【大學故】《上到大學，原來真係會咩都唔同曬》: 十一
(十一)
*嘉浩視覺
凌晨三點，我攤左係張床已經兩個鐘，但係完全訓唔著。
或者呀賢講得無錯，我對ceci... 只係一霎那既新鮮感。
但無可否認，ceci真係幾靚女，加埋身材又唔錯。雖然望落俾雪琪對d cup遜色既b cup係差左啲，但對四十四吋長腿真係乜都補救番曬。
作為男人，我相信你地係街見到ceci既話都一定會望多兩眼。
「 你一時新鮮感姐，你好好諗下你當初點解會中意雪琪，同雪琪點對你。總之，你唔好做錯決定令幾個人受傷。」
呀賢講得無錯，我愛既只會得雪琪一個。
「sorry，我有女朋友，我唔會鍾意妳。」我猶豫左兩秒，就撳左發送。
「bb我未洗番呀今日，黎接你放呀」
上緊堂Physiological Psycho個陣收到雪琪既wtsapp，都好耐無見個傻妹，加上ceci單野又令我好亂，所以我即刻應承左。
「好呀，我今日放四點呀」
「咁我同個fd行陣街就過黎搵你啦(豬樣)」
「好啦(心心)」
「叮！」岩岩諗住收番埋部電話，就收到ceci wtsapp
「我明啦... 對唔住呀嘉浩，我個日都係壓抑唔到個感覺先會一時衝動... 我唔會再煩住你架啦。」
「sorry，妳咁好，一定大把好男仔鍾意」
「thankyou，不過... 等陣落堂之後可唔可以見一見你呀，我有啲野想俾你呀。」
既然佢都話唔會再煩我，咁應該無咩問題既。
「ok呀，圖書館見？」
「但份野我漏左係hall，你過一過黎得唔得啊？我roomate今日無堂，你放心啦。」
「我ok既，你放幾點？」
「四點呀」
「我都係四點，咁係你hall等啦」
我望一望時間，都已經差唔多三點。
「ceci！」我離遠已經見到ceci企左係度。
「hi嘉浩」佢抬頭望一望我對我笑左一笑，之後就低頭一路撳電話一路行。
其實ceci真係幾靚女。
「其實你有咩要俾我啊？」我一路問一路入lift
「我個陣買左啲野送俾我地組啲人，但成日唔記得俾你地咋嘛。你等陣幫我拎埋俾呀朗同小熙呀，琴日同你地食飯都唔記得帶...」佢一路搵鎖匙一路同我講。
「好啊」
一出lift，就見到有個短頭髮既女仔迎面行緊埋黎
「ceci！」佢向ceci打招呼
「咦winnie！你出去呀？」ceci問佢個個女仔
「係呀」個女仔望一望係ceci身後既我，然後奸笑左一下「唔阻你地，我落去先啦」
「byebye！」
「入黎先啦」佢開左門行入去
「妳地女仔房係唔同啲，我地啲房真係亂到仆街。」我笑左一笑
「哈哈，我去一去洗手間先。」佢佢講完就行左入廁所。
ceci係住兩人房，啲野放得好整齊，同我地啲麻甩佬地方完全係兩個樣。
我好快咁環顧左佢房一周，咦，佢roomate呢？
「做咩係度罰企呀，坐啦」佢係廁所行出黎，一行埋黎就輕輕推左我坐落張櫈度。
去一去廁所，ceci件黑tee唔見左，取而代之既係件白色透曬底既低胸背心。
「係啦，我約左女朋友，你快啲俾埋啲野我我要走先...」我作狀望一望手錶。
「... 點解... 乜你女朋友真係好靚架咩，我唔夠佢正咩？」ceci講完，就行埋黎一下騎左落我大脾上面。
「喂妳...」我下意識捉住佢雙膊將佢推開，但係ceci已經用佢雙唇封住我個嘴。
