絕愛達令: 第十六章 折磨

第二天，流風十分準時而且精神奕奕的站在若依樓下等她...
而今天就是開始折磨他的第一天，若依想著想著也不禁開心起來..
「而家去邊呀我地？」流風很有禮貌的問。
「係喇，你以後對我都要好似而家咁溫柔有禮喎！um..你有咩唔鐘意食架？」若依又在想鬼主意。
「好好好，我以後淨係會對你一個人溫柔，我唔鐘意食苦瓜、茄子、青椒、紅椒...」
「得喇，車我去『陳記飯店』，食早餐。」
「但係..我係屋企已經食左早餐...」流風有點為難的說。
「難道你唔記得左我地之間嘅條件喇咩？你係要絕對服從我架！」若依命令他。
去到「陳記飯店」...
「老闆，麻煩你，我要苦瓜釀茄子、青椒炒紅椒，同埋一碗雲吞麵」若依暗暗的笑。




「好嘅，好快有！」老闆回應。
「估唔到你一個人要食咁多喎..」流風驚嘆說道。
食物來齊了...
「你同我食左呢個苦瓜釀茄子同埋青椒炒紅椒啦，我就食呢個雲吞麵」若依奸笑說。
「吓...我由細到大都唔食呢啲架，都係你食啦..」流風有點委屈的說。
「我叫你食就食，唔準推搪，又係你應承左我啲條件架喎，想底賴？冇得反口架喎！」威逼的語氣。
「但係...我真係唔想食呀..」
「唔洗再講廢話喇，你食定唔食，唔食我地就分手啦！」
「好...我食..」流風無奈勉強自己去接受。
當流風硬著頭皮吃苦瓜時，已感覺胃部在不停翻騰，而他也漸漸流起冷汗來。




「你都有今日喇，你個惡夢啱啱先開始炸..」若依心想。
當流風吃完了，他已經滿頭大汗..而這個時候若依也是時候要上班去了。
付錢後，若依看到對面的果汁店，於是，若依跑了過去買..
「流風，你係時候口渴喇！」若依手拿著剛買的苦瓜汁放在身後才問他。
「嗯..好熱...」他剛食完東西還未喝過水，而且天氣悶熱..
「黎啦，俾你嘅」拿出苦瓜汁遞給流風。
「呢支係...綠色嘅..奇異果汁？」流風疑惑的問。
「你快啲試下咪知囉」若依不懷好意的。
「哦......」流風此時心知不妙。
流風一喝下，還未來得及吞下，便馬上忍不住噴了出來....




「點解又係苦瓜嘅.. 你真係咁想我難受？」
「我同你講過咩？你係要聽曬我話架！呢少少嘅苦對比起我五年前嘅傷，呢啲算得係啲咩呀？！你記住，而家好聽啲就係男朋友，唔好聽講句，你只係我隻兵同埋呀四炸，你唔滿意嘅你可以走，唔洗咁勉強你同我一齊喎，你聽住，唔該留意番而家只係個開始！」若依狠心的說。
「你啱，相比起五年前我對你做成嘅傷害，而家呢啲只係小巫見大巫…不過，唔理你點挖苦我、折磨我，我都會一一承受，絕對唔會離開你」他苦笑說。流風今次很堅持。
「你而家就講得好聽，再過多陣，恐怕你會見到我係街頭，你係街尾都即刻掉頭走呀！」
「我唔會。我已經唔再係以前果個夜流風」流風很認真的說。
「鬼有人會信你講嘅野牙…就快遲到喇，快啲車我番工啦」
到了服裝店…
「乜你唔條設計師咩？」唔係應該係寫字樓設計啲衫嘅咩？」流風問。
「老闆叫我管理好呢間鋪，做呢度嘅經理，我亦都可以係呢度設計衫」
「哦！咁我而家番我公司喇！今晚十點黎接你？」
「唔得，你要留係度幫我手」若依命令流風。
「咁我公司冇人睇住點算呀？」流風無奈說。
「我唔知你，你自己諗辦法啦」若依很無情。
「……」流風無言了。
若依同流風入到服裝店，裡面所有的女職員都尖叫起來...




