一場十年的夢。: 又再相遇

高中時期朋友盡散，
預科要重新識過班朋友。
估唔到嘅係呢班朋友原來先係真正嘅朋友，
至少到依家都會有聯絡。
一行四人，四條仔。
勞勞役役，辛辛苦苦讀過中六、七，
三個上到大學，一個衰咗。
一個去咗讀CU HOTEL，一個去咗SHITTY讀資訊管理做毒撚，我入咗間廢校讀語文。一個去政府做短工。
 
有人話大學係中學小情侶嘅墳墓，


好多對都過唔到呢一關。
我同家姐反而係我讀大學時係好安然無恙。
 
大學語言系，男女比例一比八、九。
女多但唔代表質素高，
甩頭甩骨嘅唔少。
對於同級大學同學我無乜特別深情感，
只有三幾個叫熟得嚟，其中一個係仔嚟。
 
因為佢要溝女，拉咗我入系SOC。


又因為系SOC，我識咗一個好特別嘅人。
 
小玲。
 
小玲係個存在感極低嘅女仔。
本來係我佢OCAMP嗰組嘅組爸，
但一直都唔係好發現有佢嘅存在，
直至開SEM飯。
 
根據唔知幾時而來嘅濕尻傳統，


開SEM飯要派利事。
派到小玲嘅時候，望到佢，
可以用｢驚為天人｣嚟形容。
 
唔因為佢靚，
佢完全唔係靚嘅女仔，
但無論係面型、身型(更重要係小腿)、氣質，
都同呀倩好似，
以至有一刻我呆咗，
以為呀倩又再出現。
 
但係我無因為咁同佢好快熟絡，
因佢同呀倩一樣都屬於內向型。
 
由於唔同級，我同小玲小有交集嘅時間，


RE-U我地亦極少搞，
因此一直都無機會再多了解佢。
直至YEAR 2。
 
YEAR 2有一科係關於現代文學類型嘅科，
其中一份PRESENT可以以新詩做。
而我所知小玲都算係文學少女，
而佢又太似呀倩，所以為拎住我首詩去問佢意見，
就咁就開始咗同佢嘅友誼。
 
事源係學期初一日返屋企嘅途中，
係地鐵站內，我再次撞到呀倩。