伏已中。
佢用雙手撓住我條頸，然後一路將個胸壓落我心口。
雖然我一路想推開佢，但係身體卻好誠實咁起左身。
「... 你明明就想」佢係我耳仔邊好姣咁講，然後隻手一路向下游。
「妳... 妳起身啦，我唔會鍾意妳架...」我用把好無說服力既語氣講出呢句。
「係咩」佢笑左一笑，另一隻手就捉住我隻手去揸佢個波。
佢一路嘴埋黎，一路發出啲好淫既呻吟聲。
我認，我忍唔住。
我攬住佢，由被動變為主動。ceci應該嚇左一嚇，但下一秒隨即好配合我。
「吱吱~」
來電顯示：女朋友大人
*小熙視覺
「吱吱～」
我望一望來電，係雪琪，於是我拿拿聲係床彈番起身。
「雪琪？做咩事啊？」
「小熙，你有無見過嘉浩啊？」另一邊傳黎雪琪焦慮既聲音。
「無喎，我係hall啊... 做咩事啊？」
「我本身約左嘉浩佢放學係圖書館門口等架，但係我等到依家仲未見佢，電話打極都唔聽喎...」
「佢放幾點啊？」
「四點啊...」
「嘩... 依家都成四點八架啦喎...」我望一望手錶「佢會唔會遲左落堂啊？話曬佢個科咁chur」
「但佢至少都覆下我wtsapp啊！唉...」雪琪依家應該好無助。
「你有無搵過呀賢啊？」我嘗試安慰佢。
雪琪份人平時就成日保護我安慰我，但係當佢自己有麻煩個陣佢就好易成個人亂曬。
「未啊... 係喎，可以問下陳俊賢係咪同嘉浩一齊」
「一係你試下打俾呀賢問下嘉浩有無搵過佢？」我提議
「係喎，咁我打俾陳俊賢先！」
「好啦，byebye」
收左雪琪線之後先發現我枱上面個杯水已經無曬，於是就諗住出去出面斟水。
「咦winnie妳依家先番黎既，哦實係day off琴日出左去蒲啦！」係我隔隔離房個個同我同時出門口既女仔問係走廊行緊番黎既一個短髮女。
「緊係唔係啦頂你！間房讓俾roomate食仔啊哈哈」條女好似講笑咁講
「你roomate真係好索，成個abc咁，但咁撚濫既，上次聽人講佢食左讀design個個男神浩然，雞黎架」
「細聲啲啦！我唔知佢地走左未架，喂借間房黎hea下時間先啦」
「abc？ceci？食仔？浩然？藍嘉浩...？」我個腦自動將岩岩條女講個啲野組織埋一齊。
「唔好意思啊！」我叫停左準備行入房個個短髮女仔winnie。
「咩事...？」佢一臉疑惑咁望住我
「你地岩岩講個個係咪ceci阿？」我有啲緊張咁問
「咦你識佢架？」
「我想問個個男仔係咪戴眼鏡，米七五度個樣斯斯文文咁架？」媽咪啊千祈唔好係嘉浩啊
「係有戴眼鏡既，嗯... 又好似係米七五斯斯文文咁架喎... 」個個叫winnie既女仔諗左一諗之後望住我「做咩啊？」
「食屎啦... 你可唔可以借條鎖匙俾我啊？唔該你啊！」我真係就黎跪係度咁濟
「但我應承左ceci一個鐘之後先番架喎...」佢望一望手錶「仲有四個字呀」
「唔該你啊，個男仔有女朋友架！」
「下...！佢明明話佢單身架... 」winnie呆左一下「好啊我借俾你！」下一秒佢好大反應咁講，同時主動打開房門。
我仲諗緊點解佢咁順攤個陣，我已經俾眼前既景象嚇到唔識反應。
而我隔離既winnie都呆左咁企左係度。
「藍... 藍嘉浩...」我好唔容易先叫得出嘉浩個名。
