未停過，就好像馬拉松式一般不斷送往入去，有人的吃量會如此龐大嗎？粗略估算過，都已經是大概三十人的份量了‧‧‧

「哈哈哈！食多啲啊，任食任食！！！總之下場地區賽就靠哂你啦！」一把財大氣粗的聲音，從廂房中傳出。

「噹噹噹噹噹──」裡面還有著不斷扒飯碗的聲音。

「要多隻大燒豬！」

「對唔住啊‧‧‧卡多先生‧‧‧‧‧‧燒豬已經賣哂‧‧‧」

「賣哂！！？明明我入嚟之前仲見到一隻！」原來說話此人正是卡多。

「俾一位客人買咗‧‧‧」

「邊個！？叫佢入嚟見我！！我要佢做一世地下奴！！！！！」

良久，一名侍應行過來我們那一桌：「卡多先‧‧‧先生，請兩位入去‧‧‧」

「我哋喺出面都已經聽到哂～」忍蛋咬住燒豬的肉皮：「不過叫佢出嚟自己見我。」

「但係‧‧‧」

「但係咩？佢又唔係有好多高手喺身邊，一陣佢有命走得出飯店先再講。」忍蛋默默淺笑。

「正正就係有一位最近風靡一時嘅高手喺卡多先生房間入面‧‧‧‧‧‧」侍應緊張地說：「叫‧‧‧墨龍。」

一說到墨龍，我跟忍蛋就互視一眼。


「哈哈哈哈哈！」廂房的門被打開，有位穿住紫色西裝的胖子走了出來，望住我們：「就係你兩件垃圾食咗寶貴嘅燒豬？」

「我哋有錢。」我把所有錢放到桌上。

「有錢又點？我多錢過你！」卡多指住我說：「你兩個真係不知好歹。」


「墨龍少爺‧‧‧不如就比依兩個人一啲顏色睇下！」卡多得逞地說。

「喲！？黎明同志！」他料不及的是，墨龍會跟我揮手：「你又嚟食飯啊？」

「‧‧‧」但由於海鯊的事，我還對他耿耿於懷。雖說擂台比武，生死各自。

「墨‧‧‧墨龍少爺，你識佢兩個‧‧‧‧‧‧？」卡多顯然有點慌張。

「喔，我識得包住繃帶個一嗰，出生入死過。」墨龍淺淡一笑。

我終於知道為何菜餚不斷送往入廂房，原來食量極大的人是‧‧‧‧‧‧墨龍，

望望桌子，就算是炸醬麵，他都吃了六碗有多了。

「哈哈‧‧‧！係朋友就易辦得多，你哋今餐由我卡多集團包辦！！哈哈哈哈！有咩事歡迎嚟搵我，墨龍朋友，就係我嘅朋友！」卡多哈哈大笑著，但笑容有點假。

「個卡多發生咩事‧‧‧」忍蛋低聲說。

「睇嚟墨龍喺佢眼中好重要。」我說。

「咁墨龍先生！我哋就不如講番你地區賽‧‧‧仲有之後決賽嘅事？！」卡多回到廂房，繼續與墨龍談話。

「此地不宜久留。」我說。

「你返上去先‧‧‧我仲要睇埋決賽先可以離開。」忍蛋也有自己的目的：「我要去親眼確定一個人‧‧‧‧‧‧」

「你之前提過嘅百足半藏？」

「係‧‧‧個一嗰大會連霸得主，仲係好似對佢有啲印象。」

「咁好，我陪埋你，直到決賽完結。」

「你‧‧‧」

「反正得我一個都救唔到鬼匠。」

忍蛋點頭，然後我們二人便雙雙離開飯店。

到地區賽的一天，比賽場地移施到中原區域，是為人流最廣混集的地方，我跟忍蛋沒買到座位，只得透過攀登上去會場的圍牆，借此觀視比賽。

「嚟到九龍寨暗黑地下格鬥會嘅地區賽啦！唔知大家認唔認識我！點都好，我係今日嘅主持人！！出賽嘅選手分別有北部同南部三位三甲選手，而西部同東部就因為一啲問題，所以得東部嘅墨龍選手，有命參加依場地區賽！」我認得他，是上次中槍的主持，沒想到中槍後中氣依然。

「首先介紹一下，北部菁英選手分別有，香氏跆拳道門派嘅天才──香金娜，佢雙腿比雙手仲要靈活！可以喺不可思議嘅角度踢中對手！」

主持人介紹完後，香金娜選手立即出場，是位帶住亞洲臉孔的金髮美人兒。

「另一位選手，係元家嘅手劍部學會主將──元煥，佢雙手鋒利如劍，威力猶如劈地斬山！」

是個戴住藍色頭巾的普通男人。

「最後一位選手，美國已故拳王JS‧Baby嘅外孫──Peter！擁有美國雙碩士學位，但書生外表背後係擁有７００磅力度嘅恐怖之鬼！」

是個外國書生模樣的人，可是左手顯然有特別練過。

「之後一位‧‧‧‧‧‧就係被稱為今年最有可能勝出嘅武術高手──墨龍！無論人氣、實力、背景，都十分令人著迷嘅超人氣選手！！！！！」

「喲？講緊我？」墨龍呆呆地站前幾步。

「最後後三位，南部嘅‧‧‧‧‧‧（下刪一百字）。」

主持人宣佈結束後，就有職員上前為墨龍縛住右手，主持人便立即解釋道：「由於上次分組賽中，墨龍選手作出干擾比賽結束行為，所以被罸只能單手應戰！」

「屌你咩！！叫人點打呀！！！」當場一大部份的墨龍粉絲隨即怒罵。

「好啊，有挑戰性。」墨龍卻毫不畏怕地，橫望會場眾選手：「反正‧‧‧‧‧‧在座各位，都係垃圾。」

「你講咩話！」、「你可以話我，但唔可以侮辱我師門！！」、「我要收番依一句！」

「哇哇哇‧‧‧墨龍選手未開賽之前，就激嬲眾選手！我勸各位冷靜啲啊！」

「垃圾就係垃圾，喲～唔記得你哋從未領教過中國古拳法。」墨龍淺淺一笑。

「你‧‧‧‧‧‧！」手劍門的元煥指住他，然後就衝上前伸出如刀片的手。

被綁住一隻手的墨龍飛身上前，面帶笑容：「喲！垃圾。」他跳起往上，雙腳把對方的手夾住再把身子扭側翻轉！


「格噠！」一聲除了斷骨之餘，墨龍更借此不斷踢擊對方的頭部，直至元煥沒有氣息為止。

「果然唔可以少看‧‧‧！But you will dead！！！！」Peter用極強的左臂往墨龍揮擊，一拳便打中了他的胸部。

沒想到墨龍只是閉住氣息，沒有半點痛楚的樣子，再反打一拳往對方的左臂，Ptere馬上彷如骨折一般倒臥於地上。

「仲有我！」最後一名北部選手，香金娜也出場了。

墨龍一點憐香惜玉之心也沒有，使出一記旋風踢就讓對方無從招架，最後被踢飛轉身幾圈落地。

「呼‧‧‧？北部嘅已經完結？」墨龍望望主持人。

「係‧‧‧係嘅‧‧‧‧‧‧」