(新手上路)唔好收好人卡就以為自己係好人: 校園日常(一)

要是很掛念一個人的話，那就找些事情做吧。

在恢復理智以後，終於找回上學的感覺-不停談玩說笑，嘻嘻。
，
「大家琴日有冇睇進仔facebook？」煩人的阿俊又談到進仔，雖然還未知甚麼事，但我已不自覺笑了。

「有乜好睇？又唔係女。」阿澤真的不通氣。

「咁你咪冇著數囉，人哋話開咗新ig呀，遲啲會private架，唔follow就以後冇機會架啦，而家隨post附送自拍一張，俾大家欣賞佢食爭鮮。」阿俊笑到連眼也沒了。





「妖！」我同阿澤異口同聲。

「喂喂喂，講緊進仔呀？你吔想同進仔傾計咪行去揾人囉，進仔前日咪開咗post講大家唔洗怕醜架，佢見到大家嘅眼神，佢知道大家想揾佢架。」阿幹-我中三認識的朋友，一聽到進仔就馬上走過來，期間還舉着手勢，叫着口號「進仔嘅！」

大家突然靜了下來，都似乎有了共識，紛紛掏出手機，在facebook、instagram搜尋器輸入「進仔」，隨意挑一個post，檢舉是露點照，還記得有一個post是他自拍他戴帽，八兩金樣加上林峯三七面，下面還打字問着「戴帽定唔戴帽好睇啲？」

「點解咁有自信......」

大家收起手機，又找些事情來說笑，嘻嘻。而在嘻哈談笑間，我眼光又掠到課室最右邊中間的位子，今天清雪請了病假，蓁蓁只托着頭，沒滑手機，任由清風輕吹髮絲，亂了前陰也撫着馬尾。





「喂，痴漢！人吔冇返你就咪望果邊啦。」阿俊一掌拍到我肩上。

「我冇呀？睇風景乍嘛。」

今天她沒滑手機，我第一次見而已......