我眼前既係坐左係櫈既嘉浩同埋跪左係地下既ceci。
相信唔洗我講都知佢地做緊乜。
佢兩個明顯俾突然走入黎既我嚇親，所以兩個都呆撚左係度。
「小... 小熙？」嘉浩首先出聲
「藍嘉浩你... 我真係... 」呢一刻我完全知道咩叫百感交集「你知唔知雪琪等左你幾耐啊？你居然係度 ... 」我真係好想屌爆佢，但原來一個人好嬲但又唔知可以點既時候反而係會一句粗口，甚至一句說話都講唔出。
企係我隔離既winnie食左一陣花生就拿拿聲走番去隔離房個個女仔度，剩低我，嘉浩同ceci。
「我... 我真係無心架，我都唔想架但係...」
「但係咩啊？情難自禁啊？」我忍唔住發火，我除左嬲佢咁對雪琪之外，更加嬲既係我已經唔敢想像雪琪知道之後會點。
「sorry啊，我真係同佢無野架，我... sorry啊」嘉浩一臉後悔咁講，同時整理番條褲企左起身
「我一定會同雪琪講。我仲以為你為左而改過自新，點知你到頭黎都係咁經唔起引誘。」我斬釘截鐵咁講「我對你真係好失望。」
我另轉對ceci講「死八婆，你真係好撚cheap啊！你咁撚鍾意含撚啊嘛，做雞啦！」對住ceci我真係忍唔到道氣，係未閂門既情況之下好撚大聲咁講。
「藍嘉浩，我... 我依家就去同雪琪講！ 」我講完呢句就好嬲咁另轉面落樓去圖書館搵雪琪。
「小熙！」嘉浩一手拉住我「對唔住啊，我知錯啦，你唔好話俾雪琪知啊！」
「你依家先黎驚有咩用啊？如果我唔係及時衝到入黎，你屌埋佢添啦！係咪啊！」
俾著平時遇到呢啲咁敏感既話題我都會覺得好尷尬，即使係同呀賢講呢啲話題我都會好怕醜。
估唔到原來我都會有嬲到講得出呢啲說話既一日。
「我真係知錯架啦... 我係衰鹹濕，受唔到引誘，但無下次架啦，你信我啦小熙」嘉浩一臉內疚咁講。
「你叫我點信你無下次啊？唔好唔記得你已經有前科架啦！」我依然保持好高聲浪。
嘉浩好懊惱咁望住我，佢想講野反駁我，但係又無講到出口。
「總之我一定要話俾雪琪知等佢諗清楚仲同你繼續一齊係咪正確！」
我講完之後用力甩開嘉浩，但係佢緊緊咁拉住我然後跪低左「唔好同雪琪講啊，我真係唔會有下次架啦，我唔想同雪琪分手啊我知錯啦」
我呆左一下，因為我估唔到藍嘉浩會跪低。
「小熙，你俾多次機會我，我會證明俾你睇雪琪信我係無錯架！」嘉浩拉住我講
「... 你... 你叫人點信你」當下，雖然我都動搖左一下，但係我都真係唔知雪琪應唔應該繼續同佢一齊。
有得第一次，就會有第二次。
「我真係好愛雪琪... 我唔想失去佢啊！我真係知錯啦... 我唔想個傻妹知道左之後會又自己鎖埋自己...我真係... 好後悔」嘉浩一路講眉頭一路緊鎖，雙眼亦都緊緊咁合上。
我當然知嘉浩講緊咩啦。
雪琪一有咩好唔開心既時候，就會將自己閉關，完全同外界斷絕來往。
聽嘉浩講雪琪之前個男朋友出面有左第二個，仲要瞞左雪琪成年佢先知。
個陣親眼係條街俾雪琪見到當時個男朋友同一個女仔拖住一齊行，而性格火爆既雪琪即刻衝上前摑左條女一巴。
但好戲劇性地，個男仔個陣當街高聲斥責雪琪，然後護住個女仔係自己身後。
個男仔當場就即刻同左雪琪分手。
個日之後，雪琪就完完全全與世隔絕，學又唔番。就連個陣同佢最fd個個都搵佢唔到，仲搞到佢呀媽擔心到痴左線。
