【好無聊】不想獨自打飛機？: 第十節

面對這個模樣的肥仔，我又再一次抵擋不住胃部的反芻。用好比都敏俊的速度衝進廁所，又再一次狂吐起來。 
好不容易才填滿的胃，看來又要再一次空虛起來。 

步出廁所後我大罵︰「屌你老味！化撚到咁撚樣，好撚樣衰啊！肥仔始終都係肥仔，無撚得救架啦！去韓國整容啦！」 

「你個人唔好咁膚淺啦，戀愛唔係淨係睇樣架！可能babyfatman個人同你好夾呢？」默哥說。 

「屌你！又係你話咩男人係視覺動物！係咁撚膚淺架啦！佢係女人還好，起碼豬西都係肉！依家仲要係男人啊！點頂啊？你頂丫！」我反駁。
「森美哥…你可唔可以試下同我約會啊？可能你會對我改觀呢……就當同朋友一齊出街嘅普通約會啦，好嗎？」肥仔楚楚可憐般對我說。 



「係啦！試下囉！又無壞，除非你怕自己真係會變成基啦。」默哥說。 

「緊係唔怕！我唔係基！以前唔係，依家唔係，以後都唔會係！」我肯定地說。 

「咁森美哥你應承肯同我出街？」肥仔說。 

「出未出囉，你唔好亂諗！我唔係基架！」我說。 

「唔會架！唔會架！你肯同我出街我已經好開心架啦！」肥仔高興地說。 



「咁未好囉，我地又大機會唔洗變撚樣啦！」阿信說。 

「唔好傻啦！我都講左我唔係基！諗下點搵女好過啦！」我說。 

「我建議一人搵一條女，咁岩岩好七條，點睇？」小祺說。 

「個建議好正路，但係點搵先得架？」阿希說。 

「我都唔知啊，大家各自返屋企休息先啦。方法再諗啦。」小祺說。 



「都岩嘅，散水啦。」阿希說。
宋撚此時走了出來，大聲說︰「喂！你地班仆街，搵人理下我好唔好啊？」 
要不是宋撚突然的大叫，我們都差不多忘了他的存在。 

本來還想忘掉一切麻煩先回家休息再算。 
但又不能無視宋撚的存在。 

「點攪啊？咁大條宋撚點處理好？」我問。 

「不如由佢留係酒店啦，到時執房啊姐發現自然會報警啦。到時差佬拉撚左佢一了百了。」阿信說。 

「點得？！拉撚左佢，就算我地搵到七條女打潛艇，召喚左神西出黎都無用啦！到時大家變曬撚樣咋！」我說。 

「你到時同babyfatman拍拖未得囉。」阿信說。 



「拍你老味！早知唔可以畀差佬拉左佢！」我說。 

「但酒店房要check out啦，何況就咁放佢係酒店入面都唔安全啦。」阿希說。 

「咁唔通要帶佢返屋企？」小祺問。
宋撚突然開口問︰「你地住邊？」 

阿希︰「順天。」 
小祺︰「天水圍。」 
阿信︰「大埔廣源。」 
默哥︰「華富村。」 
肥仔︰「將軍澳。」 
我︰「西貢。」 

「咁我去西貢啦！其他果啲屋村地方唔岩我住。」宋撚說。 



「點解啊！我同屋企人住架，點同佢地講啊？媽，依位我朋友jason啊，佢過黎住幾日咋。咁啊？」我反抗，絕對不能讓宋撚住到我家！ 

「係啦，不如你去我屋企啦，我屋企都有地方你訓架，唔好攪到森美哥啦！」肥仔幫忙說話。 

「我點都要去西貢架啦！我先唔同你個死基佬住，萬一我訓訓下覺你走黎含我未仆街，我一世英名，唔可以敗係你個死肥仔身上！」宋撚說，此擔心並非無理。 

「喂啊，人地都無咁大個口，點會含你喎……何況我唔係個個男人都鍾意，我只係鍾意森美哥！你唔好係到亂講！」肥仔說。 

聽到肥仔一說，我立即打了一個大大的冷震。 
如果有天我睡著了，肥仔會偷偷過來含我嗎？ 
想到這，我更加心寒。為免肥仔再說出什麼肉麻的表白字句，我只好答應宋撚讓他到我家住。
「咁大條撚，點落去坐的士啊？」阿信問。 

「你落去買兩個紅白藍包住佢啦，然後再call4VAN啦。」我說，阿信轉身落街。



一陣子，阿信帶著兩個紅白藍上來。 

一上一下地包裹著宋撚。然後七人合力抬起宋撚，將他送出酒店。