(新手上路)唔好收好人卡就以為自己係好人: 這個朋友可真奇怪

他靜悄悄地來過 ，他慢慢帶走沉默，只是最後的承諾，還是沒有帶走了寂寞......

我的手機響了，已不記得是哪天了，是慧秋打來。

「可唔可以教我玩LOL？我想學，我而家就玩得。」

「嗯，好呀，咁我收線先，開咗game再打俾你吖。」

「唔好！你而家屋企有人？可唔可以唔好收線呀？我想傾電話......」





「嗯，咁好啦。」

結果和她玩了五小時，她用艾希平均每場零十零，但是不要緊，我知道她打來只是為了聊電話......

「仲記唔記得我吔係點識？」

「唔記得啦。」

「中三果時，你由精英班轉過黎，唔識你，你個樣又鬼咁認真讀書咁，搞到我都唔咁接近你。」





「吓，我有認真讀書咩？」

「有囉！至少個樣似係，不過好在有一日俾我發現你都有無聊嘅一面。你個傻仔，上上下堂無啦啦喺度哼「死啦啲青春痘，死啦啲青春痘」，隻手仲要fing下fing下，俾你搞到我又一齊唱。」

「明明你自己想唱又賴我。」

聊電話，談從前，五小時也就很快過去，說到她累了、想睡了，就收線了。其實我不太擅長聊電話，全程多是「嗯」、「哦」、「吓」，可是男生不愛聊電話是正常的吧，慧秋偏要打過來，還不只一次，這個朋友可真奇怪。 

「喂，不如聽日陪我去建生吖，好冇呀？」





「吓，做咩？」

「食下嘢、睇下嘢咁囉，陪下我啦，好啦。」

「嗯，咁好啦。」

試問一個男生如何拒絕得了一個女生的請求，更何況你是不討厭她。 

於是兩個就一直由學校行到建生，沿着一個又一個輕鐵站，每行過一間便利店就想逛入去買支檸檬茶，哪有人這麽愛喝檸檬茶，我看着她滿頭大汗，口裏說着「好攰好攰」，眼睛還是笑得只剩下一條線，這個朋友可真奇怪，好在有我閑得如此才會陪她走這麼一段路......

一直到後來，我才在敬亭口中得知，慧秋和她男友分手了......