【特工】《虔誠者》: ──黎明騎士團篇──(204)

「仲有幾耐天光？」我望望璃外的天色。


「兩個字。」鳳凰答。


趁還有一個時辰，我本來是屬於Jay的空房執拾一下，順便把門身割了個正方來傳水傳食物。

因為她的房間，不會接觸到陽光。






最後，便是把霞抱進去、鎖門。


「咔」



「有需要困住佢？」久久還未想睡的鳳凰走過來問。





「因為一啲事，夜晚先可以放佢出嚟，記住。」我交代後問：「你仲唔訓？」


「我同夏林日夜交替睇屋。」

我點點頭，就徑自走去休息了。


臨睡前，也看見天亮了。





睡來的時候已經過了大半天，聽到不時街外的吵雜聲，而是廳外的說話聲。剛醒的我拖住沉重的身軀，推門出去。


「你琴晚做咩訓咗喺我隔離！！」夏林的聲線。


「我太攰啦⋯⋯加上你又縮喺張被入面訓，點見到你姐。」忍蛋！？


他們二人的對答，大概都知道發生什麼一回事。


「咁夏林，你身上有冇殘留佢嘅液體。」我直接問。






「咁⋯咁又冇嘅⋯⋯」夏林含糊地思疑，然後望向了我：「你咁快醒？！」


「聽到你哋咁嘈⋯緊係醒咗。」

「我以後訓廳算～」忍蛋抓抓頭，說：「唔好意思，時。」


「喂喂！」夏林走過來我旁邊，問：「點解有隻馬喺到嘅！？」


「霞嘅朋友。」我答。


「話時話⋯⋯你又會遇到霞嘅⋯？你唔係⋯⋯」






之後，我把霞逃出古家的故事告知她。

「哈哈哈哈⋯⋯個o靚妹玩離家出走都有一手喎。傲家又走到、古家又走到～？」夏林笑哈哈地說。

「捉迷藏都好勁，聽時講返⋯今次係佢第幾次搵到你？」忍蛋笑說。


「唔⋯」我無言以對。


「係佢眼中，你係依個世上唯一一個肯同佢啲阿哥對抗嘅英雄嚟架。」夏林橫搭住忍蛋的肩，目光一同望向我。






「喂，你扮咩同我Friend？」忍蛋立即縮開。

「講返正題，我準備去東龍洲。」


「東龍洲？」忍蛋、夏林二人不約而同地問，繼承不屑地望住對方，又說出了同一句：「做咩抄我講野！？」

「頂！」出奇地，又彼此說出同一句話了⋯⋯


「哇！！！」二人都齊聲驚呼，後跳一大步。


「你唔好再講嘢得唔得啊！！？」兩人又吐出了同樣的句子。






「你兩個冷靜下先。」我安撫他們，說：「其實我收到一個赤兵隊師團長臨死前嘅情報，我其中一位老朋友佢被困喺東龍洲，如果我想知道赤兵隊發生咩事⋯有必要去營救佢一敞。」


但是二人顯然沒用心的聽我所說，只帶著奇異的目光彼此打量。

「同一招對付唔到我兩次。」鳳凰說完後，若無其事的走入去廚房。

「可惡⋯⋯」


「痛啊⋯」


「攬炒」的二人，則連同沙發倒臥在地上。


看樣子他們只會吵過不停，所以我決定走向霞被我困住的房間，從門身一個割出來遞送食物的空洞見到，她背靠在牆上，目光呆然地望住一點。

「訓成點？」我問。


「你留得住我個身，你留唔住我個心。」霞望向我那邊，斬釘截鐵地說：「識趣就放我出嚟！」

「唔會，個身體原本唔係屬於你。」


「我唔知你講咩，但你知唔知綁架古家繼承人嘅老婆有幾危險。」

「我知，不過我冇綁架你。」

「嘖，仲搞辯。」