後黎因為佢兩個禮拜淨係食得個幾餐，搞到個身體勁差，有一晚頂唔順係屋企暈左。
之後醫院通知左佢呀爸呀媽，雪琪見到佢呀媽擔心到喊曬出黎，先開始慢慢變番當初咁開朗既雪琪。
後來中三個年遇到嘉浩，好慢慢咁接受到嘉浩進入佢既生活。
如果俾雪琪知道左嘉浩咁對佢，佢一定傷心到死。
我唔想雪琪再有多一次陰影，我唔想佢再次對愛情失去信心。
我唔想佢... 好似當年既我咁。
藍嘉浩，你一定要講得出做得到。
你唔可以再俾雪琪傷心。
「... 我幫埋你今次，但唔該你醒醒定定」我望住嘉浩
「... 我知錯架啦」嘉浩唔敢正視我
「你條八婆，唔該你以後檢點啲啊，你要繼續做hall雞唔緊要，但你咪再煩嘉浩！」我行到ceci面前舉起手想兜巴星落去，但我忍住左。
「跟我落去搵雪琪，佢等左你成個鐘啊！」
我講完就拉住嘉浩走出ceci間房，剩低一臉不忿既ceci。
*嘉浩視覺
小熙拉住我衝落圖書館，但我個心一路都好忐忑。係心虛定係內疚？我已經分唔清楚。
我同雪琪由中四已經一齊，我諗佢對我既了解應該俾我呀媽仲深。
我知如果雪琪知道我受唔住誘惑，一定會崩潰。
一年，我用左足足一年先接近到雪琪，再用多半年先追到佢。
雪琪初初同我一齊個陣，我自己其實都feel到佢對我只係有啲好感，但我就完完全全中曬毒。
曾經出過去蒲去玩去食女既我，識親既女仔一係就姣雞，一係就吊高黎賣。
但雪琪係第一個係我面前完全表現自己最真實既一面既女仔。
講野直接，諗到乜就講乜。之前同佢同埋小熙佢地番parttime遇到啲煩客蠻不講理或者提出無理要求，佢會直接用番佢一貫同我地溝通相處既態度同語氣去同啲人理論，簡單黎講姐係同啲客互串。
但我覺得佢好特別。
初初一齊個陣好明顯係我愛佢深好多，但日子耐左，雪琪就越黎越鍾意我。小熙佢地都話雪琪因為我而變得溫柔左。
我知佢真係好信我，佢從來都唔會check我電話。
我問過佢點解佢完全唔睇我電話完全唔check我行踪，佢答我：情侶間最緊要就係信任。如果你有心呃我，我點check你你都有辦法隱藏得到；如果你無野唔俾得我知，我點check都唔會搵到啲乜。既然係咁，咁我點解要搞到大家都辛苦先。
小熙話我有前科，係因為我之前瞞住雪琪陪左個鍾意我既學妹去買禮物俾佢呀哥。個陣俾小熙見到，而條女又同我痴得好埋，小熙就誤會左我同佢有野。
總之，我唔會再俾雪琪傷心，我會同ceci斷來往。
「嘉浩，小熙！」雪琪離遠已經見到我地，我即刻走過去攬住佢
「sorry啊bb」我攬到雪琪超實
「原來條友落左堂俾啲同學拉左佢傾group pj，又唔單聲」小熙即刻幫我講
我用個感激既眼神望一望小熙
「下次同我講聲啊嘛，擔心死我啊搵你唔到又遲左咁多！」雪琪抬頭望住我而且輕輕咁拍左我一下。
「對唔住啊」我鍚左佢一下「下次唔會架啦」
「你地慢慢啦，我要番上去打俾呀賢先，byebye啦雪琪」小熙俾左個眼色我，然後就走左
「我地去邊度好啊」雪琪問我「我好肚餓啊全日無食過野」
「去食野啦咁我地」我笑左一笑「譚仔啊嘛係咪？」雪琪神級愛譚仔。
「你都唔鍾意食譚仔既」雪琪遲疑左兩秒「我無同過你去食譚仔架喎，你次次都唔肯陪我食」
「咁妳鍾意啊嘛，都要就妳既，行啦傻妹」我笑住咁拖住佢行去地鐵站