一生一個程子欣: 二十三，源頭

11月16日 第一次聽她說起他

我靜下來，組織思緒。
開始連珠炮發問道：「其實點解你同蕭咁唔似拍緊拖，相又無，手又無拖，走又唔係一齊走，究竟你係咪鍾意佢架？又或者佢係咪鍾意你？」

她嘗試回答：「如果大家唔鍾意大家又點會一齊，佢追左我成年啦。可能DSE忙，大家無乜機會拍拖出街，佢又易呷醋，成日逼到我好緊，所以有時都未必咁sweet。加上佢要番屋企食飯，所以唔會同我一齊走。」

我有點燥底說著：「姐係每日你比我送你番去係因為佢唔得閒，所以你先比我送？」

Cindy解釋：「唔係，我當你朋友乍，你唔好諗咁多啦。」



好一句朋友，心碎了一地，撿也撿不回。
我死纏難打問：「乜你真係對我少少feel都無？」

她遲疑兩秒答我：「認真講，係有好感既。你係識哄女仔係幾浪漫，但我覺得成件事好唔真實，見左個人1個月都無，就鍾意成咁，有可能咩？」

對於質疑自己同時被人質疑多次的我，答案已無須多想。

我堅定地答她：「真。我講最後一次，真係一見鍾情。」再問：「你同蕭合得黎咩？點解唔比次機會大家？」



她深吸一口氣：「唔試下又點知。」

我拋出原子彈不甘說道：「定係因為你放唔低你個ex乍？你仲掛住佢，都放唔到心落其他人到。」

她眼泛淚光，似是憶起往事。
掘強地講了句：「關你咩事？」
然後臉上掛著苦笑，回頭走入自修室。

剩下我孤零零的站在門口，舉起左手想挽回她，卻又徐徐放下......



一句有好感把我由地平線捧起，隨後一句與你何干將我從半空拋下。

原來，由此至終，
我都是個局外人。