[賠罪系列]錯過，錯愛: CH.0 想念，又如何?

CH.0 想念，又如何? 

「終於收工啦...」我打着呵欠，拖着一副疲憊至極的身軀離開公司。 

看着巴士窗外的風景，我不禁思考着:「到底呢家既生活係咪我真正想要...?」穿着一套自己非常討厭的西裝，坐在一間猶如密室般的辦公室中，不斷做一些「機械化」的工作，做得不好還要被老闆問候自己的祖宗十八代。 

我腦中開始憶記中學那時快樂的時光，跟自己要好的朋友嘻嘻哈哈，捉弄一些神憎鬼厭的同學，不用擔心自己以後的生活費用，家人會幫你一手包辦。 

說真的，我到現在也十分懷念當時的時光— 



並且，我最懷念，最不捨，當時的「妳」。 

「點解要咁...妳點解要咁...?」這條問題已經在我心中重重覆覆了好幾年，到目前為止當然還找不到解答。 

「喂!!方天衡!!好耐無見。」我感到我的左邊膊頭受到一下用盡奶力(好似係)的拍擊。對了，我的名字叫做方天衡。 

我把頭轉向左面，並露出微笑說:「又會咁岩既，你都係岩岩收工呀李耀良?」李耀良是我中學期間其中一位最要好的朋友，經過了「那件事」及去到「社會大學」後，他甚至是我其中一條「精神支柱」。 

「係呀。不過唔係重點，我正想問你，點解你完全唔出席班會活動，出黎聚下?次次問親你你都已讀不回既。」他坐在我的旁邊，並顯示出一副疲態。 



我不作回應，只是擺出一副無奈的樣子。 

他也像看透我的心聲般，認真地向我問道:「仲掛住佢?」

我點頭，嘴唇也不自覺地微微向下彎曲。 

「唉，都過左咁耐啦，都已經幾年啦...你仲係咁頹都無補於事嫁...」呀良好像被我的負能量渲染到，露出苦瓜乾般的表情。 

應該是說，這件事，對我們這群男孩子，甚至對我當時的朋友圈子都很大影響。 



可是...她可能永遠都不知道。 

一提起她，我的眼眶漸漸地紅了起來，聲音也顫抖着說:「我覺得好自責呀，我覺得好心痛呀...你地明唔明呀，點解我唔一早發現呀?可能我一早發現呢家就唔會變成咁，點解呀...」 

說罷我便把頭垂底，不想讓呀良看到我強忍着眼淚的樣子。 

「呀衡，我知道你好心痛，亦都唔好過，我地成班Fd都覺得好婉惜同自責。但係，你覺得佢想見到你咁咩...?」他把手搭在我的膊頭上。 

他接着說:「想喊就喊啦，唔好死頂啦。我知道你不斷想顯示比人睇，同埋叫自己要堅強，但係人都會攰嫁...你應該知道，堅強既意思唔係叫你唔好喊—」 

「堅強既意思，係話你喊完之後，仲繼續開心地生話，唔放棄自己既人生，呢種先叫做堅強呀。我我相信你之前已經聽過呢一句既說話啦。」 

聽到呢一句說話後，我的淚腺正正式式崩潰，眼淚就像開了水龍頭般，想停也停不住。 

「想喊就喊啦堅強既意思唔係叫你唔好喊，堅強既意思，係話你喊完之後，仲繼續開心地生活，唔放棄，先叫做堅強呀。」她擁抱着我，讓我把頭放在她的膊頭上哭。



「呀良，你知唔知道我呢幾年都好辛苦呀!!你知唔知道我幾掛住佢呀，點解我要咁垃圾咁廢物咁都察覺唔到呀!!!」我在巴士上失了控地大喊，幸好那時已經是深宵時份，巴士的上層只有我們兩人在。如果有其他人的話，他們肯定覺得我是精神病病發。 

「我知呀，我知呀...你唔好將全部責任都攬晒上身啦，我地都有責任…」 

這幾年來，我每天都為了她而流了不少的眼淚，以淚洗面，我覺得自己好像親手將一段理應完完滿滿的戀情，送去陰森恐怖的墳場... 

甚至，將「妳」... 

你說把愛漸漸放下會走更遠 
又何必去改變 已錯過的時間 
你用你的指尖阻止說我再見 
想像你在身邊 在完全失去之前 

你說把愛漸漸放下會走更遠 


或許命運的籤 只讓我們遇見 
只讓我們相戀這一季的秋天 
飄落後才發現 這幸福的碎片 
要我怎麼撿 

「妳知唔知道，我仲好掛住你呀…?」 

(待續) 

即使現在後悔得很，也不能改變你離開的事實。

高登Link:http://forum6.hkgolden.com/view.aspx?type=SY&message=6313640&highlight_id=0&page=1&authorOnly=False

大家可以順便入黎留番個名同正評，對我黎講係好大既動力黎。



下一篇會係7點半出。