羽夜（完）: 8

我買了她最喜歡的vodka, 羊架，花，還有香薰到遊艇上。但發現有其他堂口的人在艇會。

「有鬼~13:35」我傳給雯宣。又吩咐了我兩個近身，豹女和博士去觀察。

「洗唔洗轉場洗場~13:40」她回覆。正好豹女回覆，原來今日有名「新界佬」大壽。

「老鬼牛一，冇事~13:42」

「ok~~13:43」……





「我知有好多堂口要抽呢批貨，差佬又刮緊轉手人。」我開了那瓶vodka, 斟酌予她。

「我已經搭左路，批貨其實今日已經到左，我亦比左錢。依家我地系要順利比到狄虎同辻從武。佢地已經過左四成訂去你之前開果個太空户口度，依家要傾幾時比貨佢地。」

我不得不佩服她辦事的能力。「交比我啦。我希望越快越好。」

「但系佢地好似想面交。怕唔怕……」她有點擔心我。

「我怕杜宇浚多d。」我呷了口伏特加。





「你要小心d。」

還未談罷，忽然飛來一顆槍彈打到我牆上。我一看，立刻撲去保護雯宣邊喊:「撲低唔好郁。」馬上有艘快艇駛經並亂槍向我們掃射，射完便走了。

「係我表舅父既人。」我仍壓在她身上，與她四目交投。

「佢想你比批貨佢？」

「嗯。不過佢睇黎唔知你有份。如果唔係，佢一定再聰明d。睇黎你用哂我名義，系米呀？」我有點生氣。





「我唔系……」她想回應，我坐起來打岔:「唔洗講喇。利益既野冇人比你計得更盡，如果唔係妳冇必要part我……」

「邢羽希！你從來都唔聽我解釋……」

「乜你仲有解釋咩？我對你黎講算系一隻搵到錢既棋呀可……」

「你講咩啊？我要搵錢唔洗搵你……」

「心底話啦？」我與她四目交投着，我心傷得流淚，她也流着淚。

「呢單係我同你最後一單交易。以後…各行各路。」我一手拿走vodka, 邊喝邊把船駛回艇會。

為何每次想和好，都要心傷收場？為何我對着她，難以冷靜……