「侯裕文系列」（1）《向港女說不》----------口語文: 第十九章：攤牌

大約晚上七點半左右，我看見whatsapp上的訊息有兩個剔號，於是我致電給海蓉，為的只是討論家欣一事，但可惜她沒有接聽，大抵她沒有心理準備吧！但過了十分鐘後，海蓉致電給我，我立即接聽後說：「喂。」
「我唔舒服，又無錢食飯．．．」
我沒有聽進耳內，此刻我心裡想：「你唔係想問我借錢卦？」
「．．．不如你出黎喇！」
「唔得呀，我食左飯。」
「唔緊要喇，你出黎最多我請你。」
我心想：「你唔係無錢咩？而家又話請我？佢係咪病到懵左？」
「咁唸住食咩？」
「你話事喇！」
其實我根本無唸過要應酬佢，只不過想睇下佢搞甚麼把玩？我說：「尖咀喇！」




「尖咀咁貴，我都係唸住係我屋企附近咋。」
佢剩係講呢句，我已經唔想再同佢說話，因我覺得她好像在我傷口灑鹽一樣，當初我接聽電話時，我都係希望佢主動解決呢壇野，而唔係講埋D廢話。
「咁下次再約喇！」
「今晚其實我好煩，有個客生日，佢想我過去同佢慶祝，但我無錢，自己又唔係咁想去，佢話幫我俾埋入場費，咁我點推？」
「咁你唔想去咪唔好撚去囉！問黎都多餘！」我心想。
但口裡我卻說了這句：「咁你咪上去坐一陣囉！」
「唔講住，果條友打俾我，轉頭覆你！」
說罷，她急忙掛線。這次她的來電沒法把我的怒火撲滅，我在等待期間便檢查自己whatsapp，發現海蓉和家欣的最後上線時間是相同的，再檢查來電顯示的時候，也發現這個時間也是相同，很明顯是她們在來電前有溝通過，但這次來電她卻沒有提及此事，覺得她是「詐傻扮懵」，以致我也對她有所不滿。一小時後，我再傳送whatsapp給她：「有樣野我需要你搞清楚，我唔係媾緊佢！之前都同你講過佢唔只一次係咁，基本上連續兩次我係唔會考慮。如果我係媾緊佢我亦都無必要同你講呢單野！」
過了兩小時左右，她終於回覆我一句「明白」。但我仍然質疑佢究竟是否真的明白？或是覺得我只係「發爛渣」？所以收到訊息後我便立即回覆她：「我唔想你難做，其實我只係想呻下，我唔期望你會做到D咩。」
「我只是對你的處理方法非常失望，也許是你根本沒有處理過！」




接著，我等不及她的回應，便上床睡覺。
第二天，我出門前才有空檢查whatsapp，發現海蓉在凌晨二時左右才回覆：「唔好意思，朋友生日，忙緊。」
我回應她：「咁點？」日間，我忙於工作，並沒有留意手機的狀態。當我下班後，我卻收到一大堆whatsapp訊息，也是海蓉給我的，內容如下：「我早退！」（十四時四十五分）
「唔舒服。」（十四時四十六分）
「我有事．．．」（十六時二十分）
「你有無真正關心過我．．．」（十六時四十二分）
看罷，我回應她：「明知自己有事就唔好成日飲咁多喇！醫生點講呀？」
「你有無真真正正關心過我！」
她卻回得很快，但我知道這個時候需要讓她冷靜一下，所以我打了一句：「咁你休息下先，有咩遲D再講！」
當然，她沒有再理會我。其實我係覺得憤怒，憤怒在於她根本沒有誠意談及家欣的問題。我同得佢講，無非都係想大家唸一個兩全其美的方法解決單野，但佢唔係詐癲扮傻就是扮撚晒野，講得難聽果句：「佢有病關我叉事咩？」抑或佢唔係唸住想請我食返餐幾十蚊就當無事發生丫嘛？如果佢真係咁唸我唔覺得佢幾有誠意囉！我只是覺得被人侮辱緊！雖然海蓉沒有誠意同我傾，但我底裡亦有打算：一、我以後唔會再同佢單獨出街，而且至少要有我的朋友在場，但不包括海蓉；二、出街食飯我唔會訂枱；三、我以後唔再去佢個場；四、我唔會再對佢咁友善，無位入我唔理佢，有位入我會用言語攻擊佢；五、就算最終拆掂左，即係佢肯還錢又或者肯夾返錢俾我，第一項一樣維持原判！（續）