「呀！他好靚仔呀！」職員A的眼睛冒紅心。
「咦！佢好似係好有錢架喎！」職員B的雙眼變了兩個錢幣圖案。
「你地！全部同我繼續做野，我係你地嘅新經理，我叫夏若依。你地同我專心工作，唔好再好似而家發曬姣咁，否則呢度唔洗你地番工喇！」若依大聲的說。
「仲有你呀，你就幫我抹下啲櫥窗，做住個清潔工先啦！」若依命令流風。
「好呀！」流風回給若依一個最真摯的微笑。
過了一會兒...有個女職員跑來跟若依說...
「弊喇，有個model公仔隻手斷左，冇得用黎show我地個秋冬裝」
「唔緊要，我有辦法」若依叫她先回去繼續工作。
「你！跟我過黎！」
「嗯？咩事呀？」流風說。
「同我著左佢」若依指著其中一件男性秋冬裝說道。
「吓....哦」流風聽後照辦。
他穿好了後，流風看上去馬上顯得更加帥氣，好像這套衣服是為他而設計一樣的，很合身。
「你而家行出去做model！」
「好。」




當流風站到櫥窗的模特兒台上時，馬上吸引到街上的人的目光，女的看到都變了桃花眼了，男的看到則有點妒忌的樣子...
有一群女人沖到店前拍照起來，若依表示無奈並且有點不滿。
突然，有一群男的過來...
「行開，行開，咪左住我地大佬條路...」某嘍囉說道。
於是本來那班跑來拍照的花痴一瞬間全部都馬上離開了...一陣子店內又變得冷冷清清的。
若依坐在店內的辦公室裡看得一清二楚...此刻，心裡又想起壞念頭來。
「呢度啲男裝全部同我包起，你！即刻除左佢，廢事整cheap曬件衫！」那位剛進來的大哥對著流風說。
「你呢種人，根本配唔起著呢啲衫！」流風卻反駁他。
「你一定係未死過，你地同我上！」那位大哥命令他的兄弟手下。
於是，流風便跟他們打起來...幸好，他們不夠流風打...
那些嘍囉全都倒在地上，而流風正準備要打那個大哥的時候，若依慢慢的走出來...
「夜流風！你想拆左間鋪牙？我叫你企，你就乖乖地同我企好啦，你係都要同我撩事鬥非架喎！」
「係佢地郁手先架....」流風過未說完。
「我講過你唔準駁嘴！但係你而家呢，係咪想分手呀？」若依又威逼起來。
「唔係呀，我以後都唔會駁你嘴喇」流風減低語氣低聲說。




「仲唔快啲同人地道歉！」若依又命令流風。
「你！...對唔住」流風道歉的語氣顯然不太尊重對方。
「邊個要你道歉呀！我而家淨係想打番你夠本啫！」那位大哥說完便向流風出拳。
他重重的一拳打到流風的面上...
這一刻，若依心中突然好像被人插了一刀般的心痛，但很快便沒事，因為想起了從前的事...
當流風想還回他一拳的時候...
「停手！你唔可以打客人架！」若依找著藉口說著。
「係佢先.....我知道喇，我聽曬你話」流風想起答應過的條件。
於是，流風便任由那位大哥拳打腳踢.......
他的一拳一腳都映入若依的眼簾，於是她轉身不再看他..不忍再看下去。
流風之所以沒有再去反抗，是因為他認為那位大哥對他的一拳一腳都可以化作成償還當年他對若依的傷害，流風便只好默默承受，沒有叫過一下。
就這樣...過了一分鐘..
五分鐘...
七分鐘...
若依終於忍不住，對著那大哥吼起來...




