百份百工作: Episode.6

老細拎住份presentation ，猛咁拎頭，問：「Dos，你究竟知唔知我想要乜呀？」
 
挑，你知自己想要乜咩？多士心裡猛挑，不過仲係好好態度咁講：「或者我仲未present得好好，等我返去再度度。」多士拎起份presentation，就走。
 
返到埋位個pat都未痴落張凳，電話又響，見到來電顯視係Account 既Fion嬏，加上臨近月尾，一定無好0野…
 
多士吸一啖氣，提升自己既士氣，拎起電話：「喂，Fion姐，咁錯盪呀？」
 
多士心講：你比我條數又錯啦！
Fion 嬏：「你比我條數又錯啦！」




 
妖，無新意，不過，多士當然唔會講出口啦，又係態度好好咁講：「好好，我Check Check。」
 
Fion嬏勞勞氣氣：「你係Check先好呀。」啪一聲收左線。
 
Fion嬏，我知你埋數係好忙好煩係要Gather十幾廿個 parties既information，之但係，其實我都好忙0架喎…你可唔可以體諒下我，唔好咁勞氣呢？
 
又或者，下次我可唔可以勞氣返你：「Fion嬏嬏，關九我事，你自己Check啦！」
 
Fion嬏壇0野都係唔好理住，搞左老細鑊0野先。




 
打開個powerpoint，多士一臉無奈。
 
Business Development 個亞姐又話將d 0野盡量簡短，如果唔係出到去，好難同人講，但係老細又要將d流程寫晒出0黎……老細，其實你唔知道個presentation個objective係用0黎傾partnership，唔係operation menu？你知唔你咁樣左改右改，我好難同BD亞姐交代？兩位大人，你地可唔可以傾掂數先，先搞我呢d小人物？
 
呢d心底話，多士當然永遠都係放係心…講出0黎，可以改變到d乜？咪傻啦…
 
老細要改，多士都真係無辦法，但一路改，一路妖，最終，改到份0野…老細應該滿意，但其實自己好唔滿意。
 
算啦，食君之祿，擔君之憂；受人錢財，與人消災。




 
就係咁，又一朝。
 
Lunch，多士同火仔 Peter一齊食。
 
火仔：「喂，多士，你份present搞掂未？我亞姐催生晒，煩銀到癲呀。」
 
多士：「差唔多啦，過埋我老細0個關就得。」
 
火仔：「哦，咁即係今日都唔會有。」
 
多士：「你明白就最好。」
 
轉頭，多士問Peter：「喂，上個月條數，你比我0個時Check清楚未？Fion嬏又問我啦。」
 




Peter：「我大佬有條數比佢0架，你叫條肥膠婆自己Check啦，關你九事咩。」
 
多士：「你明白就最好。」
 
講講下，餐茶送上。
 
火仔飲啖奶茶，講：「哇，乜事，今日杯奶茶咁鞋0既？」
 
多士講：「今日杯茶一定無露過啦。」平時唔見多士反應咁快。
 
火仔：「咩叫露呀？」
 
多士：「即係用個好密既網，去隔d茶幾次，咁鞋口既渣就會隔走晒，絲襪奶茶係其中既表表者。」
 
Peter：「哇，多士，有d料喎。」




 
多士好鬼醒神：「當然，有一段時間我做過茶檔，人人都讚我沖杯茶好飲。」
 
但呢個醒神樣，維持左一陣，又變得無0黎神氣……從前，成功感呢種感覺，唔難有，只要用心沖好杯奶茶，就擁有……點解今時今日，自己比從前用心多十倍，但一d成功感都無？
 
https://www.facebook.com/kofigarden

 (待續)本故事全屬虛構~如有雷同~實屬巧合~