什麼!不想獨自打飛機!但我更不想組團打飛機! 
發神經!他們一定是基的,他們一定是想要強姦我!救命啊!有誰可以救我! 

「唔洗客氣啦,我返屋企打飛機就得啦,最多我夾返酒店錢啦!」我拿出錢包。 

「唔好走住,我地需要你!」站在一角戴著眼鏡的帥氣男生說,相信他就是阿信。 
「需咩要啊!我又唔係基!你地自己打自己嘅飛機未算囉!關我咩事啊!」我大喝。 
「冷靜啲先,你有無聽過打飛機許願法啊?」阿信認真地問。 

「乜野打飛機許願法啊!唔好以為問人有無聽過就代表件事好似好撚出名咁啦!我無聽過!同埋根本就無咩打飛機許願法!係你自己作架!唔好傻啦!」我說。


「唔係!打飛機許願法係真有此事架!相傳只要有七個人,圍著床打飛機。當第七滴精都射左落張床到,就可以召喚出神丁。而神丁就可以滿足召喚人的一個願望。」坐在一邊的默哥邊抽煙邊說話。 

經默哥一說,我已經能非常確定他們是精神病患者,而且病情不淺。 

「乜撚野七個人打飛機可以召喚神丁啊?龍珠啊?」我說。 
「哈哈,係啦係啦!我一路都覺得好似一套卡通,原來係龍珠!」雙囍興奮地說。
我知道跟這六個人已經沒有理論的空間,好氣沒氣的我轉身就要走人。 

這時候有一股巨力拉著我的手,我回身一看,原來是死肥仔。 
「唔好走!你一走我地就唔夠人召喚出神丁,咁好機會你唔係放棄掛?」死肥仔說。 


「屌你地上基佬網搵人啦!大把基佬想同你地一齊打飛機啊!咪再攪我啦!我報警拉返你地入青山架!」 
「森美,你有所不知啦。要召喚神丁,必需要七位都係直男先可以。試想下如果基佬都可以召喚,咁神丁未會成日出現係基佬雜交派對囉。」阿信一本正經地說。
「咁你地搵第二個直男啦!我唔會同你地一齊打飛機!我個人好有原則!我話唔會就係唔會!」我大叫。 
「森美,如果可以的話我都唔想勉強你。但今日係神丁召喚日,如果錯過左,就要等下年架啦!希望你可以幫我地啦!」阿信說。 
「唔撚幫!唔撚打!我唔撚打飛機!死肥仔!放開我!」我大叫。
此時,小祺突然站了起來。我們六個人都被他的動作吸引了眼光,停住了說話。留心看著他突如其來的一舉一動。 
只見他走到了一個背包前,提出錢包,向我走過來。 

「幫幫手,哩到有五千蚊,你未當打份工囉,打個飛機輕輕鬆鬆拿五千。何樂而不為?」小祺拿著五千元舉向我。 



好吧!面對五千大元的誘惑,算吧,反正打過飛機,何樂而不為?而且一次得罪六位精神病人也不是好事。結果我還是收下五千元。