【大學故】《上到大學，原來真係會咩都唔同曬》: 二十五
(二十五)
*呀賢視覺
上次嘉浩上黎搵我傾個條ceci之後，我都有wtsapp過佢問佢咩環境既。
佢都有sd過ceci啲對話俾我，亦都好隱晦咁表達到佢同ceci係繼續有關係。
唉，藍嘉浩，明明當初係你titanic先過我，點解依家你要搞壇咁既野出黎。
嗰件ceci，索係索，對腳又真係同小熙有得比既，但真心，咁撚姣既女我真係覺得好撚煩。
近排岩岩開學，我就無咁忙，都叫做有時間陪下小熙，但嘉浩就比較忙，搵佢飲杯野都難。
希望學業同埋雪琪可以令佢快啲清醒知道自己做緊乜啦。
呢日dayoff，所以就諗住去接小熙食lunch，順便搵下嘉浩。
因為係下晝，啲中學生上班族都未放工，所以地鐵都唔係好多人。
我求其揀左個位就坐低聽歌玩電話。
「咦你咪陳俊賢？」無啦啦有個女仔拍左我一下，我一抬高頭，原來係嘉浩個妹，藍詠兒。
「啊... 咁岩既」我除左條headphone。
「好耐無見過你啦喎，呢排無上黎既」佢坐底左係我隔離。
「嘉浩咁忙，得閒既話都留番俾雪琪上去啦」實情係嘉浩多數都會上我度，但因為中學個成日都會去佢屋企打機，所以個陣詠兒會成日見到我。
「哈哈你又岩喎，丫講開呀哥，佢呢排都成日好早訓又好攰咁，明明先岩岩開學咋嘛，唉睇黎讀大學真係好辛苦」佢望住地下講
「佢讀psycho喎，唔忙就假啦」我話「點啊，妳下年考架啦喎」
「係啊唉，我都唔想讀大學」詠兒另過黎望住我「入U住hall去ocamp真係好開心架咩？」
「嗯... 因人而異啦」一諗起yuki同嘉浩單野，即刻咩都唔想講
「唉聽個fd講住大學好黑暗，啲女仔雞黎架，啲男仔又係呃西屌」詠兒雙手支撐住張櫈「又chur喎日日係度趕project趕assignment」
「其實大學唔代表啲咩既」我話「總之盡力啦，最緊要知道自己想點」
「下一站，沙田，next station...」
「我到啦，走先，下次見啦」詠兒同我講完再見，就急急腳走左出月台。
『bb啊，我就黎到啦』
『你係圖書館等我呀，我應該會遲少少放啊』
『好啦』
既然係小熙遲放，咁我去搵下嘉浩先啦。
*嘉浩視覺
『放左學得唔得閒啊？』又係ceci
『唔得』
『車，咁我等聽日』
『聽日小熙都係度，妳又想點啊』
『我早啲黎咪得，喂呀你對我溫柔啲得唔得』
『對女朋友先會溫柔，妳唔好早到，我個妹係度』
『乜你有個妹架，靚唔靚女架？咁你有無幻想過搞你個妹？』
『妳係咪痴線架... 點解妳個腦可以成日諗埋呢啲野』
『咩喎，咁你唔鍾意咩？』
『我依家去搵女朋友，你唔好再咁，係咁先。』我覆完就收埋部電話。其實我仲未放學，但咁樣落去真係...