「好喇喎，你打夠未呀？再打就咪怪我唔客氣呀！」若依很兇的說道。
「見你咁靚女，又幫佢求請，咁就算數啦，啲衫我唔買喇，兄弟，我地走！」
他們走了後，流風身上已經染滿了血，傷痕纍纍的...
「你...冇事啦！」若依強裝沒所謂的說。
「我...冇...冇事」流風用盡力氣的向若依微笑。
「咁你快啲去洗手間整理下先啦」若依不敢再望他說著。
於是，流風用力站起來，左搖右擺的走向洗手間，而若依則指揮店員們整理一下鋪面..
時間不知不覺的過得很快.....01:00PM~
「去食飯洛！」若依叫流風。
流風從休息室走出來，滿身仍是傷，整件衣服破爛得不堪入目，滿是血漬。
「你...確定冇事？」若依震驚的問。
「唔好唔記得，我係黑帶架喎，我可以有咩事呀？放心啦。」流風強顏歡笑...
接著，若依在店內選了一套衣服給流風，免得他渾身是血，會嚇壞路人...
他們到了「十全十美餐廳」...
「waiter！幫我點個苦瓜炆茄子，青紅椒煎肉餅，同埋要兩碗飯，唔該！」
「好嘅！」waiter回應。
「我...我地，仲要食呢啲牙？」流風望著枱上的餸菜。
「我話過而家只係個開始..」若依簡單回答一句。
「以後都係食呢啲！」若依又補充多句。
「……」流風又無言了。
當若依吃得很開心時，流風則黑著臉的只吃著一碗白飯...
「你做咩唔食啲小菜呀？」若依明知故問。
「我冇胃口」流風黑著臉的答。
「冇胃口就連飯都唔好食呀！」若依馬上把他正在吃的飯一手翻倒在枱上。
「你！......冇所謂啦.」流風已經放棄反駁若依了。
下午回到服裝店...
若依繼續設計衣服，而流風就打掃店鋪。
若依一時想不出靈感來，便出去鋪面巡視一下。
「愛只有簡單筆劃，郤比想像複雜，恨安定愛變化...」流風的電話響起。
「你叫王經理做好份計劃書，聽日之前send俾我睇」流風認真的檢視業務...
「愛只有簡單筆劃，郤比想像複雜，恨安定愛變化...」流風的電話再次響起。
「1500萬增至3000萬夠唔夠？增加成5000萬吧！我地公司資金可以俾倒咁多..」
流風看著業務文件，看得滿臉怒容...「只要再有電話打黎，我就....」流風心想。
「愛只有簡單筆劃，郤比想像複雜.....」電話又響起...
若依把流風的電話搶走，對流風大聲呼喝起來..
「你個電話響夠未呀？！以後我係你格離你都唔準開電話！」若依警告他說。
於是流風馬上關掉電話，繼續打掃...
直到晚上，他們去食飯，但又是吃那些，令到流風連飯也不想吃了...
流風把若依送到樓下...(11:00PM)
「聽日記得準時啲，你遲到嘅話唔好怪我講分手」
「知道喇」流風都累透了。
說過後，若依轉身上樓時，背對著流風，奸險的笑了一下...
當若依一離開，流風馬上打開手機，一看，有五十多個未接電話...
流風立即致電給管家..
「你幫我張公司今日啲文件全部帶番屋企，我而家即刻番黎..」
流風回到家後已經是12:00AM..
「你做咩咁夜先番嘅？」楊露露問流風。
「未來一個月我都會咁夜番呀，因為我要追個女朋友番黎！」
「女朋友？！有邊個吸引倒我地嘅小風呀？」楊露露好奇的問。
「到時你咪知囉！」流風很帥的打從心底裡笑了出來。
就這樣，流風開始他的工作..
在流風開始處理文件的時候，楊露露打了一通電話...
「喂？係咪誠信偵探社？」
「係，請問有咩可以幫倒你？」
「你幫我查一個人...」
掛了電話後，「我嘅未來新抱仔會係一個點嘅人呢..？」楊露露心想。
日子一日一日的過去，流風逐漸愈來愈瘦..
「喂！夜流風！你做咩一日瘦過一日嘅？」若依懷疑的問。
「我減肥丫嘛！」流風因為不吃討厭的食物而沒有營養，所以逐漸變瘦。
「冇喇」此時流風拿出一包藥...
「仲話冇，呢啲咩藥黎架？」若依驚恐的問。
「呢啲係維生素A,B,C,D,E...，仲有維他命之類果啲囉」
「哦！係喇，月尾29號有個設計大賽呀，你早啲車我過去，如果唔係...分手！」若依又威脅他。
「到喇我，你番去啦！」若依對流風說。
流風每晚在深夜時才在車上處理文件，這晚也不例外...
「你睇！果邊有架靚車喎，去睇下有冇咩貴重物品先」小混混A說。
「好！」小混混B答。
流風正在疲累的處理文件，卻有兩個小混混想過來搞事。
「將你身上所有錢拎出黎！...」
這時若依剛好走出露台..看到流風乖乖的把錢交給那小混混。
「流風做咩唔打佢地啫！？」若依心想。
當小混混走後，流風覺得自己很失敗，好無用...因為他讓小混混搶錢，但卻疲累得沒辦法打倒他們...