檔案001

喪屍爆發前 十五小時

地點:中環某商業大廈辦公室內

張經理怒氣冲冲:

「光仔!你攪乜野?你同我入一入嚟!」





一個低著頭無精打采的年輕小伙子走進經理室⋯⋯

張經理繼續駡:

「林煥光!睇下你做左份咩Report俾我!英文錯字唔再講!係港幣唔係美金呀!D數又唔啱!你究竟交份咩垃圾俾我?」

「我唔理你用咩方法!同我做過份Report!聽朝九點前放係我枱面!一係就放低你封辭職信!聽到未?聽到就出番去同我做野!仲有順手攞番你份垃圾⋯⋯」

這時林煥光才可以說一句:





「知道⋯!其實依份Report…」

「仲講?你認為自己仲有好多時間咩?出去!」

離開經理室後,他回到自己的座位上

心想:

「份Report根本唔係我做!係Norris (光仔上司)放大假前一天交俾自己,又話已經攪掂晒,叫我直接交俾張經理就OK!點知份野錯漏百出!無啦啦食左隻死貓!屌!睇嚟今晚要通頂了⋯⋯」





這時坐在光仔旁邊的Maggie用同情的眼神向他説:

「你唔知Norris份人好有責任感架咩?交份Report之前要睇清睇楚!嗱!當買個教訓啦!下次醒少少啦!啱啱畢業出嚟大把野要你學呀⋯⋯最多我Maggie姐聽朝返工去Starbuck買杯咖啡俾你醒下神啦⋯⋯嘻嘻!」

林煥光心想:

「你個老屎忽居然教我做野?好心你幾十歲人就唔好着到鬼五馬六啦!成Q日高幾個Key係度扮Cute!我就嚟頂你唔順啦!仆你個街⋯⋯」
隨即笑面迎人:

「多謝Maggie姐教導!小弟下次會小心D做野架啦⋯⋯係咁我多謝你杯咖啡先啦喎!」

「果然儒子可教!哦?原來又到放工時間啦!姐姐約左人要走先啦!聽日見⋯⋯」

老屎忽走後,林煥光身邊的同事亦都陸續地放工離去⋯⋯





同事A:

「光仔⋯⋯返工一個星期就要OT啦?
加油!我走先啦⋯⋯」

同事B:

「光少⋯⋯仲唔收工?今日Happy Friday 喎?冇約女朋友仔呵呵呵咩?」

「一個二個正仆街!本大爺就係鐘意今晚係度打地鋪!吹咩!」

林煥光心?臭罵,突然想起今晚約了
青梅竹馬的徐靜食晚飯,看來要打電話取消了⋯⋯

這時恰巧徐靜來電:





「光仔!點呀?我收工啦!你幾點走得呀?如果末得!我上一上嚟你公司先!橫掂間野係你公司附近⋯⋯」

「靜呀⋯⋯對唔住!睇嚟今晚餐飯我食唔到了⋯⋯」

「點解呀?」

林煥光於是一五一十將事發經過告訴給徐靜知道⋯⋯

「唔緊要啦!光仔⋯⋯出嚟做野係咁架啦!你食乜野?等我做一次外賣妹啦!」

「唔洗喎!我自己係公司冲個杯麵食就OK架啦!你唔駛特登嚟陪我架⋯⋯不如約你男朋友亞Jack啦!我OK喎⋯⋯」

其實林煥光不知多麼想徐靜上來自己的公司,不過他就是這樣!口是心非並不只是女人的專利,原來他都是⋯⋯





「既然係咁,你自己加油了!記住我徐靜無時無刻都支持你架!因為我地係好朋友嘛⋯⋯哈!」
掛線後⋯⋯

「睇嚟今晚要一支公同份Report死過了⋯⋯」

四十五分鐘後

林煥光電話whatssap傳來訊息:

「光仔!外賣到⋯⋯麻煩請開門啦!」

徐靜就是這樣一個熱情奔放的人!林煥光就是給她的性格深深吸引著⋯⋯
已有 0 人追稿