「吱～吱～吱～」
原本諗住唔睇架啦，但見到其中一個msg係呀賢。
『得唔得閒，我係你學校圖書館，吹兩句啊』
『得啊，我依家落黎』
正當我諗住撳番出主頁去個陣，唔小心hi到ceci個對話欄，結果瞬間就見到幾張腳圖。
屌，真係水都噴埋出黎。
『妳再係咁，我以後block7妳』
『唔好啦，咁人地掛住你，想你對住我扯呀嘛... (馬騮掩眼)』
到底做ceci男朋友要有幾多精力先夠佢玩。
『依家唔得閒陪妳癲』我覆完呢句，就del曬啲對話落去搵呀賢。
*小熙視覺
「李穎熙！乜你咁耐架！」一上到嘉浩屋企，嘉浩就好著急咁一邊開門一邊拉我入屋。
「咩啊？我岩岩先落堂，就狗衝過黎喇！」我望一望手機，五點半，即刻反左個白眼「我地約六點架！我仲早到左囉！」
無錯，我地同組仔女既reu就係係嘉浩屋企開party。一入到屋，我先發現原來Ceci已經到左。
望住佢呢身戰鬥格，我都已經習慣到無野好講。
「咁早到既你？」我隨口咁問左Ceci，我地約左六點，會落去買下零食同佈置下個場，Party就會七點半開始。
對於Ceci呢啲成日遲到既港女，我真係好奇佢今日點解會仲早過我上到嘉浩屋企。
「無啊，早左放咪上黎囉。你又唔係唔知我住得遠。」Ceci笑住咁答。
「小熙，既然早左黎就早啲準備喇。」嘉浩呢個時候走過黎拉起我。
「好，咁我地行囉。」我望一望Ceci，見對方點頭之後就行去著鞋。
唔知係咪我錯覺，我硬係覺得嘉浩今日好靜好緊張。於是我襯Ceci去左廁所，我開聲問「喂，你今日咁奇怪既？」
嘉浩隨即抬頭望住我，「下⋯？有... 有咩奇怪？」
我無即刻答佢既問題，而係好疑惑咁凝視佢。因為我覺得如果真係有奇怪既人係呢個時候一定會心虛。
「做咩姐你？」嘉浩望實我，對我既行動表示不解，然後笑住咁拍左我個頭一下。
「頂，又持住自己高過我咁樣整人個頭！」我忍唔住笑咁打返佢手臂一下。
嘉浩識講笑咁回應，應該係我諗多左姐。
*嘉浩視覺
晏就五點三左右，我岩岩訓醒晏覺。因為今晚要同班組仔女係我屋企reu既關係，我約左組媽小熙同OC Ceci早啲上黎準備下。
今次係第一次我同Ceci開始左sp關係，同小熙三個咁樣見面。
其實真係好不安同緊張，於是我打左個電話比雪琪。
『喂？bb，你訓醒喇？』雪琪一接起電話，就好開朗咁講。
『係啊，我掛住你啊嘛。』真心，自從對唔住雪琪個刻，我無時無刻都想見到佢，對佢再好啲咁補償佢。
『傻豬，我地頭先先食完lunch，有冇咁痴纏啊？』雪琪雖然把口咁講，但我feel到佢其實好開心。
『咩姐？你唔掛住我咩？你長期都係我個衣架上面架喎。』我扮到好唔開心咁氹佢。
『好嘔心啊，藍嘉浩。』雪琪笑得好甜咁話我。
『你唔鍾意咩？』
『好喇，咁我都掛住你喇。』雪琪細細聲咁錫左我一啖。
呢個時候，門鐘就響起。
『啊，小熙應該到左啦，我完左party再打比你喇？』我望一望鐘，未夠五點半，以Ceci既港女格都唔會早太多就咁樣答雪琪。
『好喇，拜拜bb』
一打開門，眼前既人即刻攬住我，我先意會到係Ceci。
「你咁早上黎做乜啊？」唔知點解對住Ceci我就好易燥底，特別係一間小熙都係度，我就好唔耐煩咁答。
「人地掛住你嘛。」Ceci好熟習咁自己行左去沙發到坐「你唔想咩？人地諗住早半個鐘可以同你開心下嘛！」
屌，但如果李穎熙陣間到左咁點？加上我而家冇心情同佢玩。
「等陣唔該你唔好亂搞野出黎。」我警告Ceci「你唔好以為持住我地呢段關係就亂黎，到時候我地攬住一齊死，隨時比人踢出校。」
「咩姐，你咁惡架。」Ceci好無辜咁望住我，而我繼續面無表情咁玩電話。
當我feel到Ceci又黎料，想坐過黎我到之際，我聽到門鈴響起。
只見Ceci氣急敗壞咁坐返好，然後我就去幫小熙開門。
唉，其實呢段關係仲可以維持幾耐。我真係唔想離開雪琪。